ಕಲಬುರಗಿ; ಬೆಂಬಲ ಬೆಲೆ ಯೋಜನೆಯಡಿ ಹತ್ತಿ ಖರೀದಿಸಲು ಹತ್ತಿ ಖರೀದಿ ಕೇಂದ್ರ ಪ್ರಾರಂಭ

ಕಲಬುರಗಿ; 2023-24ನೇ ಸಾಲಿನ ಬೆಂಬಲ ಬೆಲೆ ಯೋಜನೆಯಡಿ ಹತ್ತಿಯನ್ನು ಪ್ರತಿ ಕ್ವಿಂಟಲ್‍ಗೆ (ಉದ್ದನೆಯ ಎಳೆ) 7,020 ರೂ. ಹಾಗೂ (ಮಧ್ಯಮ ಎಳೆ) 6,620 ರೂ. ಗಳ ದರದಲ್ಲಿ ಖರೀದಿಸಲು ಅನುಕೂಲವಾಗುವಂತೆ ಭಾರತೀಯ ಹತ್ತಿ ನಿಗಮ ವತಿಯಿಂದ ಕಲಬುರಗಿ ತಾಲೂಕಿನ ಫಿರೋಜಾಬಾದ ಗ್ರಾಮದ ಹತ್ತಿರ ಇರುವ ಶ್ರೀ ರಾಮಕೃಷ್ಣ ಆಗ್ರೋ ಇಂಡಸ್ಟೀಸ್ ಜಿನ್ನಿಂಗ್ ಫ್ಯಾಕ್ಟರಿಯಲ್ಲಿ ಹತ್ತಿ ಖರೀದಿ ಕೇಂದ್ರವನ್ನು ಪ್ರಾರಂಭಿಸಲಾಗಿದೆ.

ಮೇಲ್ಕಂಡ ಸ್ಥಳದಲ್ಲಿ ಈ ಹತ್ತಿ ಖರೀದಿ ಕೇಂದ್ರವನ್ನು ನವೆಂಬರ್ 21 ರಂದು ಪ್ರಾರಂಭಿಲಾಗಿದ್ದು, ಕಲಬುರಗಿ ತಾಲೂಕಿನ ಹತ್ತಿ ಬೆಳೆಯುವ ರೈತರು ಇದರ ಲಾಭ ಪಡೆಯಬಹುದಾಗಿದೆ.

ಈ ಸಂದರ್ಭದಲ್ಲಿ ಕಲಬುರಗಿ ಕೃಷಿ ಉತ್ಪನ್ನ ಮಾರುಕಟ್ಟೆ ಸಮಿತಿ ಕಾರ್ಯದರ್ಶಿ ಅಲ್ಲಾಬಕ್ಷ ಬಿಜಾಪುರ, ಸಹಾಯಕ ಕಾರ್ಯದರ್ಶಿ ಸಂತೋಷ ಬುಡಗೆ, ಭಾರತೀಯ ಹತ್ತಿ ನಿಗಮದ ಹತ್ತಿ ಅಧಿಕಾರಿ ಚಂದ್ರಕಾಂತ ಪಕಡೆ ಹಾಗೂ ಹತ್ತಿ ಫ್ಯಾಕ್ಟರಿಯ ಮಾಲೀಕರಾದ ರವಿ ಮೂಡಬೂಳ ಹಾಗೂ ಇತರರು ಉಪಸ್ಥಿತರಿದ್ದರು.