ಸಂಸದ ಉಮೇಶ್ ಜಾದವ್ ರಾಜಿನಾಮೆಗೆ ಆಗ್ರಹ

ಕಲಬುರಗಿ: ಕಲ್ಯಾಣ ಕರ್ನಾಟಕ ಭಾಗದ ಒಂದೋಂದೇ ಯೋಜನೆಗಳು ಸ್ಥಳಾಂತರವಾಗುತ್ತಿದ್ದರೂ ಸಂಸದ ಉಮೇಶ ಜಾಧವ ತಡೆಗಟ್ಟಲು ವಿಫಲರಾಗಿದ್ದಾರೆ.ಕೂಡಲೇ ನೈತಿಕ ಹೊಣೆ ಹೊತ್ತು ಅವರು ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕು ಎಂದು ಕನ್ನಡ ಭೂಮಿ ಜಾಗೃತಿ ಸಮಿತಿ ರಾಜ್ಯಾಧ್ಯಕ್ಷ ಲಿಂಗರಾಜ ಸಿರಗಾಪೂರ ಆಗ್ರಹಿಸಿದ್ದಾರೆ.

ಕಲ್ಯಾಣ ಕರ್ನಾಟಕ ವಿಭಾಗೀಯ ಕೇಂದ್ರ ಕಲಬುರ್ಗಿಯಲ್ಲಿರುವ ಏಮ್ಸ್ ಹುಬ್ಬಳ್ಳಿಗೆ ಹೋಗಿದೆ, ಕರ್ನಾಟಕ ನವಿಕರಿಸಬಹುದಾದ ಇಂಧನ ನಿಯಮಿತ ಇಲಾಖೆ, ಆಹಾರ ಸಂಸ್ಕರಣೆ ಘಟಕ ಹಾಗೂ ಉದ್ದೇಶಿತ ಜವಳಿ ಪಾರ್ಕ್ ಮೈಸೂರಿಗೆ ಸ್ಥಳಾಂತರಿಸಲಾಗಿದೆ.

ಸಂಸದ ಉಮೇಶ್ ಜಾಧವ್ ಗೆ ಶಾಸಕ ಖರ್ಗೆ ಅಭಿನಂದನೆ

ಮೈಸೂರಿನ ಸಂಸದರ ಒತ್ತಡಕ್ಕೆ ಮಣಿದಿರುವ ಸರಕಾರ ಜವಳಿ ಪಾರ್ಕ್ ಮೈಸೂರಿನಲ್ಲಿ ಸ್ಥಾಪಿಸಲು ನಿರ್ಧರಿಸಿದೆ.ಇದಕ್ಕೆ ಸಂಸದ ಉಮೇಶ್ ಜಾಧವ ಅವರ ವೈಫಲ್ಯವೇ ಕಾರಣವಾಗಿದೆ.ಹಿಂದುಳಿದ ಕಲ್ಯಾಣ ಕರ್ನಾಟಕದಲ್ಲಿ ಮೋದಲೇ ಉದ್ಯೋಗ ಸಮಸ್ಯೆ ತಾಂಡವವಾಡುತ್ತಿದೆ.

ಅಭಿವೃದ್ಧಿ ಕೆಲಸಗಳು ಆಗುತ್ತಿಲ್ಲ.ಹೀಗಾಗಿ ಕೇಂದ್ರ ಸರಕಾರದ ಮೇಲೆ ಒತ್ತಡ ತಂದು ಸ್ಥಳಾಂತರಗೊಂಡ ಯೋಜನೆಗಳನ್ನು ಮರಳಿ ತರುವ ಗೋಜಿಗೂ ಹೋಗದೆ ಸಂಸದ ಜಾಧವ ಅವರು ಉದಾಸೀನ ಪ್ರದರ್ಶಿಸುತ್ತಿದ್ದಾರೆ.

ಜೇವರ್ಗಿ ರಾಷ್ಟೀಯ ಹೆದ್ದಾರಿಯಲ್ಲಿ ಭೀಕರ ಅಪಘಾತ: ವ್ಯಕ್ತಿ ಸಾವು

ಹೊಸ ಯೋಜನೆಗಳು ತರುವುದು ದೂರದ ಮಾತು.ಇದ್ದ ಇಲಾಖೆಗಳನ್ನು ಉಳಿಸಿಕೊಳ್ಳಲು ಸಂಸದರು ವಿಫಲರಾಗಿರುವುದರಿಂದ ಕೂಡಲೇ ರಾಜೀನಾಮೆ ನೀಡಿ ಕೇಂದ್ರ ಸರ್ಕಾರಕ್ಕೆ ಬಿಸಿ ಮುಟ್ಟಿಸಬೇಕು ಎಂದು ಅವರು ಒತ್ತಾಯಿಸಿದ್ದಾರೆ.