ಕಲಬುರಗಿ: ಶಹಾಪುರ ತಾಲೂಕಿನ ಮುಡಬೂಳ ಸರಕಾರಿ ಪ್ರೌಢ ಶಾಲೆಗೆ ಪ್ರಸಕ್ತ ಸಾಲಿನ ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ ಅತ್ಯುತ್ತಮ ಫಲಿತಾಂಶ ಬಂದಿದೆ.
ಈ ವರ್ಷದ ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ ಅತೀ ಹೆಚ್ಚು ಅಂಕಪಡೆದ ಶರಣಬಸವ ಗೋಪಣ್ಣ (ಶೇ.92.16, 576/625)ರಷ್ಟು ಅಂಕಪಡೆದು ಶಾಲೆಗೆ ಪ್ರಥಮ ಸ್ಥಾನ ಬರುವ ಮೂಲಕ ಪಾಲಕರಿಗೆ ಹಾಗೂ ಗ್ರಾಮಕ್ಕೆ ಕೀರ್ತಿ ತಂದಿದ್ದಾನೆ.
ವಿದ್ಯಾರ್ಥಿಗಳಾದ ಬಸಮ್ಮ ಅಂಬ್ಲಪ್ಪ (ಶೇ. 86,541/625), ಸುಮಂಗಲ ಅಂಬಣ್ಣ (ಶೇ.86.72,542/625), ನಿಂಗಪ್ಪ ಎಚ್(ಶೇ.84.96, 531/625)ರಷ್ಟು ಅಂಕಪಡೆಯುವ ಮೂಲಕ ಸಾಧನೆ ಮಾಡಿದ್ದಾರೆ.
ಪ್ರಸಕ್ತ ಸಾಲಿನಲ್ಲಿ ಶಾಲೆಯ ಒಟ್ಟು 56 ವಿದ್ಯಾರ್ಥಿಗಳ ಪೈಕಿ 41 ವಿದ್ಯಾರ್ಥಿಗಳ ತೇರ್ಗಡೆಯಾಗಿದ್ದಾರೆ. ನಾಲ್ಕು ಅತ್ಯುತ್ತಮ ಶ್ರೇಣಿ, 16 ಪ್ರಥಮ , 20, ದ್ವಿತೀಯ ಹಾಗೂ ಒಬ್ಬ ವಿದ್ಯಾರ್ಥಿ ಜಸ್ಟ್ ಪಾಸಾಗಿದ್ದಾರೆ.
ವಿದ್ಯಾರ್ಥಿಗಳ ಈ ಸಾಧನೆಗೆ ಶಾಲಾ ಮುಖ್ಯಗುರು ದಿನೇಶ ರೆಡ್ಡಿ, ಶಿಕ್ಷಕ ಗೋವಿಂದರಾe ಸರ್ ಸಿಬ್ಬಂದಿ ಹಾಗೂ ಗ್ರಾಮಸ್ಥರು ಹರ್ಷ ವ್ಯಕ್ತಪಡಿಸಿದ್ದಾರೆ.
ನಮ್ಮ ಶಾಲಾ ಮಕ್ಕಳು ಅತ್ಯುತ್ತಮ ಅಂಕದೊಂದಿಗೆ ಉತ್ತೀರ್ಣರಾಗಿದ್ದು, ಸಂತಸ ತಂದಿದೆ. ಎಲ್ಲ ಶಿಕ್ಷಕರ ಉತ್ತಮ ಬೋಧನೆ, ಸಲಹೆ ಮತ್ತು ಮಾರ್ಗದರ್ಶನದ ಫಲ ಹಾಗೂ ವಿದ್ಯಾರ್ಥಿ ಶ್ರಮದಿಂದ ಈ ಸಾಧನೆ ಸಾಧ್ಯವಾಗಿದೆ. ಗ್ರಾಮಸ್ಥರ, ಪಾಲಕರ ಸಹಕಾರವೂ ಮುಖ್ಯವಾಗಿದೆ. ಮುಂದಿನ ದಿನಗಳಲ್ಲಿ ಇನ್ನೂ ಹೆಚ್ಚಿನ ರೀತಿಯಲ್ಲಿ ಫಲಿತಾಂಶ ತರಲು ಸತತವಾಗಿ ಪ್ರಯತ್ನಿಸಲಾಗುವುದು.
-ದಿನೇಶ ರೆಡ್ಡಿ, ಮುಖ್ಯಗುರು, ಸರಕಾರಿ ಪ್ರೌಢ ಶಾಲೆ, ಮುಡಬೂಳ