ಹರ್ಷಾನಂದ ಗುತ್ತೇದಾರ ಗುಣಮುಖರಾಗಲು ಪೂಜೆ

ಆಳಂದ: ತಾಲೂಕಿನ ಖಜೂರಿ ಜಿ.ಪಂ ಕ್ಷೇತ್ರದ ಸದಸ್ಯ ಹರ್ಷಾನಂದ ಗುತ್ತೇದಾರ ಕೊರೋನಾ ಸೋಂಕಿನಿಂದ ಬೇಗನೆ ಗುಣಮುಖರಾಗಲೆಂದು ಹರ್ಷಾನಂದ ಗುತ್ತೇದಾರ ಅಭಿಮಾನಿಗಳು ತಾಲೂಕಿನ ವಿವಿಧ ದೇವಸ್ಥಾನಗಳಲ್ಲಿ ವಿಶೇಷ ಪೂಜೆ ಸಲ್ಲಿಸಿದರು.

ತಾಲೂಕಿನ ಖಜೂರಿ, ನಿಂಬರ್ಗಾ, ಮಾದನಹಿಪ್ಪರ್ಗಾ, ಕಡಗಂಚಿ, ಭೂಸನೂರ, ಧಂಗಾಪುರ, ರುದ್ರವಾಡಿ, ಹೊದಲೂರ, ಜವಳಗಾ, ಆಳಂಗಾ, ಸುಂಟನೂರ, ಗೋಳಾ(ಬಿ) ಸೇರಿದಂತೆ ಇತರೆ ಗ್ರಾಮಗಳಲ್ಲಿ ಗ್ರಾಮದೇವರ ದೇವಸ್ಥಾನಕ್ಕೆ ಹೋಗಿ ವಿಶೇಷ ಪೂಜೆ ಸಲ್ಲಿಸಲಾಯಿತು.

ಖಜೂರಿ ಗ್ರಾಮದ ರಾಮಲಿಂಗೇಶ್ವರ ದೇವಸ್ಥಾನದಲ್ಲಿ ಪಕ್ಷದ ಯುವ ಮುಖಂಡರಾದ ಕುಮಾರ ಬಂಡೆ, ಕರಬಸಪ್ಪ ವಾಡೆ, ಸುಮೀತಕುಮಾರ ಕಂದಗೂಳೆ, ಸಿದ್ದಾರಾಮ ಘಂಟೆ, ರಾಜಕುಮಾರ ಕಲಶೆಟ್ಟಿ, ಗುರುನಾಥ ಭಾಸಗೆ, ಅಜಯಕುಮಾರ ಅಲ್ದೆ, ಕರಬಸಪ್ಪ ಢಗೆ ಸೇರಿದಂತೆ ಇತರರು ಇದ್ದರು.