ಕಲಬುರಗಿ: ಜಾತ್ಯತೀತ ಮೌಲ್ಯಗಳ ಸಂಕೇತ, ಪ್ರಜಾಪ್ರಭುತ್ವ ಧರ್ಮವಾಗಿ, ಸಂವಿಧಾನ ಮತ್ತು ಬುದ್ಧ, ಬಸವ, ಅಂಬೇಡ್ಕರ್ ಅವರ ಮಾನವ ಧರ್ಮ ಮಾರ್ಗದಲ್ಲಿ ಮುನ್ನಡೆಯುತ್ತಿರುವ ಮಾಜಿ ಕೇಂದ್ರ ಸಚಿವ ಡಾ. ಮಲ್ಲಿಕಾರ್ಜುನ ಖರ್ಗೆ ಅವರಿಗೆ ರಾಜ್ಯ ಸಭೆಗೆ ನೇಮಕ ಮಾಡಬೇಕೆಂದು ಕಾಂಗ್ರೆಸ್ ಪಕ್ಷದ ಕಾರ್ಯಕರ್ತರಾದ ಮೋದಿನ್ ಪಟೇಲ್ ಅಣಬಿ ಆಗ್ರಹಿಸಿದ್ದಾರೆ.
ಅವರು AICC ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರಿಗೆ ಪತ್ರಬರೆದು ಡಾ. ಖರ್ಗೆ ಸಾರ್ವಜನಿಕ ಬದುಕನ್ನು ಆರಂಭಿಸಿ, ಶಾಸಕ, ವಿರೋಧ ಪಕ್ಷದ ನಾಯಕ, ಸಂಸದ, ಕೇಂದ್ರ ಸಚಿವ ಚುನಾಯಿತರಾಗಿ ಅರ್ಧ ಶತಮಾನದಷ್ಟು ದೀರ್ಘವಾದ ಯಶಸ್ಸಿನ ಹಾದಿ ಅವರು ಕ್ರಮಿಸಿ ಬಂದಿರುವ ದಾರಿ ಅವರ ವ್ಯಕ್ತಿತ್ವಕ್ಕೆ ಮತ್ತು ರಾಜಕೀಯ ಮುತ್ಸದಿ ತನಕ್ಕೆ ಸಾಕ್ಷಿ ನುಡಿಯುತ್ತದೆ, 70ರ ದಶಕದಲ್ಲಿ ನಾಡಿನ ರಾಜಕಾರಣಕ್ಕೆ ಕಾಲಿಟ್ಟ ಮಲ್ಲಿಕಾರ್ಜುನ ಖರ್ಗೆ ಪಕ್ಷ ನಿಷ್ಠೆ ಸಾಕಾರ ಮೂರ್ತಿಗಳು 80ರ ದಶಕದ ನಂತರ ಕರ್ನಾಟಕದಲ್ಲಿ ಕಾಂಗ್ರೆಸ್ ಅನೇಕ ಮುನ್ನಡೆ ಹಿನ್ನಡೆಯನ್ನು ಕಂಡಿದೆ. ಆದರೆ ಖರ್ಗೆ ಅವರು ಸತತ ಮುನ್ನಡೆಯ ಮಾರ್ಗದಲ್ಲಿ ಚಲಿಸುತ್ತ ಬರುತ್ತಿದ್ದಾರೆ.
ಹಿಂದೆ NDA ಸರ್ಕಾರದ ಉಪಪ್ರಧಾನಿಯಾಗಿದ್ದ ಎಲ್ ಕೆ ಅಡ್ವಾಣಿ ಅವರು ಕಲಬುರಗಿ ಬಂದಿದ್ದಾಗ ಇಲ್ಲಿಯ ಹೋರಾಟಗಾರರು ಸಂವಿಧಾನದ 371ನೇ ಆರ್ಟಿಕಲ್ ತಿದ್ದುಪಡಿ ತರಬೇಕೆಂದು ಮನವಿ ಸಲ್ಲಿಸಿದಾಗ “ಏ ಕೊಯಿ ಹೊನೆ ವಾಲಿ ಬಾತ್ ನಹಿ ಹೈ “ಎಂದು ತಿರಸ್ಕಾರ ಭರಿತ ಅಸಡ್ಡೆಯಿಂದ ಪ್ರತಿಕ್ರಿಯಿಸಿದರು. ಆಗ ಸಾಧ್ಯವೇ ಇಲ್ಲ ಎಂದು ಅಡ್ವಾಣಿಯವರು ತಿರಸ್ಕರಿಸಿದ್ದನ್ನು ಸಾಧಿಸಿ ತೋರಿಸಿದ ಕೀರ್ತಿ ಡಾ. ಖರ್ಗೆಗೆ ಸಲ್ಲುತ್ತದೆ ಎಂದು ತಿಳಿಸಿದರು.
ರಾಜಕೀಯ ಅಧಿಕಾರದ ಕ್ಷೇತ್ರದಲ್ಲಿ ನಡೆದು ಬರುತ್ತಿರುವ ಖರ್ಗೆ ಜಾತಿಯತೆ ಸಂಕುಚಿತ ಮನೋಭಾವ ದ್ವೇಷದ ರಾಜಕಾರಣ ಗುಂಡಾಗಿರಿ ಮುಂತಾದವುಗಳು ತಮ್ಮ ಬಳಿಯಲ್ಲಿ ಸುಳಿಯಲು ಅವಕಾಶ ಕೊಡದ ಸಚ್ಚಾರಿತ್ರ್ಯದ ರಾಜಕಾರಣಕ್ಕೆ ಹೆಸರು ಮಾಡಿದ್ದಾರೆ .ಇಂಥ ಒಬ್ಬ ಮೇರು ನಾಯಕ ರನ್ನು ರನ್ನು ರಾಜ್ಯಸಭಾ ಸದಸ್ಯನಾಗಿ ಮಾಡಬೇಕೆಂದು ಮೋದಿನ ಪಟೇಲ ಅಣಬಿ ಮತ್ತು ಕಾಂಗ್ರೆಸ್ ಪಕ್ಷದ ಕಾರ್ಯಕರ್ತರು ಒತ್ತಾಯಿದ್ದಾರೆ.