ಗೋಮುಖ ರಾಯರ ಮಠದಲ್ಲಿ ಪಿತೃ ಪಕ್ಷ

ಕಲಬುರಗಿ; ಜಗತ್ ಬಡಾವಣೆಯ ಗೋಮುಖ ರಾಯರ ಮಠದಲ್ಲಿ ಭಾದ್ರಪದ ಕೃಷ್ಣ ಪಕ್ಷ ಪ್ರತಿಪದೆಯಿಂದ ಮಹಾಲಯ ಅಮಾವಾಸ್ಯೆಯ ವರೆಗೆ ಸೇ. 30 ರಿಂದ ಅ 14 ರವರೆಗೆ ವೇ. ಪಾ. ವಲ್ಲಭಾಚಾರ್ಯ ವೇ.ಪಾ.ಅನಂತಾಚಾರ್ಯ ಇವರ ನೇತೃತ್ವದಲ್ಲಿ ಮತ್ತು ವೇ. ಪಾ. ನಾರಾಯಣಾಚಾರ ಇವರ ಸಹಕಾರದೊಂದಿಗೆ ಪಿತೃ ಪಕ್ಷವನ್ನು ನಡೆಸಲಾಯಿತು.

ಇದೇ ಸಂದರ್ಭದಲ್ಲಿ ದೇಶಕ್ಕಾಗಿ ಪ್ರಾಣತೆತ್ತ ವೀರ ಯೋಧರಿಗೂ ಕೂಡಾ ಪ್ರತಿಯೊಬ್ಬ ಕತೃವು ಉತ್ತರಾದಿ ಮಠದ ಶ್ರೀ 1008 ಶ್ರೀ ಸತ್ತ್ಯಾತ್ಮ ತೀರ್ಥರ ಆದೇಶಾನುಸಾರ ತಮ್ಮ ಪಿತೃಗಳೊಂದಿಗೆ ವೀರಮರಣವನಪ್ಪಿದ ಯೋಧರಿಗೂ ಕೂಡಾ ಪಿಂಡಪ್ರದಾನವನ್ನು ಮಾಡಿ ಕೃತಜ್ಞತೆಯನ್ನು ಅರ್ಪಿಸಲಾಯಿತು.

ಸಮಿತಿಯ ಅಧ್ಯಕ್ಷ ಅನೀಲ ಬಡದಾಳ, ಉಪಾಧ್ಯಕ್ಷರಾದ ಗೋಟೂರ ಹನುಮಂತರಾವ, ನರಹರಿ ಪಾಟೀಲ, ಪ್ರಾಣೇಶ ಟೇಂಗಳಿ, ಉದಯ ಪಾಟೀಲ, ಶಂಕರರಾವ ಕುಲಕರ್ಣಿ, ಪವನ ಫಿರೋಜಾಬಾದ, ಪ್ರಮೋದ ದೇಸಾಯಿ, ಹನುಮಂತರಾವ ಜೇವರ್ಗಿ, ನೀಲಲೋಹಿತ ಜೇವರ್ಗಿ, ಶಶಿಕಾಂತ ಸಾಗನೂರ, ಉಮಾಕಾಂತ ಕುಲಕರ್ಣಿ ಸೇರಿದಂತೆ ಹಲವಾರು ಸದಸ್ಯರು ಭಾಗವಹಿಸಿದರು.