ಮಲ್ಲಾ ಬಿ:ಅಂಬೇಡ್ಕರ್ ನಾಮಫಲಕ ಅವಮಾನ ಕ್ರಮಕ್ಕೆ ಐ.ಜಿ.ಪಿಗೆ ಮನವಿ

ಸುರಪುರ: ತಾಲ್ಲೂಕಿನ ಕೆಂಭಾವಿ ಹೋಬಳಿಯ ಮಲ್ಲಾ ಬಿ ಗ್ರಾಮದಲ್ಲಿ ಅಕ್ಟೋಬರ್ 12 ರಂದು ಕಿಡಿಗೇಡಿಗಳು ಡಾ.ಬಿ.ಆರ್.ಅಂಬೇಡ್ಕರ್ ಅವರ ನಾಮಫಲಕಕ್ಕೆ ಅವಮಾನಿಸಿದ್ದಾರೆ.ಇದರ ಕುರಿತು ಅಕ್ಟೊಬರ್ 13 ರಂದು ಕೆಂಭಾವಿ ಪೊಲೀಸ್ ಠಾಣೆಗೆ ದೂರು ನೀಡಲಾಗಿದೆ.

ಆದರೂ ಇದುವರೆಗೆ ನಾಮಫಲಕಕ್ಕೆ ಅವಮಾನಿಸಿದ ಕಿಡಿಗೇಡಿಗಳನ್ನು ಬಂಧಿಸಿಲ್ಲ.ಆದ್ದರಿಂದ ಕೂಡಲೇ ಬಂಧಿಸಿ ಕ್ರಮ ಕೈಗೊಳ್ಳಬೇಕು ಇಲ್ಲವಾದಲ್ಲಿ ಇದೇ 25ನೇ ತಾರಿಕು ಸುರಪುರ ನಗರದ ಕುಂಬಾರಪೇಟದಲ್ಲಿನ ಅಂಬೇಡ್ಕರ್ ವೃತ್ತದಲ್ಲಿ ರಸ್ತೆ ತಡೆದು ಪ್ರತಿಭಟನೆ ನಡೆಸಲಾಗುವುದು ಎಂದು ಎಚ್ಚರಿಸಿ ಕಲಬುರ್ಗಿ ವಲಯ ಪೊಲೀಸ್ ಮಹಾನಿರೀಕ್ಷಕರಿಗೆ ಮನವಿ ಸಲ್ಲಿಸಿದರು.

ಈ ಸಂದರ್ಭದಲ್ಲಿ,ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಜಿ.ಸಂಗೀತಾ, ಕರ್ನಾಟಕ ರಾಜ್ಯ ದಲಿತ ಸಂಘರ್ಷ ಸಮಿತಿ ಕ್ರಾಂತಿಕಾರಿ ಬಣದ ರಾಜ್ಯ ಸಂಘಟನಾ ಸಂಚಾಲಕ ಮಲ್ಲಿಕಾರ್ಜುನ ಕ್ರಾಂತಿ,ತಾಲ್ಲೂಕ ಸಂಚಾಲಕ ಬಸವರಾಜ ದೊಡ್ಮನಿ,ಮುಖಂಡರಾದ ರಾಮಣ್ಣ ಶೆಳ್ಳಿಗಿ,ಮಲ್ಲಿಕಾರ್ಜುನ ತಳ್ಳಳ್ಳಿ,ಮಹಾದೇವಪ್ಪ ಬಿಜಾಸಪುರ,ಜೆಟ್ಟೆಪ್ಪ ನಾಗರಾಳ.ಮಹೇಶ ಯಾದಗಿರಿ,ವೀರಭದ್ರಪ್ಪ ತಳವಾರಗೇರಾ,ಖಾಜಾಹುಸೇನ ಗುಡಗುಂಟಿ,ಮಲ್ಲಿಕಾರ್ಜುನ ಶೆಳ್ಳಗಿ,ಸಂಗಪ್ಪ ಚಿಂಚೋಳಿ,ಹಣಮಂತ ದೊರೆ ನರಸಿಂಗಪೇಟ,ಮರಿಲಿಂಗಪ್ಪ ನಾಟೇಕಾರ್,ಬಸಪ್ಪ ಚಲವಾದಿ,ಧರ್ಮಣ್ಣ ಜೇವರ್ಗಿ ಸೇರಿದಂತೆ ಅನೇಕರು ಭಾಗವಹಿಸಿದ್ದರು.