ಕೊರೊನಾ ರೋಗ ಬರಬಾರದಂದ್ರ ಮನೆಯಲ್ಲಿ ಇರಬೇಕು

ಕೊರೊನಾ ರೋಗ ಬರಬಾರದಂದ್ರ
ಮನೆಯಲ್ಲಿ ಇರಬೇಕು

ಇದೇನು ಮಹಾ ಅಂತ ಅಡ್ಡಾಡಿ
ಬಂದರ ಮಾರಿಗಿ ತಂದಂಗರಿ

ಮನೆಮಂದಿಯೆಲ್ಲ ಸುಖವಾಗಿ ಇರಲೆಂದು
ದೇವರಲ್ಲಿ ಕೇಳ್ರಿ

ಹೆಂಡತಿ ಮಕ್ಕಲೊಂದಿಗೆ ದಿನದ ಕಾಲ
ಕಳೆದು ನೋಡ್ರಿ

ಸರ್ಕಾರ ಹೇಳಿದ್ದು ಸಾರ್ಥಕ ಮಾಡಿ
ಅಧಿಕಾರಿ ವರ್ಗಕ್ಕೆ ನೆಮ್ಮದಿ ನೀಡಿ

ಮಹಾಮಾರಿ ಕೊರೊನಾ ಮನೆಯೊಳಗೆ
ಬರದಂಗ ಶುದ್ಧ ಬದುಕು ಮಾಡ್ರಿ

ಇದೇನು ಮಹಾ ಅಂತ ತಿರುಗಾಡಿ
ಬಂದರ ಕೊರೊನಾ ತಂದಂಗರಿ

ಮನೆ ಮನೆಗಳಲ್ಲಿ ಸುರಕ್ಷತೆ ಇದ್ದರೆ
ಊರೆಲ್ಲ ಸುರಕ್ಷೆ

ಊರು, ನಗರ ಸುರಕ್ಷತೆ ಇದ್ದರ
ದೇಶವೆಲ್ಲ ಸೌಖ್ಯ

ಜನಜಂಗುಳಿಯಿಂದ ದೂರವೇ ಇದ್ದು
ಸ್ವಚ್ಛತೆ ಕಾಪಾಡಿ
ಸರಸಂಬಿ ಕಂದ ಕೈ ಮುಗಿದು ಕೇಳ್ಯಾನ
ದೇವರ (ಬಸವನ) ದಯೆ ಬೇಡಿ

-ನಾಗೇಂದ್ರಪ್ಪ ಮಾಡ್ಯಾಳೆ, ಕಲಬುರಗಿ