ಕುರಾನ್ ಒಂದು ಸಮುದಾಯಕ್ಕೆ ಸಿಮಿತವಲ್ಲ: ಡಾ.ಅಜಗರ್ ಚುಲಬುಲ್

ಕಲಬುರಗಿ: ಪ್ರವಾದಿ ಮುಹಮ್ಮದ್ ಪೈಗಾಂಬರ್ (ಅ.ಸ) ಅವರ ಜನ್ಮದಿನದ ನಿಮಿತ್ತ ಕಲಬುರಗಿ ನಗರಾಭವೃದ್ದಿ ನಿಗಮದ ಮಾಜಿ ಅಧ್ಯಕ್ಷರಾದ ಡಾ. ಅಜಗರ್ ಚುಲಬುಲ್ ಅವರು ಮಹಾನಗರ ಪಾಲಿಕೆಯ ಆಯುಕ್ತರಾದ ರಾಹುಲ್ ಪಾಂಡೆ ಅವರಿಗೆ ಭೇಟಿ ನೀಡಿ  ಇಂಗ್ಲಿಷ್ ನಲ್ಲಿ ಅನುವಾದಿಸಲಾದ ಪವಿತ್ರ ಕುರಾನ್ ಗ್ರಂಥವನ್ನು ನೀಡಿ ಶುಭಕೋರಿದರು.

ನಂತರ ಮಾತನಾಡಿದ ಅವರು ಕುರಾನ್ ನ್ನು ಮುಸ್ಲಿಂರು ಒಂದು ಸಮುದಾಯಕ್ಕೆ ಸಿಮಿತಗೊಳಿಸಿದ್ದಾರೆ. ಕುರಾನ್ ಒಂದು ಧರ್ಮ ಹಾಗೂ ಸಮುದಾಯಕ್ಕೆ ಸಿಮಿತಗೊಳಿಸಬಾರದು ಎಂದು ಪ್ರವಾದಿ ಮುಹಮ್ಮದ್ ಅವರು ತಮ್ಮ ಜೀವನದ್ದಕ್ಕೂ ಸಂದೇಶ ನೀಡಿ ಕುರಾನ್ ಈಡಿ ಮಾನವ ಕುಲಕ್ಕೆ ದಾರಿ ದೀಪವಾಗಿದೆ ಎಂದು ತಿಳಿಸಿದ್ದಾರೆ ಎಂದರು.

ಕುರಾನ್ ಯೂನಿಟಿ ಹಾಗೂ ಶಾಂತಿಯ ಸಂದೇಶವಾಗಿದ್ದು, ಪ್ರತಿ ಒಬ್ಬರು ತಮ್ಮ ಜೀವನ ಕಾಲದಲ್ಲಿ ಒಂದು ಬಾರಿಯಾದರು ಕುರಾನ್ ಓದ ಬೇಕೆಂದು ಕರೆ ನೀಡಿದರು.