ವಾಡಿಯಲ್ಲಿ ರಾವಣ ಪ್ರತಿಕೃತಿ ದಹನ

ವಾಡಿ; ಪಟ್ಟಣದಲ್ಲಿ ದಸರಾ ಹಬ್ಬ ವಿಜೃಂಭಣೆಯಿಂದ ಜರುಗಿತು.ಪ್ರಮುಖ ಮಂದಿರಗಳಲ್ಲಿ ಬನ್ನಿ ಪೂಜೆ ಮಾಡಿ ಪರಸ್ಪರ ಬನ್ನಿ ವಿನಿಮಯ ಮಾಡಿಕೊಂಡು ಶುಭಕೊರಿದರು.

ರೈಲ್ವೆ ಕಾಲೋನಿಯಲ್ಲಿ ಪ್ರತಿಷ್ಠಾಪಿಸಿದ ಭವಾನಿ ದೇವಿಯಗೆ ಪಟ್ಟಣದ ಸಾವಿರಾರು ಭಕ್ತರು ವಿಶೇಷ ಪೂಜೆ ಸಲ್ಲಿಸಿ ದರ್ಶನ ಪಡೆದು ಬೃಹತ್ ಗಾತ್ರದ ಸುಮಾರು 50 ಅಡಿ ಎತ್ತರದ ರಾವಣ ದಹನವನ್ನು ಕಣ್ತುಂಬಿಕೊಂಡರು.

ರಾವಣ ದಹನ ಕಾರ್ಯಕ್ರಮದಲ್ಲಿ ಲೋಕಸಭಾ ಸದಸ್ಯ ಡಾ ಉಮೇಶ್ ಜಾಧವ್ ಮಾತನಾಡಿ ಇಂತಹ ಶಕ್ತಿ ಮಾತೆಯ ಆರಾಧನೆ ಯಲ್ಲಿ ಪಾಲ್ಗೊಂಡ ಈ ಭಕ್ತ ಸಮೂಹ ನಮ್ಮ ಸನಾತನ ಶಕ್ತಿಯ ಸಂಕೇತವಾಗಿದೆ, ಸನಾತನ ಧರ್ಮದ ಬಗ್ಗೆ ಹಗುರವಾಗಿ ಮಾತನಾಡುವವರಿಗೆ ಈ ಜನ ಸಾಗರ ಒಂದು ಎಚ್ಚರಿಕೆಯ ಗಂಟೆಯಾಗಿದೆ,ನಾವು ಭಾರತೀಯರು‌ ಭಾರತ್ ಮಾತಾ ಕೀ ಜೈ ಅಂದು ಬದುಕುವರು ಎಂದರು.

ದುಷ್ಟ ಶಕ್ತಿಯನ್ನು ಸಂಹರಿಸಿ ಸನಾತನ ಧರ್ಮವನ್ನು ಎತ್ತಿ ಹಿಡಿದ ದೇವಿ, ರಾಮನ ಆರಾಧನೆಯೇ ಈ ಪವಿತ್ರ ದಸರಾ, ಇದು ನಮಗೆಲ್ಲಾ ಹೆಮ್ಮೆಯ ಹಬ್ಬ ವಾಗಿದೆ ಎಂದರು.

ರೈಲ್ವೆ ನಿಲ್ದಾಣದ ಪ್ರಭಂದಕ ಜೆ ಎನ್ ಪರೇಡಾ,ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಮಹಮೂದ್ ಸಾಹೇಬ್,ಉತ್ಸವ ಸಮಿತಿ ಅಧ್ಯಕ್ಷ ಭಗವತ್ ಸುಳೆ,ಬಿಜೆಪಿ ಯುವ ಮುಖಂಡ ವಿಠಲ ನಾಯಕ,ಪಿಎಸ್ ಐ ತಿರುಮಲೇಶ್ ಕುಂಬಾರ,ಮುಖಂಡರಾದ ಬಸವರಾಜ ಪಂಚಾಳ, ವೀರಣ್ಣ ಯಾರಿ, ಹರಿ ಗಲಾಂಡೆ, ಭೀಮಶಾ ಜೀರೋಳ್ಳಿ,ಬಸವರಾಜ ಕೊಲಿ,ರಾಮಚಂದ್ರ ರಡ್ಡಿ,ಸಾಲೋಮಣ್ಣ ರಾಜಣ್ಣ,ಮಹೇಂದ್ರ ಕುಮಾರ ಪುಜಾರಿ,ನಾಗೇಂದ್ರ ಜೈಗಂಗಾ ಇತರರು ಇದ್ದರು.