ಆನೆಕಾಲು ರೋಗ ನಿಯಂತ್ರಣಕ್ಕೆ ಸಾಮೂಹಿಕ ಔಷಧಿ ವಿತರಣೆ

ಸುರಪುರ: ಈ ಆನೆಕಾಲು ರೋಗವು ಒಬ್ಬರಿಂದ ಇನ್ನೊಬ್ಬರಿಗೆ ಹರಡುವ ರೋಗವಾಗಿದ್ದು ಈ ರೋಗದ ನಿಯಂತ್ರಣಕ್ಕೆ ಸರ್ಕಾರವು ಸಾಮೂಹಿಕ ಔಷಧಿ ನುಂಗಿಸುವ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ ಈ ಕಾರ್ಯಕ್ರಮದ ಸಫಲತೆ ಎಲ್ಲಾ ಇಲಾಖೆಯ ಸಿಬ್ಬಂದಿಗಳು ಕೈಜೋಡಿಸಲು ತಹಶಿಲ್ದಾರ ನಿಂಗಣ್ಣ ಬಿರಾದರ ಕರೆ ನೀಡಿದರು.

ನಗರದ ತಹಶಿಲ್ದಾರ ಕಚೇರಿ ಸಭಾಂಗಣದಲ್ಲಿ ತಾಲೂಕು ಆಡಳಿತ ಹಾಗೂ ಆರೋಗ್ಯ ಇಲಾಖೆ ಜಂಟಿಯಾಗಿ ಆಯೋಜಿಸಿದ್ದ ತಾಲೂಕು ಚಾಲನಾ ಸಮಿತಿಯ ಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡಿದ ಅವರು ಮುಖ್ಯವಾಗಿ ಈ ಕಾರ್ಯಕ್ರಮದ ಸಫಲತೆಗೆ ಮಹಿಳಾ ಮತ್ತು ಕುಟುಂಬ ಇಲಾಖೆಯ ಅಂಗನವಾಡಿ ಕಾರ್ಯಕರ್ತೆಯರು ಮತ್ತು ಶಿಕ್ಷಣ ಇಲಾಖೆಯ ಶಿಕ್ಷಕರು ಸಹಕಾರ ಅಗತ್ಯ ಈ ಕಾರ್ಯಕ್ರಮವನ್ನು ಗಂಭಿರವಾಗಿ ಪರಿಗಣಿಸಿ ಯೋಜನೆಯ ಲಾಬವನ್ನು ಸಾರ್ವಜನಿಕರಿಗೆ ತಲುಪುವಲ್ಲಿ ಸಹಕರಿಸುವಂತೆ ಹೇಳಿದರು.

ನಂತರ ತಲೂಕು ವೈದ್ಯಾಧಿಕಾರ ಡಾ.ಆರ್.ವಿ.ನಾಯಕ ಮಾತನಾಡಿ ಈ ಆನೆಕಾಲು ರೋಗ ನಿಯಂತ್ರಣಕ್ಕೆ ರೂಪಿಸಲಾದ ಇಲಾಖಾವಾರು ಯೋಜನೆ ಕುರಿತು ಸವಿಸ್ತಾರವಾಗಿ ಹೇಳಿದರು ಬಹುಮುಖ್ಯವಾಗಿ ಈ ಮಾತ್ರೆಯು ನುಂಗಿಸಿದಾಗ ಜನರಲ್ಲಿ ವಾಂತಿ, ಹುಟ್ಟೆಯಲ್ಲಿ ಕಸಿವಿಸಿಯಾಗುವಂತಹ ಲಕ್ಷಣ ಬಂದಲ್ಲಿ ಜನರು ಗಾಬರಿಗೊಳ್ಳುತ್ತಾರೆ ಹಾಗಾದರೆ ತಕ್ಷಣವೆ ನಮ್ಮ ಆಶಾ ಕಾರ್ಯಕರ್ತರ ಹತ್ತಿರ ಅದಕ್ಕೆ ತಕ್ಕಂತ ಮಾತ್ರಗಳಿರರುತ್ತವೆ ಅವುಗಳನ್ನು ಕೊಟ್ಟು ನಿಯಂತ್ರಿಸಬಹುದಾಗಿದೆ ಮತ್ತು ಪ್ರಾಥಮಿಕ ಆರೋಗ್ಯಕೇಂದ್ರಕ್ಕೂ ಬೇಟಿ ನೀಡಿ ಪರಿಶೀಲಿಸಿಕೊಳ್ಳಲು ತಿಳಿಸಬಹುದು ಎಂದು ತಿಳಿಸಿದರು.

ಈ ಕರ್ಯಕ್ರಮವು ನ.೪ ರಿಂದ ನ.೨೨ ರ ವರೆಗೆ ನಡೆಯಲಿದ್ದು ಇದರ ಸಫಲತೆಗೆ ಶಿಕ್ಷಣ ಇಲಾಖೆ, ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಹಾಗೂ ನಗರಸಭೆ, ಸಮಾಜ ಕಲ್ಯಾಣ ಇಲಾಖೆ, ಅಲ್ಪಸಂಖ್ಯಾತ ಇಲಾಖೆ, ಹಿಂದುಳಿದ ಕಲ್ಯಾಣ ಇಲಾಖೆ ಹಾಗೂ ಪೋಲಿಸ್ ಇಲಾಖೆಯ ಸಹಯೋಗವು ಬಹು ಮುಖ್ಯವಾಗಿದೆ ಈ ಕಾರ್ಯಕ್ರಮ ಯಶಸ್ವಿಯಾದರೆ ನಮ್ಮ ತಾಲೂಕಿನಲ್ಲಿ ಆನೆಕಾಲು ರೋಗದಿಂದ ಭಾಧಿರು ಇಲ್ಲದಂತಾಗುತ್ತದೆ ಎಂದು ತಿಳಿಸಿದರು.
ಗ್ರೇಡ್ ೨ ತಹಶಿಲ್ದಾರ ಸುಫಿಯಾ ಸುಲ್ತಾನ, ಅಧಿಕಾರಿಗಳಾದ ಖಾದರ ಪಟೇಲ್, ಶಿವಪುತ್ರ, ಗುರುಬಾಯಿ ಹಿರೇಮಠ, ಪಾರ್ವತಿ, ಚಂದ್ರಲೀಲಾ ಪಾಟೀಲ, ವೆಂಕೋಬ, ಸಂಗೀತಾ ಸೇರಿದಂತೆ ಇನ್ನಿತರರಿದ್ದರು.