ಅಲೆಮಾರಿ, ನಿರ್ಗತಿಕ ಜನರಿಗೆ: ತಾಲೂಕು ಆಡಳಿತದಿಂದ ಊಟ ಪೂರೈಕೆ

ಆಳಂದ: ಕೊರೊನಾ ವೈರಸ್ ಹರಡದಂತೆ ಮುಂಜಾಗೃತ ಕ್ರಮವಾಗಿ ಮುಂದುವರೆದ ಲಾಕ್‌ಡೌನ್‌ನಿಂದ ತೊಂದರೆಗೊಳಗಾದ ಪಟ್ಟಣದಲ್ಲಿನ ಸುಮಾರು ೧೩೦ ಜನ ಅಲೆಮಾರಿ ಹಾಗೂ ನಿರ್ಗತಿಕರಿಗೆ ಸ್ಥಳೀಯಯ ವ್ಯಾಪಾರಿಗಳ ಸಹಾಯದಿಂದ ತಾಲೂಕು ತಹಸೀಲ್ದಾರ ದಯಾನಂದ ಪಾಟೀಲ ಅವರು ನೇತೃತ್ವದಲ್ಲಿ ನಿತ್ಯ ಊಟ ವಿತರಣೆ ಕಾರ್ಯಕ್ಕೆ ಸೋಮವಾರ ಪ್ರಾರಂಭಿಸಲಾಯಿತು.

ಸ್ಥಳೀಯ ಸಂಗಾ ಬಡಾವಣೆಯಲ್ಲಿನ ಸಮಾಜ ಕಲ್ಯಾಣ ಇಲಾಖೆಯ ಬಾಲಕಿಯರ ವಸತಿನಿಲಯದಲ್ಲಿ ಅಡುಗೆ ಕೇಂದ್ರವನ್ನಾಗಿ ಮಾಡಿದ್ದು, ಇಲ್ಲಿಂದಲೇ ಬೆಳಗಿನ ಜಾವ ಟಿಪಿನ್, ಮಧ್ಯಾಹ್ನ ಹಾಗೂ ಸಂಜೆ ಊಟವನ್ನು ಸಿದ್ಧಪಡಿಸಿ ನಿರ್ಗತಿಕರು ಮತ್ತು ಅಲೆಮಾರಿಗಳಿದ್ದ ಸ್ಥಳಕ್ಕೆ ಪೂರೈಕೆ ಮಾಡಲಾಗುವುದು ಎಂದು ತಹಸೀಲ್ದಾರ ಅವರು ತಿಳಿಸಿದ್ದಾರೆ.

ಈ ಸಂದರ್ಭದಲ್ಲಿ ಸಮಾಜ ಕಲ್ಯಾಣ ಅಧಿಕಾರಿ ವಿಜಯಕುಮಾರ ಫುಲಾರ, ಸಹಾಯಕ ಕೃಷಿ ನಿರ್ದೇಶಕ ಶರಣಗೌಡ ಪಾಟೀಲ, ಆಹಾರ ಶಿರಸ್ತೆದಾರ ವಿನಾಯಕ, ಸೇವಾ ನಿರತ ಪೌರಕಾರ್ಮಿಕರು ಇದ್ದರು.