ಅಲೆಮಾರಿ, ಅರೆಅಲೆಮಾರಿ ಸಲಹಾ ಸಮಿತಿಗೆ ಸಮಾಜದ ಸಾಧಕರ ನೇಮಕ ಮಾಡಿ: ಹೆಳವರ ಜಿಲ್ಲಾ ಸಮಿತಿ ಮನವಿ

ಯಾದಗಿರಿ: ಅಲೆಮಾರಿ ಅರೆಅಲೆಮಾರಿ ಜಿಲ್ಲಾ ಸಹ ಸಲಹ ಸಮಿತಿ ಸದಸ್ಯರನ್ನು ತಕ್ಷಣ ನೇಮಕ ಮಾಡುವಂತೆ ಅಖಿಲ ಕರ್ನಾಟಕ ಹೆಳವರ ಸಮಾಜ ಆಗ್ರಹಿಸಿದೆ.

ಈ ಕುರಿತು ಜಿಲ್ಲಾಧಿಕಾರಿಗಳಿಗೆ ಮನವಿ ಸಲ್ಲಿಸಿರುವ ಜಿಲ್ಲಾ ಹೆಳವರ ಸಮಾಜ, ತೀರ ಹಿಂದುಳಿದ ಸಮಾಜವನ್ನು ಮುಖ್ಯವಾಹಿನಿಗೆ ತರಲು ತಕ್ಷಣ ಸೂಕ್ತ ಕ್ರಮಗಳನ್ನು ಕೈಗೊಳ್ಳಬೇಕೆಂದು ಆಗ್ರಹಿಸಿದೆ. ಅಲೆಮಾರಿ ಅರೆ ಅಲೆಮಾರಿ ಜಿಲ್ಲಾ ಸಲಹ ಸಮಿತಿಗೆ ಸಮಾಜದ ಹೆಳವರನ್ನು ಸದಸ್ಯರನ್ನಾಗಿ ನೇಮಕ ಮಾಡಬೇಕೆಂದು ಮತ್ತು ಹೆಳವ ಸಮಾಜದ ಕ್ರಿಯಾಶೀಲ ಸಮಾಜ ಸೇವಕ ಶಿವರಾಜ ನಗನೂರ ಹೆಳವರ ಇವರನ್ನು ನೇಮಕ ಮಾಡಿ ಮತ್ತು ಬೈಲ ಪತ್ತಾರ ಸಮಾಜದಿಂದ ರಾಘವೇಂದ್ರ ಇವರನ್ನು ನೇಮಕ ಮಾಡಿ ಅಲೆಮಾರಿ ಮತ್ತು ಹೆಳವ ಹಾಗೂ ಬೈಲ ಪತ್ತಾರ ಜನಾಂಗಕ್ಕೆ ಇವರನ್ನು ನೇಮಕ ಮಾಡಿದರೆ ಈ ಸಮಾಜದ ಕುಂದುಕೊರತೆಯನ್ನು ಇವರು ನಿರ್ವಹಿಸುತ್ತಾರೆ ಎಂದು ಜಿಲ್ಲಾಧಿಕಾರಿಗಳಿಗೆ ವಿವರಿಸಿದರು.

ಈಗಾಗಲೇ ಈ ಜನಾಂಗದ ಪರವಾಗಿ ಮತ್ತು ಜನರ ಪರ ಹೋರಾಟಗಾರರಾಗಿ ಚೆನ್ನಾಗಿ ಕೆಲಸ ಮಾಡಿಕೊಂಡು ಬಂದಿದ್ದಾರೆ. ಇಂಥವರನ್ನು ಈ ಸಮಾಜಕ್ಕೆ ಸದಸ್ಯರನ್ನಾಗಿ ನೇಮಕ ಮಾಡಬೇಕೆಂದು ಹೆಳವ ಸಮಾಜದ ಜಿಲ್ಲಾಧ್ಯಕ್ಷ ಹನುಮಂತ್ರಾಯ ಎಮ್, ಜಿಲ್ಲಾ ಉಪಾದ್ಯಕ್ಷ ದುರುಗಪ್ಪ ಶಾಂತಪುರ ಮನವಿ ಸಲ್ಲಿಸಿದರು.

ಸಮಾಜದ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ನೆಹರು ಹಳಿಸಗರ, ದುರಗಪ್ಪ ಸುರಪೂರ, ಸಾಬಣ್ಣ ವಡಗೇರಿ, ರಾಮುಲು ಬೈಲಪತ್ತಾರ, ಹಣಮಂತ, ಭೀಮಣ್ಣ, ರವಿ ಇನ್ನಿತರರು ಇದ್ದರು.