ಮಕ್ಕಳನ್ನು ಹಡೆಯುವುದಕ್ಕಿಂತ ಸಂಸ್ಕಾರ ಕೊಡುವುದು ಮುಖ್ಯ

ಚಿತ್ತಾಪುರ: ಸಮಾಜದಲ್ಲಿ ಅತ್ಯಂತ ಸುಶಿಕ್ಷಿತ ಎನಿಸಿಕೊಂಡವರೇ ತಮ್ಮ ಹೆತ್ತವರನ್ನು ಸಾಕಲಾಗದೆ ಅನಾಥಾಶ್ರಮಕ್ಕೆ ಮತ್ತು ನಿರ್ಗತಿಕರಾನ್ನಾಗಿ ಮಾಡುತ್ತಿದ್ದಾರೆ. ಗ್ರಾಮೀಣ ಭಾಗದ ಕೂಡು ಕುಟುಂಬದಲ್ಲಿ ಇವತ್ತಿಗೂ ಸಂಬಂಧಗಳು ಗಟ್ಟಿಯಾಗಿವೆ ಎಂದು ಮುಗುಳುನಾಗಾವಿಯ ಅಭಿನವ ಸಿದ್ದಲಿಂಗ ಶಿವಾಚಾರ್ಯರು ಹೇಳಿದರು.

ಚಿತ್ತಾಪುರ ತಾಲೂಕಿನ ರಾವೂರ ಗ್ರಾಮದಲ್ಲಿ ಶ್ರೀ ಸಿದ್ದಲಿಂಗೇಶ್ವರ ಜಾತ್ರಾ ಮಹೋತ್ಸವದ ಅಂಗವಾಗಿ ಹಮ್ಮಿಕೊಂಡಿದ್ದ ಗುಡ್ಡಪುರ ದಾನಮ್ಮದೇವಿಯ ಪುರಾಣದಲ್ಲಿ ಮುತೈದೆಯರಿಗೆ ಉಡಿ ತುಂಬುವ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ಪಾಲಕರಾದವರು ನಾವು ಮಕ್ಕಳನ್ನು ಹಡೆದರೆ ಮಾತ್ರ ಸಾಲದು ಅವರಿಗೆ ವಯಸ್ಸಿಗೆ ತಕ್ಕಂತೆ ಸಂಸ್ಕಾರವನ್ನು ಕಲಿಸಿ ಕೊಡಬೇಕು ಎಂದರು.

ಇದೇ ವೆಳೆ ರಾವೂರ ಹಾಗೂ ಸುತ್ತಲಿನ ಗ್ರಾಮಗಳಿಂದ ಆಗಮಿಸಿದ ಎರಡು ಸಾವಿರ ಮುತೈದೆಯರಿಗೆ ಉಡಿ ತುಂಬಿ ಹಾರೈಸಲಾಯಿತು. ಶಹಾಬಾದ ಉದ್ಯಮಿ ನರೇಂದ್ರ ವರ್ಮಾ ಅವರನ್ನು ಮಹಾದಾಸೋಹಿ ಪ್ರಶಸ್ತಿ ನೀಡಿ ಸತ್ಕರಿಸಲಾಯಿತು.

ಕಾರ್ಯಕ್ರಮದಲ್ಲಿ ರಾವೂರನ ಶ್ರೀ ಸಿದ್ದಲಿಗೇoಶ್ವರ ಸಂಸ್ಥಾನ ಮಠದ ಪೂಜ್ಯ ಸಿದ್ದಲಿಂಗ ಮಹಾಸ್ವಾಮಿಗಳು, ದಿಗ್ಗಾoವನ ಪೂಜ್ಯ ಸಿದ್ದವೀರ ಶಿವಾಚಾರ್ಯರು, ಡಾ. ಗುಂಡಣ್ಣ ಬಾಳಿ, ಚೆನ್ನಣ್ಣ ಬಾಳಿ, ಶರಣಗೌಡ ಗೋಳಾ,ಚನ್ನಪ್ಪ ಆಳ್ಳೊಳ್ಳಿ, ಅಣ್ಣಾರಾವ ಬಾಳಿ, ಈಶ್ವರ ಬಾಳಿ, ಚಂದ್ರು ಪೊಲೀಸ್ ಪಾಟೀಲ್, ಶರಣು ಜ್ಯೋತಿ, ಸಿದ್ದಲಿಂಗ ಬಾಳಿ, ಭೀಮಾಶಂಕರ್ ಇಂದೂರ್ ಸೇರಿದಂತೆ ನೂರಾರು ಜನರು ಇದ್ದರು.

ಎಂ.ಡಿ ಮಶಾಖ ಚಿತ್ತಾಪುರ