ಸುರಪುರ: ಕಳೆದ ಮೂರು ದಿನಗಳಿಂದ ನಿರಂತರವಾಗಿ ಮಳೆ ಸುರಿಯುತ್ತಿರುವುದರಿಂದ ರಂಗಂಪೇಟೆಯಲ್ಲಿ ವಯೋವೃಧ್ಧ ದಂಪತಿಗಳು ವಾಸಿಸುತ್ತಿದ್ದ ಮನೆಯೊಂದು ಬಿದ್ದು ನಷ್ಟವುಂಟಾಗಿರುವ ಘಟನೆ ನಡೆದಿದೆ.
ರಂಗಂಪೇಟೆಯ ಕುಂಬಾರ ಓಣಿಯಲ್ಲಿ ವಾಸವಾಗಿರುವ ಸಂಗಪ್ಪ ಮಲ್ಯಾ ದಂಪತಿಗಳು ವಾಸವಾಗಿದ್ದ ಹಳೆಯ ಮನೆಯು ನಿರಂತರ ಸುರಿದ ಮಳೆಯಿಂದಾಗಿ ಕುಸಿದು ಬಿದ್ದಿದ್ದು ಅದೃಷ್ಟಾವಶತ್ ಮನೆಯಲ್ಲಿ ಯಾರೂ ಇರಲಿಲ್ಲ.ಆದರೆ ಮನೆಯಲ್ಲಿದ್ದ ದವಸ ಧಾನ್ಯಗಳು ಮತ್ತು ಕುಂಬಾರಿಕೆ ವೃತ್ತಿ ಮಾಡುವುದರಿಂದ ಮನೆಯಲ್ಲಿ ಮಾರಾಟಕ್ಕೆ ಇಡಲಾಗಿದ್ದ ಮಡಿಕೆ ಸೇರಿದಂತೆ ಅನೇಕ ವಿಧದ ಮಣ್ಣಿನ ವಸ್ತುಗಳು ಹೊಡೆದು ಹೋಗಿದ್ದರಿಂದ ಸಾವಿರಾರು ರೂಪಾಯಿಗಳ ನಷ್ಟವುಂಟಾಗಿದೆ.
Contact Your\'s Advertisement; 9902492681
ವಿಷಯ ತಿಳಿದು ಕಂದಾಯ ಇಲಾಖೆಯ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿ ಸರಕಾರದಿಂದ ಪರಿಹಾರ ಧನ ಒದಗಿಸುವ ಭರವಸೆ ನೀಡಿದ್ದಾರೆ ಎಂದು ವೃಧ್ಧ ಸಂಗಪ್ಪ ಮಲ್ಯಾ ತಿಳಿಸಿದ್ದಾರೆ.