ಮೂಢನಂಬಿಕೆಯಿಂದ ಹೊರ ಬರಲು ಲಂಡನ್ಕರ ಕರೆ

ಕಲಬುರಗಿ: ಇಂದು ಮುಂಜಾನೆ ನಗರದ ಶರಣಬಸವೇಶ್ವರ ವಿಶ್ವವಿದ್ಯಾಲಯದ ಆವರಣದಲ್ಲಿ ಬ್ರೇಕ್ ಥ್ರೂ ಸೈನ್ಸ್ ಸೊಸೈಟಿ ( BSS) ಜಿಲ್ಲಾ ಘಟಕದ ವತಿಯಿಂದ ಕಂಕಣ ಸೂರ್ಯಗ್ರಹಣ ವೀಕ್ಷಣೆ ಕಾರ್ಯಕ್ರಮವನ್ನು ಆಯೋಜಿಸಲಾಯಿತು.

ಈ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಗಳಾಗಿ ಗುಲಬರ್ಗಾ ವಿಶ್ವವಿದ್ಯಾಲಯದ ಜೈವಿಕ ತಂತ್ರಜ್ಞಾನದ ವಿಭಾಗದ ಮುಖ್ಯಸ್ಥ ರಾದ ಡಾ.ರಮೇಶ ಲಂಡನಕರ್ ರವರು ಆಗಮಿಸಿ ಮಾತಾನಾಡಿ “ಗ್ರಹಣದ ಕುರಿತು ಜನರು ವೈಜ್ಞಾನಿಕವಾಗಿ ಮನೋಭಾವ ಬೆಳೆಸಿಕೊಳ್ಳಬೇಕು .ಯಾವದೇ ಗ್ರಹಣ ಸಂಭವಿಸಿದ್ದರೂ ಅದು ಸಹಜ ಕ್ರೀಯೆ.ಜನ ಮೂಢನಂಬಿಕೆಗಳಿಂದ ಹೊರ ಬರಬೇಕು “ಎಂದು ಕರೆ ನೀಡಿದ್ದರು.

ಎಸ್.ಬಿ‌.ಸೈನ್ಸ್ ಪಿಯು ಕಾಲೇಜಿನ ಪ್ರಾಚಾರ್ಯರಾದ ಎನ್.ಎಸ್.ದೇವರಕಲ್ ಹಾಗೂ ಸೊಸೈಟಿ ಸಂಚಾಲಕಿ ಅಭಯಾ ದಿವಾಕರ್ ಮಾತಾನಾಡಿದ್ದರು.

ಈ ಸಂದರ್ಭದಲ್ಲಿ ಶರಣಬಸವ ವಿ.ವಿ.ದ ಪ್ರಾಧ್ಯಾಪಕರಾದ ಡಾ.ನಾನಾಸಾಹೇಬ್ ಹಚ್ಚಡದ, ಸೈಬಣ್ಣಾ ಗುಡಬಾ ಇದ್ದರು. BSS ನ ಪ್ರಮುಖರಾದ ಹರೀಶ ಸಂಗಾಣಿ, ರಶ್ಮಿ ರಾಜೇ, ಶಕುಂತಲಾ ಪಾಟೀಲ, ಪ್ರವೀಣ ಲಂಡನಕರ್ ಸೇರಿದಂತೆ ಕಾಲೇಜಿನ ನೂರಾರು ವಿದ್ಯಾರ್ಥಿ- ವಿದ್ಯಾರ್ಥಿನಿಯರು ಭಾಗವಹಿಸಿ ಗ್ರಹಣ ಗೋಚರಿಸಿದ್ದನ್ನು ವೀಕ್ಷಿಸಿದ್ದರು.