ಒಂದು ದಿನದ ಸೀತಾಫಲ ಬೆಳೆಯ ವಿಚಾರ ಸಂಕಿರಣ

ಕಲಬುರಗಿ: ಕೃಷಿ ವಿಜ್ಞಾನ ಕೇಂದ್ರ, ರದ್ದೇವಾಡ್ಗಿಯಲ್ಲಿ ದಿನಾಂಕ 25.10.2024ರಂದು ಮದ್ಯಾಹ್ನ 2.00 ಗಂಟೆಗೆಕೃಷಿ ವಿಜ್ಞಾನ ಕೇಂದ್ರ, ಕಲಬುರಗಿ-II (ರದ್ದೇವಾಡ್ಗಿ) ಮತ್ತು ಕೃಷಿ ವಿಸ್ತರಣಾ ಶಿಕ್ಷಣ ಘಟಕ, ನಾಲವಾರ ರವರÀ ಸಂಯುಕ್ತಾಶ್ರಯದಲ್ಲಿ ಒಂದು ದಿನದ ಸೀತಾಫಲ ಬೆಳೆಯ ವಿಚಾರ ಸಂಕಿರಣ ಹಮ್ಮಿಕೊಳ್ಳಲಾಯಿತು.

ಪ್ರಾರಂಭದಲ್ಲಿ ಡಾ. ಮಲ್ಲಪ್ಪ, ವಿಜ್ಞಾನಿ (ಬೇಸಾಯಶಾಸ್ತ್ರ) ರವರು ಅತಿಥಿ ಗಣ್ಯರನ್ನು ವೇದಿಕೆಗೆ ಸ್ವಾಗತಿಸಿದರು ಹಾಗೂ ಕಾರ್ಯಕ್ರಮದ ನಿರೂಪಣೆ ಮಾಡಿದರು.

ಕೇಂದ್ರದ ಮುಖ್ಯಸ್ಥರಾದ ಡಾ.ಪಿ.ವಾಸುದೇವ ನಾಯ್ಕ, ಹಿರಿಯ ವಿಜ್ಞಾನಿ ಮತ್ತು ಮುಖ್ಯಸ್ಥರು ತಮ್ಮ ಪ್ರಾಸ್ತಾವಿಕ ನುಡಿಯಲ್ಲಿ ಸೀತಾಫಲ ಬೆಳೆಯು ಈ ಪ್ರದೇಶಕ್ಕೆ ಸೂಕ್ತವಾಗಿದ್ದು ಇದನ್ನು ಕಡಿಮೆ ಖರ್ಚಿನಲ್ಲಿ ಬೆಳೆಯುವ ಸುಧಾರಿತ ತಳಿಗಳಿದ್ದು ಅದನ್ನು ಹೆಚ್ಚು ಹೆಚ್ಚಾಗಿ ಬೆಳೆದು ಅಧಿಕ ಲಾಭ ಪಡೆಯಬೇಕೆಂದು ಸಲಹೆ ನೀಡಿದರು.

ಕಾರ್ಯಕ್ರಮದ ಸಂದರ್ಭದಲ್ಲಿರಮೇಶ ಮಹೇಂದ್ರಕರರವರು ಸೀತಾಫಲ ಕುರಿತು ವಿಶೇಷವಾದ ಕವನ ಹೇಳುವುದರ ಮೂಲಕ ತರಬೇತಿಗೆ ಮೆರಗು ಕೊಟ್ಟರು.

ತದನಂತರ ವೇದಿಕೆಗಣ್ಯರು ಮತ್ತು ರೈತರು ಸೀತಾಫಲ ಹಣ್ಣುಗಳನ್ನು ಬುಟ್ಟಿಗೆ ಸುರಿಯುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಯಿತು.

ಈ ಕಾರ್ಯಕ್ರಮದಲ್ಲಿ ಉದ್ಘಾಟಕರಾಗಿ ಆಗಮಿಸಿದ ಡಾ. ಶಿವಶಂಕರ ಎನ್., ವಿಸ್ತರಣಾ ನಿರ್ದೇಶಕರು, ಕೃಷಿ ವಿಜ್ಞಾನಗಳ ವಿಶ್ವವಿದ್ಯಾಲಯ, ರಾಯಚೂರು ರವರು ಕಾರ್ಯಕ್ರಮ ಕುರಿತು ಈ ವಿಚಾರ ಸಂಕಿರಣವು ಈ ಪ್ರದೇಶದಲ್ಲಿ ಮೊದಲ ಬಾರಿಗೆ ಆಯೋಜಿಸಿರುವುದರ ಕುರಿತು ತಮ್ಮ ಉದ್ಘಾಟನ ಭಾಷಣದಲ್ಲಿ ಹರ್ಷ ವ್ಯಕ್ತಪಡಿಸಿ ರೈತರು ವಿಚಾರ ಸಂಕಿರಣದ ಸಂಪೂರ್ಣ ಲಾಭಪಡೆಯಬೆಕೇಂದು ತಿಳಿಸಿದರು.

ಮುಖ್ಯ ಅತಿಥಿಗಳಾಗಿ ಆಗಮಿಸಿದಡಾ. ಎಮ್.ಜಿ. ಪಾಟೀಲ, ವಿಶ್ರಾಂತ ಕುಲಪತಿಗಳು ಕೃಷಿ ವಿಜ್ಞಾನಗಳ ವಿಶ್ವವಿದ್ಯಾಲಯ, ರಾಯಚೂರುರವರು ಸೀತಾಫಲ ಬೆಳೆಯಲು ಕೇಂದ್ರದ ವಿಜ್ಞಾನಿಗಳು ಮತ್ತು ವಿಸ್ತರಣಾ ನಿರ್ದೇಶನಾಲಯದ ಅಧಿಕಾರಿಗಳು ತಮ್ಮ ಜೊತೆಗಿದ್ದು ಒಂದು ರೈತ ಸ್ನೇಹಿ ವಿಶ್ವವಿದ್ಯಾಲಯವಾಗುವುದರಲ್ಲಿ ಸಂಶಯವಿಲ್ಲವೆಂದು ಹರ್ಷ ವ್ಯಕ್ತಪಡಿಸಿದರು.

ಈ ಕಾರ್ಯಕ್ರಮದಲ್ಲಿ ಪ್ರಗತಿಪರ ರೈತರಾದವೆಂಕಟರಾವ ಬಿರಾದರರವರು ಸಾ. ಸಂಗೋಳಗಿ (ಸಿ) ತಾ. ಆಳಂದ ಸೀತಾಫಲ ಬೆಳಯ ಕುರಿತು ತಮ್ಮ ಅನುಭದಲ್ಲಿ 1 ಎಕರೆ ಪ್ರದೇಶದಲ್ಲಿ 1 ಇಂಚು ನೀರಿನ ಸಹಾಯದಿಂದ ವರ್ಷಕ್ಕೆ ರೂ. ನಾಲ್ಕು ಲಕ್ಷ ಸಂಪಾದನೆ ಮಾಡಿರುವೆನೆಂದು ರೈತರಿಗೆ ಮನವರಿಕೆ ಮಾಡಿಕೊಟ್ಟರು ಹಾಗೂ ಇನ್ನೋರ್ವ ಪ್ರಗತಿಪರ ರೈತರಾದಮಾಹಾಂತಯ್ಯ ಗದಗಿಮಠ ಸಾ. ಸೈದಾಪುರ ತಾ. ಶಹಾಪುರ ರವರು ಸೀತಾಫಲ ಬೆಳೆಯಲ್ಲಿ ಪರಾಗಸ್ಪರ್ಶ ವಿಧಾನ ಮತ್ತು ವಿವಿಧ ತಳಿ ಮತ್ತು ಮಾರುಕಟ್ಟೆ ಬಗ್ಗೆ ವಿವರಿಸಿದರು.

ತದನಂತರ ಡಾ. ಎ.ಆರ್. ಕುರುಬರ, ಸಹ ವಿಸ್ತರಣಾ ನಿರ್ದೇಶಕರು, ಕೃಷಿ ವಿಜ್ಞಾನಗಳ ವಿಶ್ವವಿದ್ಯಾಲಯ, ರಾಯಚೂರು, ರವರು ನೆರೆದ ರೈತರಿಗೆ ಸೀತಾಫಲ ಬೆಳೆ ಸುಧಾರಿತ ಬೇಸಾಯ ಕ್ರಮಗಳ ಕುರಿತು ತರಬೇತಿ ನೀಡಿದರು. ಡಾ. ರಾಜು ಜಿ. ತೆಗ್ಗಳ್ಳಿ,ಹಿರಿಯ ವಿಜ್ಞಾನಿ ಮತ್ತು ಮುಖ್ಯಸ್ಥರು, ಕೃಷಿ ವಿಜ್ಞಾನ ಕೇಂದ್ರ, ಕಲಬುರಗಿ-I ರವರು ಸೀತಾಫಲ ಬೆಳೆಯಲ್ಲಿ ಸಮಗ್ರ ಕೀಟ ಮತ್ತು ರೋಗಗಳ ನಿರ್ವಹಣೆ ಕುರಿತ ತರಬೇತಿ ನೀಡಿದರು.

ತರಬೇತಿಯ ನಂತರ ರೈತರಿಗೆ ಸೀತಾಫಲ ತಿನ್ನುವ ಸ್ಪರ್ಧೆ ಏರ್ಪಡಿಸಲಾಯಿತು. ಸ್ಪರ್ಧೆಯಲ್ಲಿ ಮೊದಲನೇ ಬಹುಮಾನ ಡಾ. ಎ.ಆರ್. ಕುರುಬರ ರವರಿಗೆ ದ್ವಿತಿಯ ಬಹುಮಾನ ಲೋಹಿತ, ಸಾಗರ, ಸುನೀಲ ಮತ್ತು ತೃತಿಯ ಬಹುಮಾನಸಿದ್ದು ಕಲ್ಲಹಂಗರಗಾ ರವರ ಪಡೆದುಕೊಂಡಿರತ್ತಾರೆ.

ಈ ಕಾರ್ಯಕ್ರಮದಲ್ಲಿ ಡಾ. ಉಮೇಶ ಬಾರಿಕರ, ವಿಸ್ತರಣಾ ಮುಂದಾಳು. ಕೃಷಿ ವಿಸ್ತರಣಾ ಶಿಕ್ಷಣ ಘಟಕ ನಾಲವಾರ, ಡಾ. ಡಿ.ಕೆ. ಹಾದಿಮನಿ, ತಾಂತ್ರಿಕ ಅಧಿಕಾರಿಗಳು, ವಿಸ್ತರಣಾ ನಿರ್ದೇಶನಾಲಯ, ರಾಯಚೂರು ರವರು, ಕೇಂದ್ರದ ವಿಜ್ಞಾನಿಗಳು, ತಾಂತ್ರಿಕ ಸಿಬ್ಬಂದಿಗಳು, ಕೃಷಿ ಸಖಿಯರು, ರೈತರು ಮತ್ತು ರೈತ ಮಹಿಳೆಯರು ಭಾಗವಹಿಸಿದರು. ಕೊನೆಯಲ್ಲಿ ಡಾ. ಚೇತನ್ ಟಿ ವಿಜ್ಞಾನಿ (ತೋಟಗಾರಿಕೆ) ವಂದನಾರ್ಪಣೆ ಸಲ್ಲಿಸಿದರು.