ರಾಜುಗೌಡ ಜನುಮ ದಿನಕ್ಕೆ ರಕ್ತದಾನ ಮಾಡಿದ ಅಭಿಮಾನಿ

ಸುರಪುರ: ಶಾಸಕ ನರಸಿಂಹ ನಾಯಕ (ರಾಜುಗೌಡ) ಅವರ 42ನೇ ಹಾಗು ಮುಖಂಡ ಹಣಮಂತ ನಾಯಕ (ಬಬ್ಲೂಗೌಡ) ಅವರ 37ನೇ ಜನುಮ ದಿನದ ಅಂಗವಾಗಿ ರಾಜುಗೌಡ ಅವರ ಅಭಿಮಾನಿ ನಗರದ ಬೋವಿಗಲ್ಲಿಯ ನಿವಾಸಿ ರಾಜು ಶಹಾಪುರ ಅವರು ರಕ್ತದಾನ ಮಾಡುವ ಮೂಲಕ ಹುಟ್ಟು ಹಬ್ಬಕ್ಕೆ ಶುಭ ಕೋರಿದರು.

ಈ ಹಿಂದಿನಿಂದಲೂ ಪ್ರತಿ ವರ್ಷ ರಾಜುಗೌಡರ ಜನುಮ ದಿನಕ್ಕೆ ರಕ್ತದಾನ ಮಾಡುತ್ತಿದ್ದು ಅದರಂತೆ ಈ ವರ್ಷವು ರಕ್ತದಾನ ಮಾಡುತ್ತಿದ್ದು ನಮ್ಮ ನಾಯಕರಾದ ರಾಜುಗೌಡ ಅವರು ಈ ವರ್ಷ ಯಾರೂ ಅದ್ಧೂರಿಯಾಗಿ ಜನುಮ ದಿನಾಚರಣೆ ನಡೆಸದಂತೆ ತಿಳಿಸಿದ್ದರು.

ಆದ್ದರಿಂದ ಈ ವರ್ಷ ಅಧ್ಧೂರಿಯಾಗಿ ಕಾರ್ಯಕ್ರಮವಿಲ್ಲದೆ ಅರ್ಥಪೂರ್ಣವಾಗಿ ಆಚರಣೆ ಮಾಡುತ್ತಿರುವುದಾಗಿ ತಿಳಿಸಿದರು.