ಕನ್ನಡ ಕಟ್ಟಲು ಪ್ರತಿಯೊಬ್ಬರು ಕಂಕಣ ಬದ್ಧರಾಗಿ: ಪ್ರಭುಲಿಂಗ ಮೂಲಗೆ

ಕಲಬುರಗಿ; ಪ್ರತಿಯೊಬ್ಬ ಕನ್ನಡಿಗರು ಕನ್ನಡ ಕಟ್ಟುವಲ್ಲಿ ಕಂಕಣಭದ್ಧರಾದರೆ ಮಾತ್ರ ನಮ್ಮ ಭಾಷೆ ಉಳಿಸಿ ಬೆಳೆಸಲು ಸಾಧ್ಯ ಎಂದು ಕನ್ನಡ ಸಾಹಿತ್ಯ ಪರಿಷತ್ ಉತ್ತರ ವಲಯದ ಅಧ್ಯಕ್ಷರಾದ ಪ್ರಭುಲಿಂಗ ಮುಲಗೆ ಯವರು ಹೇಳಿದರು.

ಕನ್ನಡ ಸಾಹಿತ್ಯ ಪರಿಷತ್ ಉತ್ತರ ವಲಯ ಹಾಗೂ ಶೇಕ್ ರೋಜಾ ಅಭಿವೃದ್ದಿ ಸಮಿತಿ ಖಾದ್ರಿ ಚೌಕ್ ಇವರ ಆಶ್ರಯದಲ್ಲಿ 50ನೇ ಸುವರ್ಣ ಕರ್ನಾಟಕ ದಿನಾಚರಣೆಯ ಅಂಗವಾಗಿ ಅಳಂದ ರಸ್ತೆಯ ಖಾದ್ರಿ ಚೌಕಿನಲ್ಲಿ ಹಮ್ಮಿಕೊಂಡ ಕನ್ನಡ ರಾಜ್ಯೋತ್ಸವ ಅಂಗವಾಗಿ ಮಾತನಾಡಿದರು.

ಕನ್ನಡ ಸಾಹಿತ್ಯ ಪರಿಷತ್ತ ಉತ್ತರ ವಲಯ ಇಂತಹ ಹಲವಾರು ಕಾರ್ಯಕ್ರಮಗಳನ್ನು ಹಮ್ಮಿಕೊಂಡು ನಾಡು, ನುಡಿ, ಭಾಷೆ, ಸಂಸ್ಕøತಿ ಎಲ್ಲರಲ್ಲೂ ಬೆಳೆಸಲು ಸಾಕಷ್ಟು ಕೆಲಸ ಮಾಡುತ್ತಿದೆ. ಇದಕ್ಕೆ ಎಲ್ಲರ ಸಹಕಾರ, ಸಹಾಯ ಅಗತ್ಯ ಎಂದು ನುಡಿದರು.

ಕನ್ನಡವೇ ಸತ್ಯ ಕನ್ನಡವೇ ನಿತ್ಯ ಮಾತೃಭಾಷೆಯನ್ನು ಗೌರವಿಸಬೇಕು ನೆಲ ಜಲ ಅದರ ಅಭಿವೃದ್ಧಿಗಾಗಿ ನಾವು ಶ್ರಮಿಸಬೇಕು ಕನ್ನಡ ಸಾಹಿತ್ಯ ಪರಿಷತ್ತು ಉತ್ತರ ವಲಯದಿಂದ ಶಾಲಾ ಕಾಲೇಜುಗಳಿಗೆ ನೋಟ್ ಬುಕ್ ವಿತರಣೆಯನ್ನು ಕೂಡ ಮಾಡಿದ್ದು ಇದೇ ಸಂದರ್ಭದಲ್ಲಿ ನೆನಪಿಸಿದರು.

ಗುರೂಜಿ ಡಿಗ್ರಿ ಕಾಲೇಜಿನ ಅಧ್ಯಕ್ಷರಾದಕಲ್ಯಾಣ ಕುಮಾರ್ ಶೀಲವಂತ ಮಾತನಾಡಿ ಕನ್ನಡಕ್ಕೆ ಎಂಟು ಜ್ಞಾನಪೀಠ ಪ್ರಶಸ್ತಿಗಳು ಬಂದಿವೆ ಕನ್ನಡ ಅತ್ಯಂತ ಶ್ರೀಮಂತ ಭಾಷೆ ಕನ್ನಡದ ಬಗ್ಗೆ ನಮಗೆ ಅಪಾರ ಹೆಮ್ಮೆ ಇರಬೇಕೆಂದು ತಿಳಿ ಹೇಳಿದರು.

ರ್ಯಕ್ರಮದ ಅಧ್ಯಕ್ಷತೆಯನ್ನುಸೈಯದ್ ಶಹಾಹಸನ್ ಖಾದ್ರಿ ಅವರು ವಹಿಸಿದ್ದರು ಮುಖ್ಯ ಅತಿಥಿಗಳಾಗಿ ಸಯ್ಯದ್ ನಜಿರುದ್ದೀನ್ ಮುತ್ತನಲಿ. ಹಾಗೂಅಸ್ಲಾಂ ಹಜಾರಿ. ಖಾಜಿನಜಮದ್ದೀನ್. ಖಾಜಾ ಮೈನುದ್ದಿನ್. ಸಯ್ಯದ್ ಮಸ್ತಾನ್ ಖಾದ್ರಿ ಶೇಷಬ್ಬೀರ್ ಹುಸೇನ್ ಮಹಮ್ಮದ್ ಆಸಿಫ್ ಹಜಾರೆ ಸ್ಥಾನವನ್ನು ಅಲಂಕರಿಸಿದ್ದರು. ಇದೇ ಸಂದರ್ಭದಲ್ಲಿ ಸಮಾಜ ಸೇವೆಯಲ್ಲಿ ಆ ಪ್ರತಿಮ ಸಾಧನೆಗೈದ ಮಹನೀಯರನ್ನು ಸನ್ಮಾನಿಸಲಾಯಿತು.ಅಬ್ದುಲ್ ವಹಾಬ್ ಉಪಾ ತಹಶೀಲ್ದಾರರು ಕಲಬುರ್ಗಿ. ಅಬ್ದುಲ್ ಗಬ್ಬರ್ ಸಾಬ್ ನಿವೃತ್ತ ಶಿಕ್ಷಕರು.ಮಹೇಶ ಸಿಂಗ ಠಾಕೂರ್ ನಿವೃತ ಪಿಎಸ್‍ಐ ಸೇರಿದಂತೆ ಇನ್ನು ಅನೇಕರನ್ನು ಸನ್ಮಾನಿಸಲಾಯಿತು.

ಸನ್ಮಾನ ಸ್ವೀಕರಿಸಿ ಮಾತನಾಡಿದ ಅಬ್ದುಲ್ ವಾಹಬ್ ಅವರು ಕನ್ನಡ ಸಾಹಿತ್ಯ ಪರಿಷತ್ ಉತ್ತರ ವಲಯದ ಕಾರ್ಯಕ್ಕೆ ಅಭಿನಂದನೆಗಳು ಸಲ್ಲಿಸಿದರು ಜೊತೆಗೆ ಕನ್ನಡ ಸಾಹಿತ್ಯ ಪರಿಷತ್ತಿಗೆ ತಮ್ಮ ಸಹಾಯ ಸಹಕಾರ ನೀಡುವುದಾಗಿ ಭರವಸೆ ನೀಡಿದರು.

ಕನ್ನಡ ಸಾಹಿತ್ಯ ಪರಿಷತ್ತಿನ ಉತ್ತರ ವಲಯದ ಕಾರ್ಯದರ್ಶಿಗಳಾದ ಹಣಮಂತರಾಯ ದಿಂಡೂರೆ, ನಾಗೇಶ್ ತಿಮ್ಮಾಜಿ, ಕೋಶ್ಯಾಧ್ಯಕ್ಷರಾದ ಶ್ರೀಕಾಂತ್ ಪಾಟೀಲ್, ಗೌರವಾಧ್ಯಕ್ಷರಾದ ಶಿವಯೋಗಪ್ಪ ಬಿರಾದಾರ್ ಮಹಿಳಾ ಪ್ರತಿನಿಧಿಗಳಾದ ಕವಿತಾ ದೆಗೌವ್, ಶಿವಕನ್ಯೆ ಸೇರಿದಂತೆ ಎಲ್ಲಾ ಪದಾಧಿಕಾರಿಗಳು ಹಾಜರಿದ್ದರು.

ಕಾರ್ಯಕ್ರಮವನ್ನು ಕನ್ನಡ ಸಾಹಿತ್ಯ ಪರಿಷತ್ತಿನ ಸಂಚಾಲಕರು ಹಾಗೂ ನಿವೃತ ಶಿಕ್ಷಕರು ನವಾಬ್ ಖಾನ್ ಅವರು ನಡೆಸಿಕೊಟ್ಟರು. ಸ್ವಾಗತವನ್ನು ಅಸ್ಲಾಂ ಹಜಾರಿ ಹಜಾರಿ ನೆರವೇರಿಸಿದರು ನಾಗೇಶ್ ತಿಮ್ಮಾಜಿ ವಂದಿಸಿದರು. ಕಾರ್ಯಕ್ರಮದ ನಂತರ ಕನ್ನಡದ ಗೀತೆಗಳನ್ನು ಮತ್ತು ಸಂಸ್ಕೃತಿಕ ಕಾರ್ಯಕ್ರಮ ನೆರವೇರಿತು.