ಕಲಬುರಗಿ: ಸಾಂಸ್ಕೃತಿಕ ಸಂಘಟಕ ವಿಜಯಕುಮಾರ ಪಾಟೀಲ ತೇಗಲತಿಪ್ಪಿಯವರ ಸಂಪಾದಕತ್ವದಲ್ಲಿ ಹೊರ ಬಂದಿರುವ ‘ಬರಹ ಬೆರಗು’ ವೈಚಾರಿಕ ಲೇಖನಗಳ ಕೃತಿಯ ಪ್ರಚಾರದ ಪ್ರಯುಕ್ತ ನಗರದ ಬಸವೇಶ್ವರ ಪುತ್ಥಳ್ಳಿ ಆವರಣದಲ್ಲಿ ರವಿವಾರ ಹೊಸ ಪ್ರಯೋಗವೆಂಬಂತೆ ‘ಫೇಸ್‌ಬುಕ್ ಅಭಿಯಾನಕ್ಕೆ ಚಾಲನೆ ನೀಡಲಾಯಿತು.
ನೇತೃತ್ವ ವಹಿಸಿದ ಸಾಂಸ್ಕೃತಿಕ ಸಂಘಟಕ ವಿಜಯಕುಮಾರ ಪಾಟೀಲ ತೇಗಲತಿಪ್ಪಿ ಮಾತನಾಡಿ, ಹನ್ನೆರಡನೇ ಶತಮಾನದ ಬಸವಾದಿ ಶರಣರ ಬದುಕು ಹಾಗೂ ಬೋಧನೆ ಇಂದಿನ ನಮಗೆ ನಿಜಕ್ಕೂ ಬೆರಗನ್ನುಂಟು ಮಾಡುತ್ತದೆ. ಅಂತಹ ಗಾಡಾಂಧಕಾರದ ಕಾಲದಲ್ಲಿಯೇ ಈಗಿನ ಕಾಲಕ್ಕೂ ಅನ್ವಯವಾಗುವಂತಹ, ಮುಂದಿನ ಕಾಲಾಂತರದಲ್ಲೂ ಎಲ್ಲರೂ ಒಪ್ಪಿಕೊಳ್ಳುವಂಥ ಮತ್ತು ಅಪ್ಪಿಕೊಳ್ಳುವಂಥ ಸಾರ್ವಕಾಲಿಕ ಸತ್ಯವಾಗಿರುವ ಶರಣರ ವಿಚಾರಧಾರೆಯನ್ನು ಜನಮಾನಸಕ್ಕೆ ಮುಟ್ಟಿಸುವ ಉದ್ದೇಶದಿಂದ ಹಿರಿ-ಕಿರಿಯ ಲೇಖಕರು ತಮ್ಮ ವಿಭಿನ್ನ ಮತ್ತು ವಿಶಿಷ್ಟ ನೆಲೆಯ ವಿಚಾರ ಸರಣಿಯ ಲೇಖನಗಳನ್ನು ಈ ಕೃತಿಯಲ್ಲಿ ಅಡಗಿವೆ ಎಂದು ಹೇಳಿದರು.
ಪ್ರಗತಿಪರ ಚಿಂತಕ ದಿನೇಶ ದೊಡ್ಡಮನಿ ಅಭಿಯಾನಕ್ಕೆ ಚಾಲನೆ ನೀಡಿದರು. ಪ್ರಮುಖರಾದ ಬಸವರಾಜ ಮೊರಬದ, ಬಸವರಾಜ ಧೂಳಾಗುಂಡಿ, ಶಿವಶರಣ ದೇಗಾಂವ, ಮಹಾಂತೇಶ ಕಲಬುರಗಿ, ಶಿವಶರಣ ಕುಸನೂರ, ಪ್ರಭುದೇವ ಯಳವಂತಗಿ, ಶರಣಗೌಡ ಪಾಟೀಲ ಪಾಳಾ, ಡಾ.ಬಾಬುರಾವ ಶೇರಿಕಾರ, ಸತೀಶ ಸಜ್ಜನ ಹಾಗರಗುಂಡಗಿ, ಅನೀಲ ಟೆಂಗಳಿ, ಎಸ್.ಎಂ.ಪಟ್ಟಣಕರ್, ಪ್ರಸನ್ನಮ ವಾಂಜರಖೇಡೆ, ಅಭಿಯಾನದ ಸಂಚಾಲಕರಾದ ರವೀಂದ್ರಕುಮಾರ ಭಂಟನಳ್ಳಿ, ಪರಮೇಶ್ವರ ಶಟಕಾರ, ಬಿ.ಎಂ.ಪಾಟೀಲ ಕಲ್ಲೂರ ಸೇರಿದಂತೆ ಅನೇಕ ಯುವಕರು ಭಾಗವಹಿಸಿದ್ದರು.