ಸುರಪುರ: ಸವಿತಾ ಸಮಾಜದ ಮುಖಂಡರು ಮಂಗಳವಾರ ನಗರದಲ್ಲಿನ ಅನೇಕ ಜನ ಕೊರೊನಾ ವಾರಿಯರ್ಸ್‌ಗಳನ್ನು ಸನ್ಮಾನಿಸಿ ಗೌರವಿಸಿದರು.
ಸನ್ಮಾನವನ್ನು ಸ್ವೀಕರಿಸಿದ ತಹಸೀಲ್ದಾರ ಸುಬ್ಬಣ್ಣ ಜಮಖಂಡಿ ಮಾತನಾಡಿ,ನಾವು ನಮ್ಮ ಕರ್ತವ್ಯವನ್ನು ಜವಬ್ದಾರಿಯಿಂದ ನಿಭಾಯಿಸಿದ್ದೇವೆ.ಅದನ್ನು ಮನಗಂಡು ತಾವು ಇಂದು ನಮ್ಮೆಲ್ಲರನ್ನು ಸನ್ಮಾನಿಸಿ ಗೌರವಿಸಿರುವುದು ಸಂತೋಷ ತಂದಿದೆ.ಅಲ್ಲದೆ ಮತ್ತಷ್ಟು ನಮ್ಮ ಜವಬ್ದಾರಿಯು ಹೆಚ್ಚಾಗಿದ್ದು ಎಲ್ಲರು ಸೇರಿ ಕೊರೊನಾ ವಿರುದ್ಧ ಹೋರಾಡೊಣ ಎಂದರು.
ಡಿವೈಎಸ್ಪಿ ವೆಂಕಟೇಶ ಹುಗಿಬಂಡಿ ಮಾತನಾಡಿ,ನಮ್ಮ ಕರ್ತವ್ಯವನ್ನು ಅರಿತು ತಾವು ಬಂದು ಸನ್ಮಾನಿಸಿ ಗೌರವಿಸಿರುವುದಕ್ಕೆ ಧನ್ಯವಾದಗಳು.ಅದರಂತೆ ತಾವು ಕೊರೊನಾ ನಿರ್ಮೂಲನೆಗಾಗಿ ನಿಯಮಗಳನ್ನು ಪಾಲನೆ ಮಾಡಿ.ತಮ್ಮ ಬಳಿಗೆ ಕ್ಷೌರಕ್ಕಾಗಿ ಬರುವವರು ಕೋವಿಡ್ ನಿಯಮ ಪಾಲಿಸಲು ತಿಳಿಸಿ ಹಾಗು ತಮ್ಮ ಅಂಗಡಿಗಳಲ್ಲಿ ಹೆಚ್ಚು ಜನರು ಸೇರಲು ಅವಕಾಶ ಮಾಡಿಕೊಡದೆ ಒಬ್ಬೊಬ್ಬರಾಗಿ ಬರುವಂತೆ ತಿಳಿಸಿ ಎಂದರು.
ಈ ಸಂದರ್ಭದಲ್ಲಿ ಮುಖಂಡ ಯಲ್ಲಪ್ಪ ಚಿನ್ನಾಕಾರ ಮಾತನಾಡಿ,ಕೊರೊನಾ ಸಂದರ್ಭದಲ್ಲಿ ಜೀವದ ಹಂಗು ತೊರೆದು ನಮ್ಮೆಲ್ಲರ ಸೇವೆ ಮಾಡಿದ ಎಲ್ಲಾ ಅಧಿಕಾರಿಗಳು ಹಾಗು ವಾರಿಯರ್ಸ್‌ಗಳ ಸೇವೆಯ ಫಲದಿಂದ ಈಗ ಕೊರೊನಾ ನಿಯಂತ್ರಣಕ್ಕೆ ಬಂದಿದ್ದು ಎಲ್ಲರ ಸೇವೆಗೆ ನಮ್ಮ ಸವಿತಾ ಸಮಾಜ ಸನ್ಮಾನಿಸಿ ಗೌರವಿಸಿರುವುದು ನಮ್ಮೆಲ್ಲರಿಗೆ ಸಂತೋಷ ತಂದಿದೆ ಎಂದರು.
ಇದೇ ಸಂದರ್ಭದಲ್ಲಿ ಗ್ರೇಡ-೨ ತಹಸೀಲ್ದಾರ್ ಸೂಫಿಯಾ ಸುಲ್ತಾನ,ಪಿಐ ಎಸ್.ಎಮ್.ಪಾಟೀಲ್ ಪಿಎಸ್‌ಐ ಚಂದ್ರಶೇಖರ ಹಸನಾಪುರ ನಗರಸಭೆ ಪೌರಾಯುಕ್ತ ಜೀವನಕುಮಾರ ಕಟ್ಟಿಮನಿ ವ್ಯವಸ್ಥಾಪಕ ಯಲ್ಲಪ್ಪ ನಾಯಕ ಹಾಗು ಗೃಹರಕ್ಷಕ ದಳದ ವೆಂಕಟೇಶ ಸುರಪುರ ನಗರಭೆ ದಫೆದಾರ ಶರಣಪ್ಪ ಸೇರಿದಂತೆ ಅನೇಕರನ್ನು ಸನ್ಮಾನಿಸಿ ಗೌರವಿಸಿದರು.
ಈ ಸಂದರ್ಭದಲ್ಲಿ ಸವಿತಾ ಸಮಾಜದ ಮುಖಂಡರಾದ ನಗರಸಭೆ ಸದಸ್ಯ ಚಂದ್ರಾಮ ಮುಂದಿನಮನಿ ಸೂರ್ಯಕಾಂತ ಚಿನ್ನಾಕಾರ ಬಾಲರಾಜ ಚಿನ್ನಾಕಾರ ಬಾಲದಂಡಪ್ಪ ಗೌಡಗೇರಿ ಮಹೇಶ ಅಚ್ಚಕೋಲಿ ಬಸವರಾಜ ಗೌಡಗೇರಿ ಭೀಮಣ್ಣ ದೇವರಗೋನಾಲ ಮಹೇಶ ಗೋಗಿ ಸೇರಿದಂತೆ ಅನೇಕರಿದ್ದರು.