ಶಹಾಬಾದ: ಹೊನಗುಂಟ ಗ್ರಾಮದ ರೈತರು ಬೆಳೆದ ಫಸಲಿಗೆ ನೀರು ಸರಬರಾಜು ಮಾಡಲು ಸಮರ್ಪಕ ವಿದ್ಯುತ್ ಸರಬರಾಜು ಒದಗಿಸಿಸಬೇಕೆಂದು ಆರ್.ಕೆ.ಎಸ್. ಶಹಾಬಾದ ಸ್ಥಳಿಯ ಸಮಿತಿ ವತಿಯಿಂದ ಜೆಸ್ಕಾಂ ಅಧಿಕಾರಿಗೆ ಮನವಿ ಪತ್ರ ಸಲ್ಲಿಸಿಲಾಯಿತು.
ಹೊನಗುಂಟಾ ಗ್ರಾಮದಲ್ಲಿ ಹಲವಾರು ಜನರ ತೋಟಗಳಲ್ಲಿ ಕಬ್ಬು, ತರಕಾರಿ ಹಾಗೂ ಇತರ ಬೆಳೆಗಳನ್ನು ಬೆಳೆದಿದ್ದಾರೆ. ಹಲವು ದಿನಗಳಿಂದ ಗ್ರಾಮದ ತೋಟಗಳಿಗೆ ವಿದ್ಯುತ್ ಕಡಿತವಾಗುತ್ತಿರುವುದರಿಂದ ಕಬ್ಬಿಗೆ ಬೇಕಾಗುವಷ್ಟು ನೀರನ್ನು ನೀಡಲು ಸಾಧ್ಯವಾಗುತ್ತಿಲ್ಲ. ಬೆಳಿಗ್ಗೆ ೯:೦೦ ರಿಂದ ಸಂಜೆ ೫:೦೦ಘಂಟೆಯವರೆಗೆ ಹಲವಾರು ಬಾರಿ ವಿದ್ಯುತ್ ಲೈನ್ ಕಡಿತ ಮಾಡುತ್ತಿದೆ.ಇದರಿಂದ ಬೆಳೆಗಳಿಗೆ ನೀರು ಹಾಯಿಸದೇ ಇರುವುದರಿಂದ ಬೆಳೆಯುತ್ತಿರುವ ಕಬ್ಬು ಎಲ್ಲಿ ನಾಶವಾಗುತ್ತದೆ ಎಂದು ಆತಂಕ ಮನೆಮಾಡಿದೆ.
ಆದಕಾರಣ ಈ ಕೂಡಲೇ ಸಮರ್ಪಕವಾಗಿ ವಿದ್ಯುತ್ ಸರಬರಾಜು ಮಾಡಿ ರೈತರಿಗೆ ಅನುಕೂಲಮಾಡಬೇಕು ಎಂದು ಜೆಸ್ಕಾಂ ಅಧಿಕಾರಿಗೆ ಮನವಿ ಪತ್ರ ಸಲ್ಲಿಸಿದರು.
ಆರ್.ಕೆ.ಎಸ್ ಜಿಲ್ಲಾ ಅಧ್ಯಕ್ಷ ಗಣಪತ್‌ರಾವ್.ಕೆ.ಮಾನೆ, ಎಸ್.ಯು.ಸಿ (ಐ) ಜಿಲ್ಲಾ ಸಮಿತಿ ಸದಸ್ಯ ರಾಮಣ್ಣ.ಎಸ್.ಇಬ್ರಾಹಿಂಪುರ, ಆರ್.ಕೆ.ಎಸ್ ನಗರ ಕಾರ್ಯದರ್ಶಿ ರಾಜೇಂದ್ರ ಅತೂನೂರ, ಈರಣ್ಣ ಇಟಗಿ, ವಿಶ್ವನಾಥ ಬೆಲ್ಲದ್, ವೀರಭದ್ರಯ್ಯ ಸ್ವಾಮಿ, ಮಗ್ದುಮ್ ಪಟೇಲ್, ನಾಗೇಂದ್ರ ಟೆಂಗಳಿಗಿ, ಆನಂದ ಕೊಳಸಪ್ಪ, ಅನಂತಕುಮಾರ ಜೈನ್ ಇದ್ದರು.