ಎ.ಜೆ.ಸದಾಶಿವ ಆಯೋಗದ ವರದಿ ಜಾರಿಗೊಳಿಸದಿದ್ದರೆ ಹೋರಾಟ ತೀವ್ರ: ದುರ್ಗಪ್ಪ ಬಡಿಗೇರ

ಸುರಪುರ: ಅನೇಕ ವರ್ಷಗಳಿಂದ ಎಲ್ಲಾ ಸರಕಾರಗಳಿಗೂ ಮನವಿ ಮಾಡುತ್ತಿದ್ದರು ಸರಕಾರಗಳು ರಾಜ್ಯದ ಮಾದಿಗ ಸಮುದಾಯವನ್ನು ಕಡೆಗಣಿಸುತ್ತಿರುವುದು ಸರಿಯಲ್ಲ ಕೂಡಲೆ ಎ.ಜೆ.ಸದಾಶಿವ ಆಯೋಗದ ವರದಿ ಸದನದಲ್ಲಿ ಅಂಗೀಕರಿಸಿ ಜಾರಿಗೊಳಿಸಬೇಕು ಇಲ್ಲದಿದ್ದಲ್ಲಿ ರಾಜ್ಯಾದ್ಯಂತ ಹೋರಾಟವನ್ನು ತೀವ್ರಗೊಳಿಸುವುದಾಗಿ ಮಾದಿಗ ದಂಡೋರ ತಾಲೂಕು ಅಧ್ಯಕ್ಷ ದುರ್ಗಪ್ಪ ನಾಗರಾಳ ಆಕ್ರೋಶ ವ್ಯಕ್ತಪಡಿಸಿದರು.

ಸಂಘಟನೆಯಿಂದ ನಗರದ ತಹಸೀಲ್ ಕಚೇರಿ ಮುಂದೆ ಹಮ್ಮಿಕೊಂಡಿದ್ದ ಪ್ರತಿಭಟನೆಯ ನೇತೃತ್ವ ವಹಿಸಿ ಮಾತನಾಡಿ,ಪರಿಶಿಷ್ಟ ಜಾತಿಗಳಲ್ಲಿಯೆ ಮಾದಿಗ ಸಮುದಾಯದ ಜನತೆ ಹೆಚ್ಚಿನ ಸಂಖ್ಯೆಯಲ್ಲಿದ್ದು ಮೀಸಲಾತಿಯ ಪ್ರಮಾಣದ ಹಂಚಿಕೆಯಲ್ಲಿ ಮಾತ್ರ ಅನ್ಯಾಯವೆಸಗಲಾಗಿದೆ.ಇದನ್ನು ಸರಿಪಡಿಸಲು ನ್ಯಾಯಾಲಯವು ಹೇಳಿದೆ ಅಲ್ಲದೆ ಎ.ಜೆ.ಸದಾಶಿವ ಆಯೋಗವು ಮೀಸಲಾತಿ ಪ್ರಮಾಣದ ಹಂಚಿಕೆ ಸರಿಪಡಿಸಲು ಹೇಳಿದೆ.ಆದರೆ ಸರಕಾರಗಳು ಮಾತ್ರ ಮಾದಿಗ ಸಮುದಾಯಕ್ಕೆ ಅನ್ಯಾಯ ಮಾಡುತ್ತಿವೆ.ಕೂಡಲೆ ಸರಕಾರ ಸದಾಶಿವ ಆಯೋಗದ ವರದಿ ಸದನದಲ್ಲಿ ಅಂಗೀಕರಿಸಿ ಜಾರಿಗೊಳಿಸಬೇಕೆಂದರು.

ಮುಖಂಡ ಭೀಮಾಶಂಕರ ಬಿಲ್ಲವ್ ಮಾತನಾಡಿ,ಅನೇಕ ವರ್ಷಗಳಿಂದಲೂ ಎ.ಜೆ.ಸದಾಶಿವ ಆಯೋಗದ ವರದಿ ಜಾರಿಗೆ ಹೋರಾಟ ನಡೆಸಲಾಗುತ್ತಿದೆ.ಸರಕಾರ ನಿರ್ಲಕ್ಷ್ಯ ಮುಂದು ವರೆಸಿದೆ ಮುಂದೆ ಹೋರಾಟ ತೀವ್ರಗೊಳಿಸಿ ನಮ್ಮ ಹಕ್ಕು ಪಡೆಯುವುದಾಗಿ ಹೇಳಿದರು.

ಕರ್ನಾಟಕ ದಲಿತ ಸಂಘರ್ಷ ಸಮಿತಿ ಜಿಲ್ಲಾಧ್ಯಕ್ಷ ಹಣಮಂತ ಕಟ್ಟಿಮನಿ ಬೊಮ್ಮನಹಳ್ಳಿ ಮಾತನಾಡಿ,ಇಂದು ಎ.ಜೆ.ಸದಾಶಿವ ಆಯೋಗದ ವರದಿಗಾಗಿ ರಾಜ್ಯದಲ್ಲಿನ ಎಲ್ಲಾ ಮಾದಿಗ ಸಮುದಾಯದ ಜನರು ಎದ್ದು ನಿಂತಿದ್ದು ಕೂಡಲೆ ವರದಿ ಜಾರಿಗೊಳಿಸದಿದ್ದಲ್ಲಿ ಮುಂದೆ ನಡೆಯುವ ಹೋರಾಟದಿಂದಾಗುವ ಎಲ್ಲಾ ಆಗು ಹೋಗುಗಳಿಗೆ ಸರಕಾರವೇ ಹೋಣೆಯಾಗಲಿದೆ ಎಂದರು.

ಪ್ರತಿಭಟನೆಗು ಮುನ್ನ ತಹಸೀಲ್ ಕಚೇರಿ ವರೆಗೆ ಪ್ರತಿಭಟನಾ ಮೆರವಣಿಗೆ ನಡೆಸಿ ಸರಕಾರದ ವಿರುದ್ಧ ಘೋಷಣೆಗಳನ್ನು ಕೂಗಿದರು.ನಂತರ ಮುಖ್ಯಮಂತ್ರಿಗಳಿಗೆ ಬರೆದ ಮನವಿಯನ್ನು ಗ್ರೇಡ-೨ ತಹಸೀಲ್ದಾರ ಸೂಫಿಯಾ ಸುಲ್ತಾನರ ಮೂಲಕ ಸಲ್ಲಿಸಿದರು.ಈ ಸಂದರ್ಭದಲ್ಲಿ ನ್ಯಾಯವಾದಿ ಯಲ್ಲಪ್ಪ ಹುಲಕಲ್ ಮಲ್ಲಿಕಾರ್ಜುನ ಮಂದಾಲೆ ಸುರೇಶ ಕಟ್ಟಿಮನಿ ಪರಶುರಾಮ ದೀವಳಗುಡ್ಡ ಯಮನಪ್ಪ ಕಟ್ಟಿಮನಿ ಮೌನೇಶ ತಿಂಥಣಿ ಸೇರಿದಂತೆ ಅನೇಕರಿದ್ದರು.