ರಾಜಿ ರಹಿತ ಪಂಥದ ಅಗ್ರಗಣ್ಯ ನಾಯಕ ನೇತಾಜಿ ಸುಭಾಷ್ ಚಂದ್ರ ಬೋಸ್: ಸ್ನೇಹ ಕಟ್ಟಿಮನಿ

ಕಲಬುರಗಿ: ಭಾರತದ ಸ್ವಾತಂತ್ರ್ಯ ಸಂಗ್ರಾಮದ ಸಮರಶೀಲ ನೇತಾರ ಹಾಗೂ ರಾಜಿ ರಹಿತ ಪಂಥದ ಅಗ್ರಗಣ್ಯ ನಾಯಕರಾದ ನೇತಾಜಿ ಸುಭಾಷ್ ಚಂದ್ರ ಬೋಸ್ ರ ಜನ್ಮದಿನಾಚರಣೆ ನಗರದ ವಿ.ಜಿ ಮಹಿಳಾ ಮಹಾವಿದ್ಯಾಲಯ, ಉರ್ದು ಸರಕಾರಿ ಶಾಲೆ,ಸರಕಾರಿ ಮಹಿಳಾ ಪದವಿ ಮಹಾವಿದ್ಯಾಲಯ, ಸರಕಾರಿಸ್ವಾತಂತ್ರ್ಯ ಪದವಿ ಪೂರ್ವ ಕಾಲೇಜುನ ಸಹಭಾಗಿತ್ವದಲ್ಲಿ ಎಐಡಿಎಸ್ಓ ಸಂಘಟನೆ ಹಮ್ಮಿಕೊಂಡಿತು.

ಈ ಸಂದರ್ಭದಲ್ಲಿ ಸಂಘಟನೆ ಸ್ನೇಹ ಕಟ್ಟಿಮನಿ ಮಾತನಾಡಿ, ಅನ್ಯಾಯ ಅಸತ್ಯದೊಂದಿಗೆ ಎಂದಿಗೂ ರಾಜಿ ಮಾಡಿಕೊಳ್ಳದ ಅವರ ಹೋರಾಟದ ಕೆಚ್ಚನ್ನು ಮೈಗೂಡಿಸಿಕೊಳ್ಳುತ್ತಾ, ಅವರು ಎತ್ತಿಹಿಡಿದ ಪ್ರಜಾತಾಂತ್ರಿಕ ಮೌಲ್ಯಗಳು ಮತ್ತು ಧರ್ಮನಿರಪೇಕ್ಷ ಚಿಂತನೆಗಳನ್ನು ಪಾಲಿಸುತ್ತಾ, ಅವರು ಕನಸುಕಂಡ ‘ಯಾವ ಕಂದನೂ ಹಸಿವೆಯಿಂದ ನರಳದ, ಯಾವ ಹೆಣ್ಣು ಕೂಡ ಅಭದ್ರತೆಯಿಂದ ರೋಧಿಸದ, ಎಲ್ಲರಿಗೂ ಶಿಕ್ಷಣ-ಉದ್ಯೋಗ-ಆರೋಗ್ಯವನ್ನು ಒದಗಿಸಿ, ಸಂತಸದ ಬದುಕನ್ನು ನನಸಾಗಿಸುವ, ರೈತರು ಕಾರ್ಮಿಕರು ಎಲ್ಲರೂ ಸೇರಿದಂತೆ ಇಡೀಯ ಮಾನವ ಜನಾಂಗವೇ ಹೆಮ್ಮೆಯಿಂದ ತಲೆಯೆತ್ತಿ ಮುನ್ನಡೆಯುವ ಸಮಾಜವಾದಿ ಭಾರತ’ವನ್ನು ನಿರ್ಮಿಸುವ ಸಂಕಲ್ಪ ತೊಡುತ್ತೇವೆ. ಈ ಮೂಲಕ, ನೇತಾಜಿಯವರಿಗೆ ನಮ್ಮಗೌರವ ಸಲ್ಲಿಸುತ್ತೇವೆ ಎಂದರು.

ಈ ಕಾರ್ಯಕ್ರಮದಲ್ಲಿ, ಶಿಲ್ಪಾ ಬಿ.ಕೆ, ಪ್ರೀತಿ.ದೊಡ್ಡಮನಿ, ಭಿಮಾಶಂಕರ, ನಾಗರಾಜ್, ಪೂಜಾ, ಮಂಜುಳಾ, ನೂರಾರು ವಿಧ್ಯಾರ್ಥಿಗಳು ಭಾಗವಹಿಸಿದರು.