ಕಲಬುರಗಿ: ಜಗತ್ ಬಡಾವಣೆಯಲ್ಲಿರುವ ಗೋಮುಖ ರಾಯರ ಮಠದಲ್ಲಿ ವಧರ್ಂತ್ಯೋತ್ಸವ ಬಹು ವಿಜ್ರಂಭಣೆಯಿಂದ ಜರುಗಿತು.
ಬ್ರಾಹ್ಮೀ ಮುಹೂರ್ತದಲ್ಲಿ ಪಂಚಾಮೃತ ಅಭಿಷೇಕ, ಪೂಜೆಯೊಂದಿಗೆ ಆರಂಭಗೊಂಡು ಹಂಸನಾಮಕ, ಲಕ್ಷ್ಮೀನಾರಾಯಣ, ಪೂರ್ಣಪ್ರಜ್ಞ ಮತ್ತು ಪ್ರಶಾಂತ ಹನುಮಾನ ಪಾರಾಯಣಗಳ ಸದಸ್ಯರುಗಳಿಂದ ಪಾರಾಯಣ ಮಾಡಲಾಯಿತು.
ಪಲ್ಲಕ್ಕಿ ಉತ್ಸವದ ನಂತರ ಹರಿದಾಸ ಪ್ರಚಾರ ವಾಹಿನಿಯ ಅಧ್ಯಕ್ಷರಾದ ಪಂ. ಗೋಪಾಲಾಚಾರ ಅಕಮಂಚಿ ಯವರು ಪ್ರವಚನ ನೀಡಿದರು. ಮುಖ್ಯ ಅತಿಥಿಗಳಾಗಿ ಕಲಬುರಗಿಯ ಕ್ಯಾನ್ಸರ್ ಆಸ್ಪತ್ರೆಯ ವೈದ್ಯರಾದ ಡಾ: ನವೀನ ಬಿ. ಜಿಲ್ಲಾ ಬ್ರಾಹ್ಮಣ ಸಂಘದ ಮಾಜಿ ಅಧ್ಯಕ್ಷ ನರಹರಿ ಪಾಟೀಲ ಮತ್ತು “”ಶ್ರೀ ಜಗನ್ನಾಥ ದಾಸರು “”ಖ್ಯಾತಿಯ ಚಿತ್ರ ನಿರ್ಮಾಪಕರಾದ ಮಧುಸೂದನ ಹವಾಲ್ದಾರ್ ಅವರುಗಳು ಆಗಮಿಸಿದ್ದರು.
ಗುರುರಾಜ ಸೇವಾ ಸಮಿತಿಯ ಅಧ್ಯಕ್ಷ ಅನೀಲ ಬಡದಾಳ, ಉಪಾಧ್ಯಕ್ಷರಾದ ಗೋಟೂರ ಹನುಮಂತರಾವ ಕುಲಕರ್ಣಿ, ಪವನ ಫಿರೋಜಾಬಾದ, ಅರ್ಚಕರಾದ ನಾರಾಯಣಾಚಾರ, ಪ್ರಾಣೇಶ ಟೇಂಗಳಿ, ಹಣಮಂತರಾವ ಜೇವರ್ಗಿ, ಶಂಕರರಾವ ಕುಲಕರ್ಣಿ, ಹಣಮಂತರಾವ ಪಾಟೀಲ, ಭೀಮಸೇನರಾವ ಕುಲಕರ್ಣಿ, ನೀಲಲೋಹಿತ, ಪ್ರಮೋದ ದೇಸಾಯಿ, ವಿಜಯಕುಮಾರ ಸಾಗನೂರ, ಪ್ರಕಾಶ ಕುಲಕರ್ಣಿ ಸೇರಿದಂತೆ ಬಡಾವಣೆಯ ಮತ್ತು ಸುತ್ತಲಿನ ಬಡಾವಣೆಯ ಭಕ್ತರು ಭಾಗವಹಿಸಿ ಶ್ರೀ ಗುರುಸಾರ್ವಭೌಮರ ಕೃಪೆಗೆ ಪಾತ್ರರಾದರು.