ರಸ್ತೆ ಅಪಘಾತ: ಇಬ್ಬರು ಕಾರ್ಮಿಕರು ಸ್ಥಳದಲ್ಲೇ ಸಾವು

ಕೋಲಾರ: ಜಿಲ್ಲೆ ಮತ್ತು ತಾಲೂಕಿನ ನರಸಾಪುರ ಹೋಬಳಿಯ ಕೈಗಾರಿಕಾ ಪ್ರದೇಶದಲ್ಲಿ ರಸ್ತೆ ಅಪಘಾತದಲ್ಲಿ ಬೈಕ್ ಸವಾರರು ಬಡವೇ ಕಂಪನಿಯ ಕಾರ್ಮಿಕರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.

ಶ್ರೀನಿವಾಸ್ (28), ಯಲಹಂಕ ನಿವಾಸಿ ಭರತ್(31) ಎಂದು ತಿಳಿದುಬಂದಿದೆ. ನರಸಾಪುರ ಹೋಬಳಿಯ ಕೈಗಾರಿಕಾ ಪ್ರದೇಶದ ಬಡವೇ ಕಂಪನಿಯ ಇಬ್ಬರು ಕಾರ್ಮಿಕರು ನೈಟ್ ಶಿಫ್ಟ್ ಕೆಲಸ ಮುಗಿಸಿ ಕೊಂಡು ಬರುವಾಗ ಬೆಳಗಿನ ಜಾವ 8:30ರ ಸಮಯದಲ್ಲಿ ಕೆ ಬಿ ಹೊಸಹಳ್ಳಿ ಗೇಟ್ ನಲ್ಲಿ ಬೈಕ್ ಮತ್ತು LUMAX ಕಂಪನಿಯ ವಾಹನದ ನಡುವೆ ರಸ್ತೆ ಅಪಘಾತದಲ್ಲಿ ಕಾರ್ಮಿಕರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.

ಒಬ್ಬರು ಮುಳಬಾಗಿಲು ತಾಲೂಕಿನ ನಂಗಲಿ ಗ್ರಾಮ ಮತ್ತು ಇನ್ನೊಬ್ಬ ಭಾವನಹಳ್ಳಿ ಗ್ರಾಮದ ಮೃತ ವ್ಯಕ್ತಿಗಳು ಎಂದು ಸ್ಥಳೀಯರು ತಿಳಿಸಿದರು. LUMAX ಕಂಪನಿಯ ವಾಹನ ಅಪಘಾತ ಮಾಡಿ ಚಾಲಕ ವಾಹನವನ್ನು ಕಂಪನಿಯಲ್ಲಿ ಬಿಟ್ಟು ಪರಾರಿಯಾಗಿದ್ದಾನೆ ಎಂದು ಸ್ಥಳೀಯರು ತಿಳಿಸಿದರು. ಈ ಪ್ರಕರಣ ವೇಮಗಲ್ ಪೋಲಿಸ್ ಠಾಣೆಯಲ್ಲಿ ದಾಖಲಾಗಿರುತ್ತದೆ.