ಸದಾಶಿವ ಶ್ರೀಗಳ ಆರೋಗ್ಯಕ್ಕಾಗಿ ಭÀಕ್ತಾದಿಗಳಿಂದ ಪೂಜೆ

ಸೇಡಂ; ಶ್ರೀ ಕೊತ್ತಲ ಬಸವೇಶ್ವರ ದೇವಾಲಯದ ಪೂಜ್ಯರಾದ ಶ್ರೀ ಸದಾಶಿವ ಸ್ವಾಮಿಗಳವರು ಶೀಘ್ರ ಗುಣಮುಖರಾಗಲಿ ಎಂದು ಹೇಮ-ವೇಮ ದೇವಾಲಯದಲ್ಲಿ ಭಕ್ತಾದಿಗಳಿಂದ ಶುಕ್ರವಾರ ಪೂಜೆ ಸಲ್ಲಿಸಲಾಯಿತು.

ನಗರದ ಹೊರವಲಯದಲ್ಲಿರುವ ಮಹಾಸಾಧ್ವಿ ಹೇಮರೆಡ್ಡಿ ಮಲ್ಲಮ್ಮ ಹಾಗೂ ಮಹಾಯೋಗಿ ವೇಮನ ದೇವಾಲಯದಲ್ಲಿ ಹೇಮ ವೇಮ ರೆಡ್ಡಿ ಮಹಿಳಾ ಬಳಗ ಹಾಗೂ ಸೇಡಂ ತಾಲೂಕಿನ ಭಕ್ತಾದಿಗಳು ಸಾಮೂಹಿಕ ಪ್ರಾರ್ಥನೆ ಸಲ್ಲಿಸಿ, ಹೋಮ ಹವನ ಜಪ ಮಾಡಿ, ಸದಾಶಿವ ಸ್ವಾಮಿಗಳು ಕಳೆದ ವಾರದಿಂದ ಅನಾರೋಗ್ಯಕ್ಕೀಡಾಗಿ ಬೆಂಗಳೂರಿನ ಆಸ್ಪತ್ರೆಯೊಂದರಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಅವರು ಶೀಘ್ರ ಗುಣಮುಖರಾಗಿ ಮತ್ತೆ ಯಥಾವತ್ತಾಗಿ ಭಕ್ತಾದಿಗಳೊಂದಿಗೆ ಬೆರೆಯುವಂತಾಗಲಿ ಎಂದು ಕೋರಿದರು. ಪೂಜಾ ಕೈಂಕರ್ಯವನ್ನು ಅರ್ಚಕ ರಾಮಪ್ರಕಾಶ ಪಾಂಡೆ ಅವರು ನಡೆಸಿಕೊಟ್ಟರು.

ಹೋಮ ಹವನ ಜಪ ಪೂಜೆಯ ನೇತೃತ್ವವನ್ನು ಶ್ರೀಮತಿ ಅನುರಾಧ-ಅನಂತರೆಡ್ಡಿ ಪಾಟೀಲ ದಂಪತಿಗಳು ವಹಿಸಿದ್ದರು.

ಈ ಸಂದರ್ಭದಲ್ಲಿ ಹೇಮ ವೇಮ ಟ್ರಸ್ಟ್ ಅಧ್ಯಕ್ಷ ಶರಣರೆಡ್ಡಿ ಜಿಲ್ಲೇಡಪಲ್ಲಿ, ರೆಡ್ಡಿ ಸಮಾಜದ ಅಧ್ಯಕ್ಷ ನಾಗಭೂಷಣರೆಡ್ಡಿ ಪಾಟೀಲ, ರೆಡ್ಡಿ ಮಹಿಳಾ ಬಳಗದ ಅಧ್ಯಕ್ಷೆ ಲತಾ ಹೇಮರೆಡ್ಡಿ ಕಲಕಂ, ಬಾಲಮಣಿ ವೆಂಕಟರೆಡ್ಡಿ, ಕೃಷ್ಣವೇಣಿ ಹಾಶನಪಲ್ಲಿ, ಸರೋಜಾ ಶಕಲಾಸಪಲ್ಲಿ, ಶ್ರೀಲಕ್ಷ್ಮೀ ಮದಕಲ್, ಅನ್ನಪೂರ್ಣ ಕೋಟ್ರಿಕಿ, ಪಿಡಿಓ ರೇಣುಕಾ, ದುರ್ಗಮ್ಮ ಯಾನಾಗುಂದಿ, ಶೋಭಾ, ನಾಗಮಣಿ ಟಿ.ಮೋತಕಪಲ್ಲಿ ಮತ್ತು ಬಟಗೇರಾ (ಬಿ) ಗ್ರಾಮದ ಮಹಿಳಾ ಭಜನಾ ತಂಡದವರು ಇದ್ದರು. ನಂತರ ಪ್ರಸಾದ ವಿತರಣೆ ಮಾಡಲಾಯಿತು.