ಶರಣಬಸವಪ್ಪ ಅಪ್ಪಾ ಜನ್ಮದಿನೋತ್ಸವ; ಉಚಿತ ಅರೋಗ್ಯ ತಪಾಸಣೆ ಶಿಬಿರ

ಸುರಪುರ: ನಗರದ, ವೀರಪ್ಪ ನಿಷ್ಠಿ ತಾಂತ್ರಿಕ ಮಹಾವಿದ್ಯಾಲಯ, ಆವರಣದಲ್ಲಿ ಪರಮಪೂಜ್ಯ ಡಾ. ಶರಣಬಸವಪ್ಪಾ ಅಪ್ಪ ಹಾಗೂ ಮಾಥೋಶ್ರೀ ದಾಕ್ಷಾಯಿಣಿ ಅವ್ವಾಜಿಯವರ ಮತ್ತು ಪೂಜ್ಯ ಚಿ. ದೊಡ್ಡಪ್ಪ ಅಪ್ಪರವರ ಜನ್ಮದಿನೊತ್ಸವದ ಅಂಗವಾಗಿ ಉಚಿತ ಅರೋಗ್ಯ ತಪಾಸಣೆ ಶಿಬಿರವು ಕಾಲೇಜಿನ ಸದಸ್ಯರಾದ ಡಾ.ನಿದಿಶ್ ಎನ್ ನಿಷ್ಠಿ ರವರು ಚಾಲನೆ ನೀಡಿದರು.

ಡಾ. ವೆಂಕಪ್ಪ ನಾಯಕ್, ತಾಲೂಕ ಅರೋಗ್ಯ ಅಧಿಕಾರಿಗಳು ಸುರುಪುರು ಇವರು ಮುಖ್ಯ ಅಥಿತಿಗಳಾಗಿ ಆಗಮಿಸಿ ಕಲಬುರಗಿ ಶರಣರನ್ನ ನೆನೆದು ಪೂಜ್ಯ ಅಪ್ಪಾಜಿ, ಮಾತೋಶ್ರೀ ಅವ್ವಾಜಿ ಮತ್ತು ಚಿ. ದೊಡ್ಡಪ್ಪಾಜಿಯವರಿಗೆ ಹುಟ್ಟುಹಬ್ಬದ ಶುಭಾಶಯಗಳನ್ನು ಹೇಳುತ್ತಾ ಕೋವಿಡ್ ಸಮಯದಲ್ಲಿ ಕೋವಿಡ್ ರೋಗಿಗಳಗೋಸ್ಕರ ವೀರಪ್ಪ ನಿಷ್ಠಿ ತಾಂತ್ರಿಕ ಮಹಾವಿದ್ಯಾಲಯದ ವಸತಿ ನಿಲಯವನ್ನು ಕೊಟ್ಟು ಸರಕಾರದ ಜೊತೆ ಕೈ ಜೋಡಿಸಿ ಸುಮಾರು ಐದುನೂರು ರಿಂದ ಸಾವಿರಾರು ಜನರ ಪ್ರಾಣ ಉಳಿಸಿದ ಕೀರ್ತಿ ಈ ಶರಣಬಸವೇಶ್ವರ ಸಂಸ್ಥೆಗೆ ಸಲ್ಲುತ್ತದೆ ಮತ್ತು ಸುರುಪುರು ಭಾಗದಲ್ಲಿ ಇಂಜಿನಿಯರ್ ಮಹಾವಿದ್ಯಾಲಯ ಸ್ಥಾಪಿಸಿ ಎಷ್ಟೋ ರೈತ ಮತ್ತು ಬಡ ಮಕ್ಕಳ ವಿದ್ಯಾರ್ಥಿಗಳಿಗೆ ಅನುಕೂಲ ಮಾಡಿದ ಕೀರ್ತಿ ನಿಷ್ಠಿ ಮನೆತನದವರಿಗೆ ಸೇರುತ್ತದೆ ಎಂದರು.

ಡಾ.ನಿದಿಶ್ ಎನ್ ನಿಷ್ಠಿ ಮಾತನಾಡಿದ ಅವರು,ನಾವು ಸೇವಿಸುವ ಆಹಾರ, ಕುಡಿಯುವ ನೀರು ಜೊತೆಗೆ ವಾಸಿಸುವ ಸ್ಥಳ ಸ್ವಚ್ಛವಾಗಿರಬೇಕು ಮತ್ತು ಸುತ್ತಮುತ್ತಲಿನ ವಾತಾವರಣದ ಬಗ್ಗೆಯೂ ನಮಗೆ ಅರಿವು ಇರಬೇಕು ಜೊತೆಗೆ ಆಗೋಗ್ಯ ತಪಾಸಣೆಯು ಕೂಡ ಕಾಲಕಾಲಕ್ಕೆ ಮಾಡಿಸುವುದು ತುಂಬಾ ವಳಿತು ಎಂದು ಕಿವಿ ಮಾತು ಹೇಳಿದರು.

ಡಾ. ವಿರೇಶ್ ಇಂಗಳೇಶ್ವರ ರವರು ಏನೇ ಆಗಿ ಮೊದಲು ಮಾನವನಾಗಿ ಮತ್ತು ಇಂತಹ: ಮಹತ್ವ ಕಾರ್ಯಕ್ರಮದಲ್ಲಿ ತುಂಬು ಮನಸಿನಿಂದ ಭಾಗವಸಬೇಕು ಮತ್ತು ನಾವು ಮಾಡುವ ಕೆಲಸದಲ್ಲಿ ನಿಷ್ಠೆ ಶ್ರದ್ದೆ ಇರಬೇಕು ಎಂದು ಹೇಳಿದರು ಮತ್ತು ಒಳ್ಳೆ ಸುಸಜ್ಜಿತ ಮಹಾವಿದ್ಯಾಲಯಕ್ಕೆ ಶಕ್ತಿ ಎಂದರೆ ವಿದ್ಯಾರ್ಥಿಗಳ ಭಲ ಮತ್ತು ಪ್ರಾಧ್ಯಾಪಕ ಶಕ್ತಿ ಬಹಳ ಮುಖ್ಯ ಪಾತ್ರವಹಿಸುತ್ತದೆ ಎಂದರು.

ಡಾ.ರವಿಕುಮಾರ್ ಡಾ. ಸುವರ್ಣದೇವಿ, ಸ್ತ್ರೀ ರೋಗ ತಜ್ಞರು ಸುರುಪುರು ಹಾಗೂ ಡಾ.ಪವನಕುಮಾರ್ ಜೋಶಿ ಸುರುಪುರು ಕೂಡ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು ಮತ್ತು ಎಲ್ಲ ವೈದ್ಯರು ಸುರುಪುರಿನ ಮತ್ತು ಸುತ್ತಮುತ್ತಲಿನ ಹಳ್ಳಿಗಳಿಂದ ಬಂದಿರುವ ಬಡ ರೋಗಿಗಳಿಗೆ ಉಚಿತ ಅರೋಗ್ಯ ತಪಾಸಣೆ ಮಾಡಿದರು.

ಡಾ. ಶರಣಬಸಪ್ಪ ಸಾಲಿ ಪ್ರಾಂಶುಪಾಲರು ಅತಿಥಿಗಳನ್ನು ಸ್ವಾಗತಿಸುವ ಮುಖಾಂತರ ಮಹಾಶರಣರ ಜನ್ಮದಿನೊತ್ಸವದ ಅಂಗವಾಗಿ ಉಚಿತ ಅರೋಗ್ಯ ತಪಾಸಣೆ ಶಿಬಿರ ಹಮ್ಮಿಕೊಂಡಿದ್ದೇವೆ ಎಂದು ತಿಳಿಸಿ ಈ ಮಹಾಕಾರ್ಯದಲ್ಲಿ ಎಲ್ಲರು ಪಾಲ್ಗೊಂಡು ಯಶಸ್ವೀಗೊಳಿಸಲು ಕೇಳಿಕೊಂಡರು.

ಈ ಕಾರ್ಯಕ್ರಮದಲ್ಲಿ ವಿವಿಧ ಭಾಗದ ಪ್ರಾಂಶುಪಾಲರು, ಮುಖ್ಯಸ್ಥರು ಹಾಗೂ ವಿದ್ಯಾರ್ಥಿಗಳು ಪಾಲ್ಗೊಂಡಿದ್ದರು. ಈ ಕಾರ್ಯಕ್ರಮವನ್ನು ಪ್ರೊ.ಗೀತಾ ನಿರೂಪಿಸಿದರು.