ಕಲಬುರಗಿ: ಕೇಂದ್ರದ ಪೌರತ್ವ (ತಿದ್ದುಪಡಿ) ಕಾಯ್ದೆ ಜಾರಿ ವಿರೋಧಿಸಿ ವಿವಿಯಲ್ಲಿ ಪ್ರತಿಭಟನೆ

ಕಲಬುರಗಿ: ಕೇಂದ್ರ ಸರ್ಕಾರದ ಪೌರತ್ವ (ತಿದ್ದುಪಡಿ) ಕಾಯ್ದೆ ಜಾರಿ ಕ್ರಮವನ್ನು ಖಂಡಿಸಿ ಮತ್ತು ಜಾಮಿಯಾ ಮಿಲಿಯಾ ವಿಶ್ವವಿದ್ಯಾಲಯ ವಿದ್ಯಾರ್ಥಿಗಳ ಮೇಲೆ ದೆಹಲಿಯ ಪೊಲೀಸರು ನಡೆಸಿದ ಗುಂಡಿನ ದಾಳಿಯನ್ನು ಖಂಡಿಸಿ ಗುಲ್ಬರ್ಗ ವಿಶ್ವವಿದ್ಯಾಲಯದ ವಿದ್ಯಾರ್ಥಿ ಒಕ್ಕೂಟದ ವತಿಯಿಂದ ಬುಧವಾರ ಪ್ರತಿಭಟನೆ ನಡೆಸಲಾಯಿತು.

ಈ ವೇಳೆ ಮಾತನಾಡಿದ ಪ್ರಗತಿಪರ ಚಿಂತಕಿ ಕೆ.ನೀಲಾˌ ಹಿಟ್ಲರ್ ನ ಹಿಂದಿನ ಮಾತುಗಳೇ ಇವತ್ತಿನ ಮೋದಿಯವರ ‘ಮನ್ ಕಿ ಬಾತ್’ ಹಿಟ್ಲರನು ಹಿಂದೆ ಜನರ ಮದ್ಯ ವೈಷಮ್ಯ ಬೆಳೆಸುತ್ತಿದ್ದರು. ಇವತ್ತು ಮೋದಿಯವರು ಪೌರತ್ವ ಕಾಯ್ದೆಯ ಮೂಲಕ ಜನರ ಮಧ್ಶ ವೈಷಮ್ಯ ಬಿರುತ್ತಿದ್ದಾರೆ ಎಂದು ಆರೋಪಿಸಿದರು. ಮೋದಿಯವರು ಹಿಟ್ಲರ್ ನ ಮಾದರಿಯಲ್ಲೇ ಯಾತನ ಶಿಬಿರಗಳನ್ನು ನಿರ್ಮಿಸುತ್ತಿದ್ದುˌ ದೇಶವನ್ನು ಅದೋಗತಿಗೆ ಕೊಂಡ್ಶೊಯ್ಯುತ್ತಿದ್ದಾರೆ ಎಂದು ಮೋದಿ ವಿರುದ್ಧ ಹರಿಹಾಯ್ದರು.

ಕಾರ್ಗಿಲ್ ಯುದ್ದದ್ದಲ್ಲಿ ಹೋರಾಡಿದ ಸೈನಿಕರಿಗೆ ಇವತ್ತು ದಾಖಲೆ ಇಲ್ಲ ಎನ್ನುವಂತಿರುವಾಗ ಜನಸಾಮಾನ್ಯರ ಗತಿ ಏನು ಎಂದು ಪ್ರಶ್ನಿಸಿದರು. ಅದರಲ್ಲೂ ನಮ್ಮ ಅಜ್ಜ ಮುತ್ತಜ್ಜರ ದಾಖಲೆ ಕೇಳಿದರೆ ನಾವೇನು ಮಾಡೋದು ಎಂದು CAB ಅನ್ನು ವಿರೋಧಿಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ವಿದ್ಯಾರ್ಥಿ ಒಕ್ಕೂಟದ ಮಾಜಿ ಅಧ್ಯಕ್ಷ ಗಂಗಾಧರ್ ಮಾಡಬುಳ, ಭಾರತವು ಹಲವಾರು ಜಾತಿ, ಧರ್ಮ, ಭಾಷೆಗಳ ಜಾತ್ಯಾತೀತ ರಾಷ್ಟ್ರವಾಗಿದೆ. ಇಂತಹ ರಾಷ್ಟ್ರದಲ್ಲಿ ಪೌರತ್ವ ಕಾಯ್ದೆಯ ಮೂಲಕ ಕೇಂದ್ರ ಸರ್ಕಾರವು ಜನರಲ್ಲಿ ಒಡಕು ಮೂಡಿಸುತ್ತಿದೆ. ಈ ಕಾಯ್ದೆಯ ವಿರುದ್ಧ ಜಾಮಿಯಾ ಮಿಲಿಯಾ ವಿಶ್ವವಿದ್ಯಾಲಯ ವಿದ್ಯಾರ್ಥಿಗಳು ಪ್ರತಿಭಟಿಸಿದ್ದು ಸರಿಯಾದ ಕ್ರಮವಾಗಿದೆ. ಅವರ ಮೇಲೆ ಮೋದಿ ಸರ್ಕಾರ ಪೊಲೀಸರಿಂದ ಲಾಠಿ ಚಾರ್ಜ್ ಮಾಡಿಸಿದ್ದು ಖಂಡನೀಯ ಎಂದರು.

ವಿವಿಯ ಗ್ರಂಥಾಲಯದಿಂದ ಆಡಳಿತ ಕಚೇರಿಯವರೆಗೆ ಪ್ರತಿಭಟನಾ ಮೆರವಣಿಗೆ ನಡೆಸಿ ಕುಲಪತಿಗಳ ಮೂಲಕ ರಾಷ್ಟ್ರಪತಿ, ಪ್ರಧಾನಮಂತ್ರಿ, ರಾಜ್ಯಪಾಲ, ಮುಖ್ಯಮಂತ್ರಿಯವರಿಗೆ ಮನವಿ ಸಲ್ಲಿಸಲಾಯಿತು.

ಸ್ನಾತಕೋತ್ತರ ವಿದ್ಯಾರ್ಥಿ ಒಕ್ಕೂಟದ ಅಧ್ಯಕ್ಷ ಬಾಬುರಾವ್ ಬೀಳಗಿ, ವಿ.ವಿ.ವಿದ್ಯಾರ್ಥಿ ಒಕ್ಕೂಟದ ಅಧ್ಯಕ್ಷ ಮಿಲಿಂದ್ ಸುಳ್ಳದ,ಆಕಾಶ್ ಕಾಂಬ್ಳೆ, ಮರೆಪ್ಪ ತಲಕೇರಿ, ಚಿರಂಜೀವಿ ಬಬಲಾದಕರ್ ಇತರರು ಪ್ರತಿಭಟನೆಯಲ್ಲಿ ಭಾಗವಹಿಸಿದ್ದರು.