ಗುಡಗುಂಟ ಅಮರೇಶ್ವರ ಕ್ಷೇತ್ರಕ್ಕೆ 16ನೇ ವರ್ಷದ ಪಾದಯಾತ್ರೆಗೆ ಚಾಲನೆ

ಸುರಪುರ: ನಗರದ ಕಬಾಡಗೇರಾ ಭಕ್ತರು ಶ್ರಾವಣ ಮಾಸದ ಅಂಗವಾಗಿ ಲಿಂಗಸೂಗುರ ತಾಲೂಕಿನ ಗುಡಗುಂಟ ಗ್ರಾಮದ ಅಮರೇಶ್ವರ ದೇವಸ್ಥಾನಕ್ಕೆ 16ನೇ ವರ್ಷದ ಪಾದಯಾತ್ರೆ ಹೊರಟಿದ್ದಾರೆ.ಪ್ರತಿ ವರ್ಷವೂ ಶ್ರಾವಣ ಮಾಸದ ಸಂದರ್ಭದಲ್ಲಿ ಪಾದಯಾತ್ರೆ ನಡೆಸುತ್ತಿದ್ದು,ಅದರಂತೆ ಈ ವರ್ಷದ ಪಾದಯಾತ್ರೆಯನ್ನು ಆರಂಭಿಸಲಾಗಿದೆ.

ನಗರದ ಕಬಾಡಗೇರಾದಲ್ಲಿರುವ ಈಶ್ವರ ದೇವಸ್ಥಾನ ದಿಂದ ಪಾದಯಾತ್ರೆಗೆ ಚಾಲನೆ ನೀಡಲಾಯಿತು.ಈ ಸಂದರ್ಭದಲ್ಲಿ ಮಾತನಾಡಿದ ಮುಖಂಡರು,ಗುಡಗುಂಟ ಅಮರೇಶ್ವರ ಕ್ಷೇತ್ರಕ್ಕೆ ಕಳೆದ 15 ವರ್ಷಗಳಿಂದ ಹೋಗಲಾಗಿದೆ. ಈ ವರ್ಷ 16ನೇ ವರ್ಷದ ಪಾದಯಾತ್ರೆ,ಇಲ್ಲಿಯ ಅನೇಕ ಭಕ್ತರು ಗುಡಗುಂಟ ಅಮರೇಶ್ವರ ಕ್ಷೇತ್ರದ ಭಕ್ತರಾಗಿದ್ದು,ಈ ವರ್ಷವು ಶ್ರದ್ಧಾ ಭಕ್ತಿಯಿಂದ ಪಾದಯಾತ್ರೆ ನಡೆಸಲಾಗುತ್ತದೆ ಎಂದರು.

ಈ ಸಂದರ್ಭದಲ್ಲಿ ಶರಣಯ್ಯ ಸ್ವಾಮಿ ಮಠಪತಿ,ಮಲ್ಲಿಕಾರ್ಜುನ ಹೂಗಾರ,ಶಂಕ್ರಪ್ಪ ಹೂಗಾರ,ಬಸವರಾಜ ಹೂಗಾರ, ಮಲ್ಲಿಕಾರ್ಜುನ ಮುಧೋಳ,ಶರಣು ಕಳ್ಳಿಮನಿ,ಬಸವರಾಜ ಜಾಲಹಳ್ಳಿ,ಯಲ್ಲಪ್ಪ ಜಾಗಿರದಾರ,ಬಸ್ಸಯ್ಯ ಸ್ವಾಮಿ,ಯಲ್ಲಪ್ಪ ನಾಯಕ ಸೇರಿದಂತೆ ಅನೇಕರು ಭಾಗವಹಿಸಿದ್ದರು.