ಸುರಪುರ:ರಾಜಾ ವೆಂಕಟಪ್ಪ ನಾಯಕ ಅವರು ಈಬಾರಿಯ ವಿಧಾನಸಭಾ ಚುನಾವಣೆಯಲ್ಲಿ ಜಯಗಳಿಸಿದ ಹಿನ್ನೆಲೆಯಲ್ಲಿ ಅಭಿಮಾನಿಗಳು ಅಂಜನಾದ್ರಿ ಬೆಟ್ಟಕ್ಕೆ ಪಾದಯಾತ್ರೆ ನಡೆಸಿದರು.
ತಾಲೂಕಿನ ಪೇಠ ಅಮ್ಮಾಪುರ ಗ್ರಾಮ ದಿಂದ ಸೋಮವಾರ ಆರಂಭಗೊಂಡ ಪಾದಯಾತ್ರೆಗೆ ಕಾಂಗ್ರೆಸ್ ಪಕ್ಷದ ಹಿರಿಯ ಮುಖಂಡ ವಿಠ್ಠಲ್ ಯಾದವ್ ಚಾಲನೆ ನೀಡಿದರು.
ಈ ಸಂದರ್ಭದಲ್ಲಿ ಪಾದಯಾತ್ರೆ ಹೊರಟಿರುವ ಕಾಂಗ್ರೆಸ್ ಯುವ ಮುಖಂಡ ಮಹೇಶ ವಿ ಯಾದವ್ ಮಾತನಾಡಿ,ಚುನಾವಣೆಗೆ ನಾಮಪತ್ರ ಸಲ್ಲಿಕೆ ದಿನದಂದು ನಮ್ಮೂರಿನ ಹನುಮಾನ ದೇವಸ್ಥಾನದಲ್ಲಿ ರಾಜಾ ವೆಂಕಟಪ್ಪ ನಾಯಕ ಅವರು ಈಬಾರಿ ಜಯಗಳಿಸಲಿ ಪೇಠ ಅಮ್ಮಾಪುರ ಹನುಮಾನ ದೇವಸ್ಥಾನ ದಿಂದ ಅಂಜನಾದ್ರಿ ಬೆಟ್ಟಕ್ಕೆ ಪಾದಯಾತ್ರೆ ಮೂಲಕ ತೆರಳುವುದಾಗಿ ಪ್ರಾರ್ಥಿಸಿದ್ದೆ.ಅದರಂತೆ ಈಗ ರಾಜಾ ವೆಂಕಟಪ್ಪ ನಾಯಕ ಅವರು ಜನಗಳಿಸಿದ್ದು ಅದಕ್ಕಾಗಿ ಅಂಜನಾದ್ರಿ ಬೆಟ್ಟಕ್ಕೆ ಪಾದಯಾತ್ರೆ ಆರಂಭಿಸಲಾಗಿದೆ.ದಿನಕ್ಕೆ 30 ಕಿಲೋ ಮೀಟರ್‍ಗಳಂತೆ 5 ದಿನಗಳ ಕಾಲ ಪಾದಯಾತ್ರೆ ನಡೆಸಲಾಗುವುದು ಎಂದು ತಿಳಿಸಿದರು.
ಈ ಸಂದರ್ಭದಲ್ಲಿ ಮುಖಂಡರಾದ ಹಣುಮಗೌಡ ಪೊಲೀಸ್ ಪಾಟೀಲ್,ಚಂದಪ್ಪ ಯಾದವ್,ನದೀಮ್ ಇನಾಂದಾರ,ದೇವಸ್ಥಾನ ಅರ್ಚಕ ಹಣಮಂತ ಪೂಜಾರಿ,ಪ್ರಕಾಶ ಯಾದವ್,ಸಣ್ಣಿ ಯಾದವ್,ಮಲ್ಲಿಕಾರ್ಜುನ ರೆಡ್ಡಿ ಕೋಳಿಹಾಳ,ವಿರೇಶ ಪಂಚಾಂಗಮಠ, ಹಣಮಂತ ರಾವೂರ್ ಸೇರಿದಂತೆ ರಾಜಾ ವೆಂಕಟಪ್ಪ ನಾಯಕ ಹಾಗೂ ವಿಠ್ಠಲ್ ಯಾದವ್ ಅವರ ನೂರಾರು ಅಭಿಮಾನಿಗಳು ಭಾಗವಹಿಸಿ ಪಾದಯಾತ್ರೆಯಲ್ಲಿ ಭಾಗವಹಿಸಿದರು.