ಕನಕಗಿರಿ ಉತ್ಸವದಲ್ಲಿ ಗುರುಶಾಂತಯ್ಯ ಸ್ಥಾವರಮಠ ರವರ ಸುಗಮ ಸಂಗೀತ

ಕಲಬುರಗಿ : ಇತಿಹಾಸ ಪರಂಪರೆಯ ಕನಕಗಿರಿ ಉತ್ಸವದಲ್ಲಿ ಆಳಂದ ತಾಲೂಕಿನ ಭೂಸನೂರ ಗ್ರಾಮದ ಸಂಗೀತ ಮನೆತನದ ಲಿಂಗೈಕ್ಯ ಜಂಪಯ್ಯ ಸ್ವಾಮಿ ಸ್ಥಾವರಮಠ ಅವರ ಸುಪುತ್ರ ಆಕಾಶವಾಣಿ ಹಾಗೂ ದೂರದರ್ಶನ ಬಿ-ಹೈ ಗ್ರೇಡ ಹಿರಿಯ ಕಲಾವಿದ ಗುರುಶಾಂತಯ್ಯ ಸ್ಥಾವರಮಠ ಅವರು ಸುಗಮ ಸಂಗೀತ ಕಾರ್ಯಕ್ರಮ ನೀಡಲು ಆಯ್ಕೆಯಾಗಿದ್ದಾರೆ.

ಜಿಲ್ಲೆಯ ಹಿರಿಯ ಗಾಯಕರಾಗಿ ಸುಮಾರು 38 ವರ್ಷಗಳಿಂದ ಕರ್ನಾಟಕ ರಾಜ್ಯದ ತುಂಬೆಲ್ಲ ಸಂಗೀತ ಕಾರ್ಯಕ್ರಮಗಳನ್ನು ನೀಡಿದ್ದಾರೆ. ಕೊಪ್ಪಳ ಜಿಲ್ಲೆಯ ಇತಿಹಾಸ ಪರಂಪರೆಯ ಕನಕಗಿರಿ ಉತ್ಸವದ ಡಾ.ಪಂ.ಪುಟ್ಟರಾಜ ಕವಿ ಗವಾಯಿಗಳ ವೇದಿಕೆಯಲ್ಲಿ ಮಾರ್ಚ 3 ರಂದು ರಂದು ಮದ್ಯಾಹ್ನ 3 ಗಂಟೆಗೆ ಸುಗಮ ಸಂಗೀತ ಕಾರ್ಯಕ್ರಮ ನೀಡಲಿದ್ದಾರೆ.