ಜಯಂತಿಗಳನ್ನು ಸರಳವಾಗಿ ಅರ್ಥಪೂರ್ಣವಾಗಿ ಆಚರಿಸಬೇಕು: ಅಂಕಲಗಿ

ಸುರಪುರ: ಲೋಕ ಸಭಾ ಚುನಾವಣೆಯ ಅಂಗವಾಗಿ ನೀತಿ ಸಂಹಿತೆ ಇರುವುದರಿಂದ ಸರಕಾರದ ವತಿಯಿಂದ ಆಚರಿಸಲಪಡುವ ಜಯಂತಿ ಕಾರ್ಯಕ್ರಮಗಳನ್ನು ಸರಳವಾಗಿ ಆಚರಿಸಲಾಗುವುದು ಎಂದು ತಹಶೀಲ್ದಾರ ಸುರೇಶ ಅಂಕಲಗಿ ತಿಳಿಸಿದರು.

ನಗರದ ತಹಶೀಲ್ದಾರ ಕಚೇರಿ ಸಭಾಂಗಣದಲ್ಲಿ ಶನಿವಾರ ಶ್ರೀ ಜಗಜ್ಯೋತಿ ಬಸವೇಶ್ವರರ, ಶ್ರೀ ಮದಾಧ್ಯ ಜಗದ್ಗುರು ಶಂಕರಾಚಾರ್ಯರ ಸೇರಿದಂತೆ ವಿವಿಧ ಜಯಂತಿಗಳ ಪೂರ್ವಭಾವಿ ಸಭೆಯ ಅರ್ಧಯಕ್ಷತೆ ವಹಿಸಿ ಮಾತನಾಡಿದ ಅವರು ಸರಕಾರವು ಮಹನೀಯರ ಜೀವನವನ್ನು ಆದರ್ಶವಾಗಿಟ್ಟುಕೊಳಲು ಅವರ ಜಯಂತಿಯನ್ನು ಆಚರಿಸುವುದರ ಮೂಕಾಂತರ ಅವರ ಸಾಧನೆಗೆ ಹಾಗೂ ಅವರ ಆದರ್ಶಗಳನ್ನು ಪ್ರತಿಯೊಬ್ಬರಿಗೂ ತಿಳಿಸಲು ಈ ಜಯಂತಿಗಳನ್ನು ಆಚರಿಸುವಂತೆ ಆದೇಶಿಸಿದ ಹಿನ್ನಲೆಯಲ್ಲಿ ಮೇ.07 ರಂದು ಶ್ರೀ ಜಗಜ್ಯೋತಿ ಬಸವೇಶ್ವರರ, ಮೇ.09 ರಂದು ಶ್ರೀ ಮದಾರ್ಧಯ ಜಗದ್ಗುರು ಶಂಕರಾಚಾರ್ಯರ, ಮೇ.10 ರಂದು ಶ್ರೀ ಮಹಾಸಾದ್ವಿ ಹೇಮರಡ್ಡಿ ಮಲ್ಲಮ್ಮ ಮತ್ತು ಮೇ.11 ರಂದು ಶ್ರೀ ಭಗೀರಥ ಮಹರ್ಷಿಗಳ ಜಯಂತಿಯನ್ನು ತಾಲೂಕು ಆಡಳಿತದ ವತಿಯಿಂದ ತಾಳೂಕು ಕಚೇರಿಯ ಸಬಾಂಗಣದಲ್ಲಿ ಬೇಳಿಗ್ಗೆ 10 ಗಂಟೆಗೆ ಆಚರಿಸಲಾಗುವುದು ಆ ದಿನಗಳಂದು ನಡೆಯುವ ಕಾರ್ಯಕ್ರಮಗಳಿಗೆ ಸಮಾಜದ ಮುಖಂಡರು ಹಾಗೂ ಸಂಘಟನೆಯ ಮುಖಂಡರುಗಳು ಮತ್ತು ಸಾರ್ವಜನಿಕರು ಭಾಗವಹಿಸುವಂತೆ ತಿಳಿಸಿದರು.

ತಾಲೂಕು ವೀರಶೈವ ಲಿಂಗಾಯತ ಸಮಾಜದ ಅಧ್ಯಕ್ಷ ಸುರೇಶ ಸಜ್ಜನ, ನ್ಯಾಯವಾದಿ ಜಿ.ಹೆಚ್ಚ್.ಪಾಟೀಲ, ಸುಗುರೇಶ ವಾರದ, ವೀರಪ್ಪ ಅವಂಟಿ, ಶಿವಶರಣಪ್ಪ ಹೆಡಗಿನಾಳ, ಮಂಜುನಾಥ ಜಾಲಹಳ್ಳಿ, ಸಂಗಣ್ಣ ಯಕ್ಕಳ್ಳಿ, ನಗರಸಭೆ ಸದಸ್ಯ ಮಹೇಶ ಪಾಟೀಲ, ವಿರೇಶ ಪಂಚಾಂಗಮಠ, ಶರಣಪ್ಪ ಕಳ್ಳಿಮನಿ, ವಿರೇಶ ಮಾಟ್ನೂರು, ಚಂದ್ರಶೇಖರ ಡೊಣ್ಣುರು, ದೇವಿದಾಸಭಟ ಗಡ್ಡದ, ನಾಗರಾಜ ಹಾಲಗಿರಿ ಸೇರಿದಂತೆ ತಾಲೂಕು ಮಟ್ಟದ ಅಧಿಕಾರಿಗಳು ಭಾಗವಹಿಸಿದ್ದರು.