ಕಲಬುರಗಿ: ವಿಜಯಪುರದ ಆಹೇರಿಯ ಶ್ರೀ ಬಸವೇಶ್ವರ ಕರ್ಮವೀರ, ಕಲಾ, ಸಾಹಿತ್ಯ, ಸಂಸ್ಕøತಿ ವೇದಿಕೆಯ ಪ್ರತಿಷ್ಠಿತ ಬಸವರತ್ನ ರಾಷ್ಟ್ರೀಯ ಪ್ರಶಸ್ತಿ ಪುರಸ್ಕøತ ಸಂಯುಕ್ತ ಕರ್ನಾಟಕ ಜಿಲ್ಲಾ ವರದಿಗಾರ ಭೀಮಾಶಂಕರ ಎಂ. ಫಿರೋಜಾಬಾದ್ ಹಿನ್ನೆಲೆಯಲ್ಲಿ `ಸಂಯುಕ್ತ ಕರ್ನಾಟಕ’ ಕಚೇರಿಯಲ್ಲಿ ಭಾನುವಾರ ಶ್ರೀ ಬಸವೇಶ್ವರ ಕಲಾ ಬಳಗದಿಂದ ಭಾನುವಾರ ಸಂಜೆ ಆತ್ಮೀಯವಾಗಿ ಸತ್ಕರಿಸಲಾಯಿತು.
ಈ ವೇಳೆ ಸಂಘದ ಉಪಾಧ್ಯಕ್ಷ ನರಸಪ್ಪ ಬಿರಾದಾರ್ ದೇಗಾಂವ್ ಮಾತನಾಡಿ, ಭೀಮಾಶಂಕರ ಅವರು ಅವಿರತ ಪರಿಶ್ರಮ, ಪ್ರಾಮಾಣಿಕತೆಯಿಂದ ಕೆಲಸ ಮಾಡಿದ್ದರಿಂದಲೇ ಉನ್ನತ ಪ್ರಶಸ್ತಿ ಪಡೆದಿರುವುದು ಸಂತಸದಾಯಕ. ತಮ್ಮನ್ನು ತಾವು ಕೆಲಸದಲ್ಲಿ ತೊಡಗಿದ್ದವರಿಗೆ ಪ್ರಶಸ್ತಿ-ಪುರಸ್ಕಾರಗಳು ಹುಡುಕಿಕೊಂಡು ಬರುವಲ್ಲಿ ಯಾವುದೇ ಸಂದೇಹವಿಲ್ಲ. ಇಂಥ ಸಾಲಿನಲ್ಲಿ ಕ್ರೀಯಾಶೀಲ ಯುವ ಪತ್ರಕರ್ತ ಭೀಮಾಶಂಕರ ಸೇವೆ ಅಮೋಘವಾಗಿದ್ದು, ಮುಂದೆ ಉತ್ತರೋತ್ತರವಾಗಿ ಉನ್ನತ ಹಂತಕ್ಕೆ ತಲುಪಲಿ ಎಂದು ಹಾರೈಸಿದರು.
ಭೀಮಾಶಂಕರ ಸನ್ಮಾನ ಸ್ವೀಕರಿಸಿ ಮಾತನಾಡಿ, ಯಾವುದೇ ಫಲಾಪೇಕ್ಷೆಯಿಲ್ಲದೆ ನಿಸ್ವಾರ್ಥ ಮತ್ತು ನಿಷ್ಠೆಯಿಂದ ಕೆಲಸ ನಿರ್ವಹಿಸಿದರೆ ಪ್ರಶಸ್ತಿಗಳು ಹುಡುಕಿಕೊಂಡು ಬರಲಿವೆ. ಇದಕ್ಕೆ ಉದಾಹರಣೆ ತಾವು ಇರುವುದಾಗಿ ಹೇಳಿದರು.
ಈ ಸಂದರ್ಭದಲ್ಲಿ `ಕಲಬುರಗಿ ಸಂಯುಕ್ತ ಕರ್ನಾಟಕ’ ಬ್ಯೂರೋ ಚೀಫ್ ಜಯತೀರ್ಥ ಕಾಗಲಕರ್, ಕಚೇರಿ ವ್ಯವಸ್ಥಾಪಕ ಯು. ವಸುದೇಂದ್ರ, ಮುಖ್ಯವರದಿಗಾರ ಹೆಚ್. ಶೇಷಗಿರಿ, ಹಿರಿಯ ಉಪಸಂಪಾದಕ ಸುಭಾಷ ಬಣಗಾರ್, ವರದಿಗಾರ ಸಂಗಮನಾಥ ರೇವತಗಾಂವ್, ಜಾಹಿರಾತು ವಿಭಾಗದ ಸಹಾಯಕ ವ್ಯವಸ್ಥಾಪಕ ಗಿರೀಶ ಕುಲಕರ್ಣಿ, ಕನ್ನಡ ಜಾನಪದ ಪರಿಷತ್ ಜಿಲ್ಲಾಧ್ಯಕ್ಷ ಎಂ.ಬಿ. ನಿಂಗಪ್ಪ, ಅಖಿಲ ಭಾರತ ಹಿಂದೂ ಮಹಾಸಭಾದ ರಾಜ್ಯ ಉಪಾಧ್ಯಕ್ಷ ದಿನಕರರಾವ ಅಷ್ಟಗಿ ಕುಲಕರ್ಣಿ, ಪ್ರಮುಖರಾದ ರಾಜಶೇಖರ ಬಿ. ಮರಡಿ, ಬಸಯ್ಯ ಸ್ವಾಮಿ ಹೊದಲೂರ, ಬಸವರಾಜ್ ಪುರಾಣೆ, ಎಸ್.ಎಸ್. ಪಾಟೀಲ್ ಬಡದಾಳ, ಓಂಕಾರ ಗೌಡ, ಸೋಮಶೇಖರ, ಅಣ್ಣಾರಾವ್ ಮಂಗಾಣೆ, ವೀರೇಶ ಬೋಳಶೆಟ್ಟಿ, ರಾಜಕುಮಾರ ಬಟಗೇರಿ ಮತ್ತಿತರರಿದ್ದರು.