ಕಲಬುರಗಿ: ಗ್ರಾಮೀಣ ಮತಕ್ಷೇತ್ರದ ಶಾಸಕ ಬಸವರಾಜ ಮತ್ತಿಮೂಡ ಅವರ ಪತ್ನಿ ವಿರುದ್ಧ ಸುಳ್ಳು ಆರೋಪ ಹೊರಸಿ ಅವರ ಕಾರು ಜಪ್ತಿ ಮಾಡಿ ರಾಜಕೀಯ ಭವಿಷ್ಯಕ್ಕೆ ಮಸಿ ಬಳಿಯು ಕುತಂತ್ರ ಇದೆ ಎಂದು ಕುಸನೂರ ತಾಲ್ಲೂಕು ಪಂಚಾಯಿತಿ ಸದಸ್ಯರಾದ ವಿಜಯಲಕ್ಷ್ಮೀ ಬಬಲಾದ ಹೇಳಿದ್ದಾರೆ.
ಕೇವಲ ಅವರ ರಾಜಕೀಯ ವಿರೋಧಿಗಳು ಮಾಡಿರುವ ಪೂರ್ವ ನಿಯೋಜಿತ ಷಡ್ಯಂತ್ರವೇ ಹೊರತಾಗಿ ಮತ್ತೊಂದು ಇಲ್ಲ. ಅತ್ಯಂತ ತಳಸಮುದಾಯದಿಂದ ಮತ್ತು ಅತಿ ಬಡತನ ರೇಖೆಯಿಂದ ಬಂದಿರುವ ಶಾಸಕ ಬಸವರಾಜ ಮತ್ತಿಮೂಡ ಅವರ ರಾಜಕೀಯ ಬೆಳವಣಿಗೆಯನ್ನು ಸಹಿಸದ ಕೆಲವು ಕಿಡಿಗೇಡಿಗಳು ಈ ಕುತಂತ್ರವಾಗಿದೆ ಎಂದರು.
ಈ ಹಿಂದೆಯು ಕೂಡ ಜಿಲ್ಲಾ ಪಂಚಾಯತ ಸದಸ್ಯರಾಗುವ ಸಂದರ್ಭದಲ್ಹೂ ಮತ್ತು ಜಿಲ್ಲಾ ಪಂಚಾಯತ ಅಧ್ಯಕ್ಷರ ಚುನಾವಣೆಯಲ್ಲಿಯೂ ಸಹ ಇದೇ ರೀತಿ ಶಾಸಕರ ಮೇಲೆ ಅನೇಕ ಸುಳ್ಳು ಆರೋಪಗಳನ್ನು ದಾಖಲಿಸಲಾಗಿತ್ತು.
ಆದರೆ ಅವ್ರ ಯಾವವು ಆರೋಪಗಳನ್ನು ಕೂಡ ಇಲ್ಲಿಯವರೆಗೆ ಸಾಬೀತಾಗಿಲ್ಲ. ಇಡಿ ಜನತೆಗೆ ಗೊತ್ತಾಗಿದೆ. ಮತ್ತೆ ಅದೇ ಷಡ್ಯಂತ್ರ ಮುಂದುವರೆದಿದೆ. ಕೆಲವು ಕುತಂತ್ರಿಗಳು ಶಾಸಕರಿಗೆ ಸುಳ್ಳು ಹೇಳಿ ಅವರಿಗೆ ಸಂಬಂಧಿಸಿದ ವಾಹನ ತೆಗೆದುಕೊಂಡು ಹೋಗಿ ಮಾಡಿರುವ ಪೂರ್ವ ನಿಯೋಜಿತ ಷಡ್ಯಂತ್ರವಲ್ಲದೇ ಮತ್ತೇನೂ ಅಲ್ಲ ಎಂದು ಖಂಡಿಸಿದ್ದಾರೆ.
ಆರೋಪಕ್ಕೂ ಶಾಸಕರ ಕುಟುಂಬಕ್ಕೂ ಯಾವೃದೇ ರೀತಿಯ ಸಂಬಂಧವಿಲ್ಲ ಸಾರ್ವಜನಿಕರು ಇಂತಹ ಸುಳ್ಳು ಆರೋಪಗಳಿಗೆ ಯಾರೂ ಕಿವಿಗೊಡಬಾರದು ಎಂದು ಮನವಿ ಮಾಡಿದ್ದಾರೆ.