ಭಗವಾನ್ ಶ್ರೀಜಿವೇಶ್ವರ ಜಯಂತಿ

ಕಲಬುರಗಿ: ಸದ್ಗುರು ದಾಸಿಮಯ್ಯ ಕಾನೂನು ಸೇವಾ ಸಂಸ್ಥೆಯಲ್ಲಿ, ಸ್ವಕುಳಸಾಳಿ ಸಮಾಜದ ಆರಾಧ್ಯದೈವ ಶ್ರೀ ಜಿವೇಶ್ವರ ರ ಜಯಂತಿ ಆಚರಿಸಲಾಯಿತು.

ಸಂಸ್ಥೆಯ ಸಂಚಾಲಕರಾದ ನ್ಯಾಯವಾದಿ ಜೇನವೆರಿ ವಿನೋದಕುಮಾರ ಸ್ವಾಗತಿಸಿದರು.ಉದ್ಘಾಟಕರಾಗಿ ಆಗಮಿಸಿದ, ಜಿಲ್ಲಾ ಸ್ವಕುಳಸಾಳಿ ಸಮಾಜದ ಅಧ್ಯಕ್ಷ ನಾರಾಯಣರಾವ ಸಿಂಘಾಡೆ ಯವರು ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ ಮಾತನಾಡಿದರು.

ನಗರದಲ್ಲಿ ಕಳೆದ ದಶಕದಿಂದ ಅಂದರೆ 2013 ರಲ್ಲಿ ರಾಜ್ಯ ನೇಕಾರ ಒಕ್ಕೂಟ ಹುಟ್ಟಿದ ನಂತರ ಅದರ ಮೂಲಕ ರಾಜ್ಯಾದ್ಯಂತ ನೇಕಾರರ ಜಾಗ್ರತಿ, ಪ್ರಚಾರದಿಂದ ಸಪ್ತ ನೇಕಾರ ಸಮಾಜಗಳಲ್ಲಿ ಸಂಘಟನೆ ಮೂಡುತ್ತಿದೆ. ಶೈಕ್ಷಣಿಕವಾಗಿ ಮುಂದೆ ಬಂದ ಸಮಾಜ ಭಾಂದವರು ಹೆಚ್ಚಿನ ರೀತಿಯಲ್ಲಿ ಸಹಕಾರ ನೀಡಿದರೆ ಮತ್ತೆ ದಾಸಿಮಯ್ಯ ನವರಂತೆ ಹೊಸ ಕ್ರಾಂತಿಗೆ ಮುನ್ನಡಿ ಬರೆಯಬಹುದು ಎಂದು ಹೇಳಿದರು.

ಮಹಾನಗರ ಪಾಲಿಕೆ ವ್ಯವಸ್ಥಾಪಕರಾದ ಶ್ರೀ ಜಗದೀಶ ಬಿರಾದಾರ ರವರು ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದರು ನಂತರ ಅತಿಥಿಗಳಾಗಿ ಭಾಗವಹಿಸಿದ, ಸಮಾಜ ಚಿಂತಕ ಪ್ರೊ. ಬಸವರಾಜ ರಾವೂರ ಮಾತನಾಡಿ ವಿವಸ್ತ್ರ ದಿಂದ ವಸ್ತ್ರದಡೆಗೆ ಸೇವೆ ಸಲ್ಲಿಸಿದ ಎಲ್ಲಾ ನೇಕಾರ ಶರಣರ ಕೃಪೆಯಿಂದ ನಾವುಗಳು ಮಾನ ಮರ್ಯಾದೆಯಿಂದ ಇರಲು ಸಾದ್ಯವಾಗಿದೆ, ಇನ್ನೂ ರಾಜಕೀಯವಾಗಿ ತಮ್ಮ ಹಕ್ಕು ಪಡೆಯಲು ಹೋರಾಟ ರೂಪಿಸಬೇಕು ಎಂದು ತಿಳಿಸಿದರು.

ಸಂಸ್ಥೆಯ ಅಧ್ಯಕ್ಷರಾದ ಶಿವಲಿಂಗಪ್ಪಾ ಅಷ್ಟಗಿ ಮಾತನಾಡಿ ಧಾರ್ಮಿಕವಾಗಿ ಒಗ್ಗೂಡಲು ರಾಜ್ಯ ಸರಕಾರ ಎರಡು ಜಯಂತಿ ಘೋಷಣೆ ಮಾಡಿ, ಆದೇಶಿಸಿದೆ, ಒಂದು ದಾಸಿಮಯ್ಯ ಜಯಂತಿ ಇನ್ನೊಂದು ಫ.ಗು ಹಳಕಟ್ಟಿ ಜಯಂತಿ ಮತ್ತು ಕೇಂದ್ರ ಸರ್ಕಾರ ರಾಷ್ಟ್ರೀಯ ಕೈಮಗ್ಗ ದಿನ ಇವುಗಳನ್ನು ಸರಿಯಾಗಿ ಬಳಸಿಕೊಂಡು ಅಭಿವೃದ್ಧಿ ಹೊಂದಲು ಪ್ರಯತ್ನ ಮಾಡಬೇಕು ಎಂದು ಕರೆ ನೀಡಿದರು.

ಜಯಂತಿ ಕಾರ್ಯಕ್ರಮದಲ್ಲಿ ವೆಂಕಟೇಶ್ ದೊರೆಪಲ್ಲಿ ಹಾಗೂ ಇತರರು ಉಪಸ್ಥಿತರಿದ್ದರು.