ಸುರಪುರ: ಗೀ ಗೀ ಪದ ತರಬೇತಿ ಶಿಬಿರ

ಸುರಪುರ: ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಹಾಗು ಕವಿ ಹಣಮಂತಪ ಜಾನಪದ ಸಾಹಿತ್ಯ ಸಂಘ ಪೇಠ ಅಮ್ಮಾಪುರ ಇವರುಗಳ ಸಂಯುಕ್ತಾಶ್ರಯದಲ್ಲಿ ಗೀ ಗೀ ಪದ ಮತ್ತು ತತ್ವ ಪದಗಳ ತರಬೇತಿ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು.

ಗಿರಿಜನ ಉಪಯೋಜನೆ ಅಡಿಯಲ್ಲಿ ಗುರು ಶಿಷ್ಯ ಪರಂಪರೆಯನ್ನು ಮೂಲಾಧಾರವಾಗಿಟ್ಟು ಕೊಂಡು ನಡೆಸಲಾದ ತರಬೇತಿ ಶಿಬಿರದಲ್ಲಿ ಭಾಗವಹಿಸಿದ ಮಾಜಿ ಗ್ರಾಮ ಪಂಚಾಯತಿ ಸದಸ್ಯ ಮಲ್ಲಿಕಾರ್ಜುನ ರಡ್ಡಿ ಮಾತನಾಡಿ,ಜಾನಪದ ಎಂದರೆ ಅದು ಈ ದೇಶದ ಮೂಲ ಸಂಸ್ಕೃತಿಯ ಬೇರು ಇದ್ದಂತೆ.ಭಾರತದ ಸಾಹಿತ್ಯದ ಮೂಲ ಎಂದರೆ ಅದು ಜನಪದವಾಗಿದೆ,ಅಂತಹ ಜನಪದವನ್ನು ಇಂದು ಎಲ್ಲರು ಮರೆರಯುತ್ತಾ ಕೇವಲ ಮೊಬೈಲ್ ಟಿವಿಗಳ ದಾಸರಾಗಿದ್ದಾರೆ.

ಇದರಿಂದ ಸಾಹಿತ್ಯವು ಸತ್ವ ಕಳೆದು ಕೊಳ್ಳಲಿದೆ,ಆದ್ದರಿಂದ ಜಾನಪದವನ್ನು ಎಲ್ಲರು ಅರಿತು ಬದುಕಿನಲ್ಲಿ ಅಳವಡಿಸಿಕೊಂಡು ಉಳಿಸಿ ಬೆಳೆಸುವ ಜವಬ್ದಾರಿ ಎಲ್ಲರ ಮೇಲಿದೆ.ಅದನ್ನು ಅರಿತು ಇಂದು ಗಿರಿ ಜನ ಉಪಯೋಜನೆ ಅಡಿಯಲ್ಲಿ ಗುರು ಶಿಷ್ಯ ಪರಂಪರೆಯನ್ನು ಮುಂದುವರೆಸಲು ಇಂತಹ ಕಾರ್ಯಕ್ರಮಗಳು ಅವಶ್ಯಕ ಎಂದರು.

ಈ ಸಂದರ್ಭದಲ್ಲಿ ಪ್ರಕಾಶ ಸಮೇದ ತಿರುಪತಿ ತನಿಖೇದಾರ ಬಸವರಾಜ ತನಿಖೇದಾರ ಕಾನುಲಪ್ಪ ತನಿಖೇದಾರ ಮಹೇಶ ಶಾಬಾದಿ ಸೇರಿದಂತೆ ಅನೇಕ ಜನ ಜನಪದ ಕಲಾವಿದರು ಮತ್ತು ಸಾಹಿತ್ಯಾಸಕ್ತರು ತರಬೇತಿಯಲ್ಲಿದ್ದರು.