ಕಲಬುರಗಿ: ಮಹಿಳೆಯರು ಇಂದು ಸಾಮಾಜಿಕ, ಆರ್ಥಿಕ, ರಾಜಕೀಯ, ಸಾಂಸ್ಕøತಿಕ, ಕ್ರೀಡೆ ಸೇರಿದಂತೆ ಎಲ್ಲ ಎಲ್ಲ ಕ್ಷೇತ್ರಗಳಲ್ಲೂ ಸಾಧನೆ ಮಾಡಿದ್ದಾರೆ. ಹೀಗಾಗಿ ಮಹಿಳೆ ಅಬಲೆಯಲ್ಲ. ಆಕೆ ಸಬಲೆ ಎಂದು ನಿಸರ್ಗ ಫ್ಯಾಮಿಲಿ ಹೋಮ್ಸ್‍ನ ಸೇಲ್ಸ್ ಮತ್ತು ಮಾರ್ಕೆಟಿಂಗ್ ಮುಖ್ಯಸ್ಥ ಮಹಾಂತೇಶ ನವಲಕಲ್ ಅಭಿಪ್ರಾಯಪಟ್ಟರು.
ಮಹಿಳಾ ದಿನಾಚರಣೆ ಅಂಗವಾಗಿ ನಿಸರ್ಗ ಫ್ಯಾಮಿಲಿ ಹೋಮ್ಸ್ ವತಿಯಿಂದ ನಗರದ ಪ್ರೌಢದೇವರಾಯ ಪಿಯುಸಿ ಕಾಲೇಜಿನಲ್ಲಿ ಆಯೋಜಿಸಿದ್ದ ಮಹಿಳಾ ದಿನಾಚರಣೆ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಯಾಗಿ ಆಗಮಿಸಿ ಮಾತನಾಡಿದ ಅವರು, 12ನೇ ಶತಮಾನದಲ್ಲಿ ನುಲಿಯ ಚಂದಯ್ಯ ಎಂಬ ಶರಣನ ಕೊಳಲ್ಲಿದ್ದ ಲಿಂಗ ಕೆಳಗೆ ಬೀಳುತ್ತದೆ. ನನ್ನನ್ನು ಧರಿಸು ಎಂದು ಇಷ್ಟಲಿಂಗವೇ ಬೆನ್ನು ಹತ್ತಿದರೂ ಕಾಯಕಕ್ಕೆ ತಡವಾಗುತ್ತದೆ ಎಂದು ಮುಂದೆ ಹೊರಟರು ಎಂಬ ಘಟನೆಯನ್ನು ವಿವರಿಸಿ ಶರಣರು ಸ್ತ್ರೀ ಸಮಾನತೆ ತಂದು ಕೊಟ್ಟರಲ್ಲದೆ ಕಾಯಕಕ್ಕೂ ಮಹತ್ವ ನೀಡಿದ್ದರು ಎಂದು ತಿಳಿಸಿದರು.
ನಿಸರ್ಗ ಫ್ಯಾಮಿಲಿ ಹೋಮ್ಸ್‍ನ ಕಾನೂನು ಮುಖ್ಯಸ್ಥ ಸಂತೋಷ ವಿರಾದಾರ ಮಾತನಾಡಿ, ಮಹಿಳೆಯರಿಊ ಸಮಾನ ಸ್ಥಾನಮಾನ ಸಿಗಬೇಕು ಎಂಬುದು ಮಹಿಳಾ ದಿನಾಚರಣೆಯ ಉದ್ದೇಶವಾಗಿದ್ದು, ಆ ದಿಸೆಯಲ್ಲಿ ಮಾ. 8ರಂದು ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ ಆಚರಿಸಲಾಗುತ್ತದೆ ಎಂದು ಆಚರಣೆಯ ಮಹತ್ವ ತಿಳಿಸಿಕೊಟ್ಟರು.
ಅಧ್ಯಕ್ಷತೆ ವಹಿಸಿದ್ದ ಕಾಲೇಜಿನ ಪ್ರಾಚಾರ್ಯ ಬಸವರಾಜ ಗಾಣೂರೆ ಮಾತನಾಡಿ, ಪ್ರತಿಯೊಂದು ಕ್ಷೇತ್ರದಲ್ಲಿ ಮಹಿಳೆಯರ ಸೇರ್ಪಡೆಯನ್ನು, ಒಳಗೊಳ್ಳುವಿಕೆಯನ್ನು ಪ್ರೇರೇಪಿಸಿದಾಗ ಮಾತ್ರ ಉತ್ತಮ ಸಮಾಜವನ್ನು ನಿರ್ಮಿಸಬಹುದು ಎಂದು ಹೇಳಿದರು.
ಇದೇವೇಳೆಯಲ್ಲಿ 13 ಜನ ಮಹಿಳೆಯರನ್ನು ನಿಸರ್ಗ ಫ್ಯಾಮಿಲಿ ಹೋಮ್ಸ್ ವತಿಯಿಂದ ಸನ್ಮಾನಿಸಲಾಯಿತು. ಮಾರ್ಕೆಟಿಂಗ್ ವಿಭಾಗದ ಸಾಗರ ಹಾಲಕಾಯಿ ಸ್ವಾಗತಿಸಿದರು. ವಿದ್ಯಾರ್ಥಿಗಳು ಹಾಗೂ ಉಪನ್ಯಾಸಕರು ಇದ್ದರು.
ಕೇವಲ ವ್ಯವಹಾರ ಮುಖ್ಯವಲ್ಲ. ಅದರ ಜೊತೆಗೆ ಸಾಮಾಜಿಕ ಕಾಳಜಿ ಹಾಗೂ ಬದ್ಧತೆ ಮುಖ್ಯ ಎಂಬುದನ್ನು ಮನಗಂಡು ಸಂಸ್ಥೆ ವತಿಯಿಂದ ಆಗಾಗ ಇಂತಹ ಜನೋಪಯೋಗಿ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗುತ್ತದೆ. ಇದಕ್ಕೆ ನಿಸರ್ಗ ಫ್ಯಾಮಿಲಿ ಹೋಮ್ಸ್‍ನ ನಿರ್ದೇಶಕರುಗಳ ಪ್ರೇರಣೆಯೇ ಕಾರಣವಾಗಿದೆ. -ಮಹಾಂತೇಶ ನವಲಕಲ್, ಸೇಲ್ಸ್ ಮತ್ತು ಮಾರ್ಕೆಟಿಂಗ್ ಮುಖ್ಯಸ್ಥ, ಕಲಬುರಗಿ.