ದೇವಸ್ಥಾನಕ್ಕೆ ತೆರಳಿ ಕೃತಜ್ಞತೆ ಸಮರ್ಪಿಸಿದ ಅಪ್ಪ, ಮಗ

ಕಲಬುರಗಿ: ಕಲಬುರಗಿ ಲೋಕಸಭೆ ಹಾಗೂ ಚಿಂಚೋಳಿ ಉಪ ಚುನಾವಣೆಯಲ್ಲಿ ಗೆಲುವು ಸಾಧಿಸಿದ, ಡಾ. ಉಮೇಶ ಜಾಧವ್ ಹಾಗೂ ಡಾ. ಅವಿನಾಶ ಜಾಧವ್ ಅವರು ಚುನಾವಣೆ ಅಧಿಕಾರಿಗಳಿಂದ ಪ್ರಮಾಣ ಪತ್ರ ಪಡೆದ ಬಳಿಕ ಜಿಲ್ಲೆಯ ವಿವಿಧ ದೇವಸ್ಥಾನಗಳಿಗೆ ಭೇಟಿ ನೀಡಿ ದರ್ಶನ ಪಡೆದು ಪೂಜೆ ಸಲ್ಲಿಸಿದ್ದರು.

23 ತಾರೀಖು ಬಿಜೆಪಿ ಅಭ್ಯರ್ಥಿಗಳಿಗೆ ಐತಿಹಾಸಿಕ ದಿನವಾಗಿ ವಿವಿಧ ರೀತಿಯಲ್ಲಿ ಆಚರಿಸಲಾಯಿತು, ಕಲಬುರಗಿ ಲೋಕ ಸಭೆ ಕ್ಷೇತ್ರ ಬಿಜೆಪಿ ಅಭ್ಯರ್ಥಿ ಡಾ. ಉಮೇಶ ಜಾಧವ್ ಹಾಗೂ ಅವರ ಪುತ್ರ, ಆಯ್ಕೆಯಾಗಿ ಘೋಷಣೆಯಾದ ಕೂಡಲೇ ಚುನಾವಣೆ ಆಯೋಗದಿಂದ ಪ್ರಮಾಣ ಪತ್ರ ಪಡೆದ ನಂತರ ಜಿಲ್ಲೆಯ ಪ್ರಮುಖ ದೇವಸ್ಥಾನಗಳಾದ ಶ್ರೀ ಶರಣಬಸವೇಶ್ವರ ದೇವಸ್ಥಾನ, ಚಿಂಚೋಳಿ ಕ್ಷೇತ್ರದ ರೇವಣಸಿದ್ದೇಶ್ವರ ದೇವಸ್ಥಾನ, ಕಾಳಗಿ ಕಾಳೇಶ್ವರ, ಪೌರಾದೇವಿ ದೇವಸ್ಥಾನ, ಸೂಗೂರು ದೇವಸ್ಥಾನ, ಯಲ್ಲಮ್ಮಾ ದೇವಸ್ಥಾನ, ಸಿದ್ಧಿಭಾಷಾ ದರ್ಗಾ ಸೇರಿದಂತೆ ವಿವಿಧ ದೇವಸ್ಥಾನಗಳಿಗೆ ರಾತ್ರೋ ರಾತ್ರಿ ಭೇಟಿ ದೇವರ ದರ್ಶನ ಪಡೆದು ವಿಷೇಶ ಪೂಜೆ ಸಲ್ಲಿಸುವ ಮೂಲಕ ತಮ್ಮ ಗೆಲುವಿಗೆ ಕೃತಜ್ಞತೆ, ಸಮರ್ಪಿಸಿದರು.

ಈ ಸಂದರ್ಭದಲ್ಲಿ ಚಿಂಚೋಳಿ ಕ್ಷೇತ್ರ ಉಪ ಚುನಾವಣೆಯಲ್ಲಿ ತನ ಪುತ್ರ ಡಾ. ಅವಿನಾಶ ಜಾಧವ್ ಕೂಡ ಗೆಲುವು ಸಾಧಿಸಿದ ಹಿನ್ನೆಲೆ, ಅವರ ತಂದೆ ಮತ್ತು ಪುತ್ರ ಜೊತೆಯಾಗಿ ದೇವರದ ದರ್ಶನ ಪಡೆದರು ಎನ್ನಲಾಗಿದ್ದು, ಈ ಸಂದರ್ಭದಲ್ಲಿ ಕುಟಂಬಸ್ಥರು ಜೊತೆಯಲ್ಲಿದ್ದರು ಎನ್ನಲಾಗಿದೆ.