ಭೀಮಾ ನದಿಯಲ್ಲಿ ಪ್ರವಾಹ ವೀಕ್ಷಣೆ

ಶಹಾಬಾದ: ಭೀಮಾ ನದಿಯಲ್ಲಿ ಪ್ರವಾಹದ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ತಾಲೂಕಾ ತಹಸೀಲ್ದಾರ ಜಗದೀಶ ಚೌರ್ ಹೊನಗುಂಟಾ ಗ್ರಾಮದ ಭೀಮಾ ನದಿಯ ಪ್ರವಾಹ ಪರಿಸ್ಥಿತಿಯನ್ನು ಅವಲೋಕಿಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ತಹಸೀಲ್ದಾರ ಜಗದೀಶ ಚೌರ್ ಭೀಮಾ ನದಿಯಲ್ಲಿ ಪ್ರವಾಹದ ಹರಿವು ಹೆಚ್ಚುತ್ತಿದೆ. ಅಫಜಲಪೂರದಲ್ಲಿ ಈಗಾಗಲೇ ಸೇತುವೆಗಳು ಮುಳುಗಡೆಯಾಗುತ್ತಿವೆ. ಹೊಗಳಿಗೆ ನೀರು ನುಗ್ಗುತ್ತಿವೆ. ಆದರೆ ಹೊನಗುಂಟಾದಿಂದ ಹರಿಯುವ ಭೀಮಾ ನದಿಯಲ್ಲಿ ಹರಿವು ಹೆಚ್ಚಾಗಿದ್ದು, ಸಾರ್ವಜನಿಕರಿಗೆ ಯವುದೇ ರೀತಿ ಅಪಾಯವಿಲ್ಲ.

ಆದರೂ ಪ್ರವಾಹ ಹೆಚ್ಚುವ ಸಾಧ್ಯತೆ ಇದೆ.ಆದ್ದರಿಂದ ನದಿ ಪಾತ್ರದ ಗ್ರಾಮಸ್ಥರು ನದಿಯ ದಡದ ಕಡೆ ಯಾರು ಹೋಗಬಾರದು.ಅಲ್ಲದೇ ಜಾನುವಾರುಗಳಿಗೆ ಹೊರಗಡೆ ಹೋಗದಂತೆ ನೋಡಿಕೊಳ್ಳಬೇಕು ಎಂದು ಸಾರ್ವಜನಿಕರಿಗೆ ತಿಳಿಸಿದ್ದಾರೆ.