ಕಲಬುರಗಿ: ಕಲ್ಲು ಬಂಡೆಗಳ ಕೆಳಗೆ ಮುಚ್ಚಿಟ್ಟ ವ್ಯಕ್ತಿಯ ಶವ ಮಂಗಳವಾರ ಇಲ್ಲಿನ ವಾಡಿ ಪಟ್ಟಣದ ನಾಲವಾರ ವ್ಯಾಪ್ತಿಯ ಸಂಕನೂರು ಮಾರ್ಗದಲ್ಲಿ ಪತ್ತೆಯಾಗಿದ್ದು, ಕೊಲೆ ಶಂಕೆ ವ್ಯಕ್ತವಾಗಿದೆ.
ಕಲ್ಲುಗಳ ಕೆಳಗೆ ಮುಚ್ಚಿಟ್ಟ ಮೃತ ದೇಹ ಪುರಷನದ್ದು ಎಂಬುದು ಹೊರಗೆ ಕಾಣಿಸುತ್ತಿದ್ದ ಬಟ್ಟೆಗಳಿಂದ ಗುರುತಿಸಲಾಗಿದೆ. ಘಟನೆ ಎರಡ್ಮೂರು ದಿನಗಳ ಹಿಂದೆಯೇ ನಡೆದಿದೆ ಎನ್ನಲಾಗಿದ್ದು, ಕೊಳೆತ ದೇಹದಿಂದ ಹರಡಿದ ದುರ್ವಾಸನೆಯಿಂದ ಘಟನೆ ಬೆಳಕಿಗೆ ಬಂದಿದೆ.
Contact Your\'s Advertisement; 9902492681
ಸಾರ್ವಜನಿಕರು ನೀಡಿದ ಮಾಹಿತಿ ಮೇರೆಗೆ ಸ್ಥಳಕ್ಕೆ ಭೇಟಿ ನೀಡಿರುವ ಚಿತ್ತಾಪುರ ಸಿಪಿಐ ಪಂಚಾಕ್ಷರಿ ಸಾಲಿಮಠ, ವಾಡಿ ಠಾಣೆ ಪಿಎಸ್‍ಐ ವಿಜಯಕುಮಾರ ಭಾವಗಿ ಹಾಗೂ ಸಿಬ್ಬಂದಿಗಳು ಪರಿಸೀಲನೆ ನಡೆಸಿದ್ದಾರೆ.
ಮೃತ ದೇಹ ಯಾರದ್ದು? ಯಾವ ಕಾರಣಕ್ಕಾಗಿ ಕೊಲೆ ಮಾಡಲಾಗಿದೆ? ಕೊಲೆ ಆರೋಪಿಗಳು ಯಾರು ಎಂಬುದು ಪೊಲೀಸರ ತನಿಖೆಯಿಂದ ಗೊತ್ತಾಗಲಿದೆ. ಘಟನೆಯಿಂದ ನಾಲವಾರ ಹಾಗೂ ಸಂಕನೂರ ಗ್ರಾಮಸ್ಥರಲ್ಲಿ ಆತಂಕ ಮಡುಗಟ್ಟಿದೆ.