ಕಲಬುರಗಿ: ಇಲ್ಲಿನ ಕಾಳಗಿ ತಾಲ್ಲೂಕಿನ ಕೊಡ್ಲಿ ಹತ್ತಿರ ಗ್ರಾಮದ ರಾಜ್ಯ ಹೆದ್ದಾರಿಯಲ್ಲಿ ಸ್ವಿಫ್ಟ್ ಕಾರು ಎತ್ತಿನ ಗಾಡಿಗೆ ಡಿಕ್ಕಿ ಹೊಡೆದ ಪರಿಣಾಮ ಸ್ಥಳದಲ್ಲೇ 2 ಎತ್ತುಗಳು ಸಾವನ್ನಪ್ಪಿರುವ ಘಟನೆ ಇಂದು ನಡೆದಿದೆ.
ತಮ್ಮಣ್ಣ ಪೂಜಾರಿ ಎಂಬ ಬಡ ರೈತನಿಗೆ ಸೇರಿದ ಎತ್ತುಗಳು ಎಂದು ತಿಳಿದುಬಂದಿದೆ. ರೈತ ಬಂಡಿಯಲ್ಲಿ ಕೊಡ್ಲಿಯಿಂದ ಹೊಲಕ್ಕೆ ತೆರಳುವ ವೇಳೆ ಕಲಬುರಗಿಯಿಂದ ಸುಲೆಪೇಟ್ ಕಡೆಗೆ ತೆರಳುತ್ತಿದ್ದ ಸಿಫ್ಟ್ ಎತ್ತಿನ ಗಾಡಿಗೆ ಡಿಕ್ಕಿ ಹೊಡೆದಿದೆ. ಕಾರಿನಲ್ಲಿ ಶಾಲೆಯ ಶಿಕ್ಷಕರು ಇದ್ದು, ಮೂವರು ಶಿಕ್ಷಕರಿಗೆ ಗಾಯಗಳಾಗಿವೆ.
Contact Your\'s Advertisement; 9902492681
ಘಟನಾ ಸ್ಥಳಕ್ಕೆ ರಟಕಲ್ ಪೊಲೀಸ್ ಠಾಣೆಯ ಪಿ.ಎಸ್.ಐ ಹಾಗೂ ಸಿಬ್ಬಂದಿಗಳು ತೆರಳಿ ಪರಿಶೀಲನೆ ನಡೆಸಿದ್ದು, ಈ ಕುರಿತು ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.
