ಕಲಬುರಗಿ: ಕರ್ನಾಟಕ ಕೇಂದ್ರೀಯ ವಿಶ್ವವಿದ್ಯಾಲಯ, ಇಲ್ಲಿನ ಹಿಂದಿ ವಿಭಾಗದ ಪ್ರಾಧ್ಯಾಪರು ಮತ್ತು ಪತ್ರಿಕೋದ್ಯಮ ಮತ್ತು ಸಮೂಹ ಸಂವಹನ ವಿಭಾಗದ ಪ್ರಭಾರ ಅಧ್ಯಕ್ಷರಾದ ಪ್ರೊ. ಗಣೇಶ ಬಿ. ಪವಾರಗೆ ಅಖಿಲ ಭಾರತ ಹಿಂದಿ ಮಹಾಸಭಾದ ಉಪಾಧ್ಯಕ್ಷರನ್ನಾಗಿ ಸಾರ್ವ ಸಮ್ಮತ ದಿಂದ ಆಯ್ಕೆ ಮಾಡಲಾಗಿದೆ ಎಂದು ಅಖಿಲ ಭಾರತ ಹಿಂದಿ ಮಹಾಸಭಾ ದೆಹಲಿಯ ಮಹಾಸಭಾದ ಸಂಘಟನಾ ಪ್ರಧಾನ ಕಾರ್ಯದರ್ಶಿಆದ ಅಮಿತ ರಜಕ ಅವರು ಇಂದು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಲೇಖಕರು ಮತ್ತು ಆಲೊಚಕರಾದ ಪ್ರೊ. ಗಣೇಶ ಬಿ. ಪವಾರ ಅವರಿಗೆ ಹಿಂದಿ ಸಾಹಿತಿಗಳು ಅಭಿನಂದಿಸಿದ್ದಾರೆ. ಮಹಾಸಭಾದ ರಾಷ್ಟ್ರೀಯ ಅಧ್ಯಕ್ಷರು ಮತ್ತು ಆಂಧ್ರ ಪ್ರದೇಶ ಕೇಂದ್ರೀಯ ಬುಡಕಟ್ಟು ವಿಶ್ವವಿದ್ಯಾಲಯ, ವಿಜಯನಗರದ ಕುಲಪತಿಗಳು ಆದ ಪ್ರೊ. ಟಿ. ವಿ. ಕಟ್ಟಿಮನಿ ಅಂತಃ ಮೇಧಾವಿ ಮತ್ತು ಶಿಕ್ಷಣ ಪ್ರೇಮಿಗಳ ಮಾರ್ಗದರ್ಶನ ದಲ್ಲಿ ಕೆಲಸ ಮಾಡಲು ಹೆಮ್ಮೆ ಅನಿಸುತ್ತಿದೇ ಮತ್ತು ಮತ್ತೊಂದು ಹೆಮ್ಮೆಯ ವಿಷಯ ಅಂದರೆ ನಾವಿಬ್ಬರು ದಕ್ಷಿಣ ಭಾರತದವರು ಆಯ್ಕೆ ಆಗಿದ್ದು ಅತಿವ ಸಂತೋಷದ ಸಂಗತಿ ಎಂದು ಪ್ರೊ. ಪವಾರ ಅವರು ವಿಚಾರ ವ್ಯಕ್ತ ಪಡಿಸಿದರು.
