ಭಾಲ್ಕಿ: ಪಟ್ಟಣದ ಹಿರೇಮಠ ಸಂಸ್ಥಾನದಲ್ಲಿ ಶಿವಯೋಗಿ ಸಿದ್ಧರಾಮೇಶ್ವರರ ಜಯಂತಿಯನ್ನುಆಚರಿಸಲಾಯಿತು. ಸಮಾರಂಭದ ಸಾನಿಧ್ಯ ವಹಿಸಿದ ಪರಮ ಪೂಜ್ಯ ಶ್ರೀ ಡಾ. ಬಸವಲಿಂಗ ಪಟ್ಟದ್ದೇವರು ಶಿವಯೋಗಿ ಸದ್ಧರಾಮೇಶ್ವರರ ವಚನಗಳಲ್ಲಿ ಅಡಗಿರುವಜೀವನ ಸಂದೇಶವನ್ನು ಹೇಳಿದರು.
ಶಿವಯೋಗಿ ಸಿದ್ಧರಾಮೇಶ್ವರರು ವಿಶ್ವಗುರು ಬಸವಣ್ಣನವರ ಸಮಕಾಲಿನ ಶರಣರು. ಅಲ್ಲಮ ಪ್ರಭುದೇವರಿಂದ ಪ್ರಭಾವಿತರಾಗಿಅವರುಕಲ್ಯಾಣಕ್ಕೆಆಗಮಿಸುತ್ತಾರೆ. ಕಲ್ಯಾಣದಅನುಭವ ಮಂಟಪದಲ್ಲಿಚನ್ನಬಸವಣ್ಣನವರಿಂದ ಲಿಂಗದಿಕ್ಷೆಯನ್ನು ಪಡೆಯುತ್ತಾರೆ. ಅವರು ಅನೇಕ ವಚನಗಳನ್ನು ರಚಿಸಿದ್ದಾರೆ. ಅವರ ವಚನಗಳಲ್ಲಿ ಬಸವಭಕ್ತಿತುಂಬಿ ತುಳುಕುತ್ತದೆ. ಬಸವಣ್ಣನೆತಾಯಿ, ಬಸವಣ್ಣನೆತಂದೆ, ಬಸವಣ್ಣನೆ ಪರಮಬಂಧುವೆನಗೆ ವಸುಧೀಶ ಕಪಿಲಸಿದ್ಧಮಲ್ಲಿಕಾರ್ಜುನ ನಿಮ್ಮ ಹೆಸರಿಟ್ಟಗುರು ಬಸವಣ್ಣನಯ್ಯಾ ಎಂಬ ವಚನ ಬಸವಣ್ಣನವರ ಘನ ಮಹಿಮೆಯನ್ನು ಎತ್ತಿತೋರಿಸುತ್ತದೆ.
ಶಿವಯೋಗಿ ಸಿದ್ಧರಾಮೇಶ್ವರರು ತಮ್ಮ ವಚನಗಳಲ್ಲಿ ನಮ್ಮಜೀವನ ಶಾಂತಿ ಸಮಾಧಾನದಿಂದ ಸಮತೆಯಿಂದಕೂಡಿರಬೇಕುಎಂದು ಹೇಳುತ್ತಾರೆ. ಜೀವನದಲ್ಲಿ ಕಷ್ಟ, ಸುಖ, ನೋವು, ನಲಿವು, ಹಾನಿ, ವೃದ್ಧಿ ಬರುವುದು ಸಹಜ. ಆದರೆಎಲ್ಲಾ ಪ್ರಸಂಗದಲ್ಲಿಯೂ ನಾವು ಸಮಚಿತ್ತದಿಂದ ಬಾಲುವುದೇ ಸಮತೆಎಂದು ಹೇಳುತ್ತಾರೆ.
ನಮ್ಮ ಮನಸ್ಸು ಸಮಸ್ಥಿತಿಯಾಗಿರಬೇಕಾದರೆ “ ಮಾಡಬೇಕು ಮಾಡಬೇಕು ಮನವೊಲಿದು ಲಿಂಗಪೂಜೆಯ, ನೋಡಬೇಕು ನೋಡಬೇಕು ಮನವೊಲಿದು ಲಿಂಗ ಸಂಭೃಮವಾ, ಹಾಡಬೇಕು ಹಾಡಬೇಕು ಮನವೊಲಿದು ಲಿಂಗಸ್ತೊತ್ರವ, ಕೂಡಬೇಕುಕೂಡಬೇಕು ಕಪಿಲಸಿದ್ಧಮಲ್ಲಿಕಾರ್ಜುನ ಎನ್ನಗುರುಚನ್ನಬಸವಣ್ಣಕೊಟ್ಟಇಷ್ಟಲಿಂಗದಡಿಯಲ್ಲಿ. ಎಂದು ಹೇಳುತ್ತಾರೆ. ಇದನ್ನು ದಿನನಿತ್ಯ ನಮ್ಮಜೀವನದಲ್ಲಿ ಅಳವಡಿಸಿಕೊಳ್ಳುವ ಮೂಲಕ ನಮ್ಮಜೀವನ ಸಾರ್ಥಕ ಗೊಳಿಸಬೆಕೆಂದು ಪೂಜ್ಯರು ಹೇಳಿದ್ದರು.
ಕಾರ್ಯಕ್ರಮದಲ್ಲಿ ಪೂಜ್ಯ ಶ್ರೀ ನಿರಂಜನ ಮಹಾಸ್ವಾಮಿಗಳು, ಶಿವಯೋಗಿ ಸಿದ್ಧರಾಮೇಶ್ವರರ ಜೀವನ ಸಾಧನೆಯ ಮೇಲೆ ಬೇಲಕು ಚೆಲ್ಲಿದರು. ಪೂಜ್ಯ ಶ್ರೀ ಮಹಾಲಿಂಗ ದೇವರು ನೇತೃತ್ವ ವಹಿಸಿದರು. ನವಲಿಂಗ ಪಾಟೀಲ ನಿರೂಪಿಸಿದರು. ಶಾಂತಯ್ಯಾ ಸ್ವಾಮಿ, ಶಿವಾನಂದ ಕಟ್ಟೆ, ರಮೇಶ ಪಟ್ನೆ ಹಾಗೂ ಶ್ರೀಮಠದ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.