ಯಾದಗಿರಿ: SDPI ನೂತನ ಜಿಲ್ಲಾ ಅಧ್ಯಕ್ಷರಾಗಿ ಬಂದೇ ನವಾಝ್ ಗೋಗಿ ನೇಮಕ

ಯಾದಗಿರಿ: ಶಹಾಪುರದಲ್ಲಿ ಎಸ್.ಡಿ.ಪಿ.ಐ  ಜಿಲ್ಲಾ ಪ್ರತಿನಿಧಿಗಳ ಸಭೆಯಲ್ಲಿ 2021-24ರ ಅವಧಿಗೆ ನೂತನ ಜಿಲ್ಲಾ ಸಮಿತಿಯನ್ನು ಆಯ್ಕೆ ಮಾಡಲಾಯಿತು.

ರಾಜ್ಯ ಕಾರ್ಯಕಾರಣಿ ಸಮಿತಿ ಸದಸ್ಯ ಆನಂದ ಮಿತ್ತಬೈಲ್ ಧ್ವಜಾರೋಹಣ ನೆರವೇರಿಸುವ ಮೂಲಕ ಆರಂಭಗೊಂಡ ಪ್ರಕ್ರಿಯೆಯಲ್ಲಿ ಕಳೆದ ಅವಧಿಯ ವರದಿ ಮಂಡನೆ ಮಾಡಿ ಚರ್ಚೆ ನಡೆಸಲಾಯಿತು. ಚುನಾವಣಾ ಅಧಿಕಾರಿಗಳಾಗಿ ರಾಜ್ಯ ಕಾರ್ಯದರ್ಶಿ ಮಂಡಳಿ ಸದಸ್ಯ ಅಕ್ರಮ್ ಹಸನ್ ಹಾಗೂ ರಾಜ್ಯ ಕಾರ್ಯದರ್ಶಿ ಅಶ್ರಫ್ ಮಾಚಾರ್ ಕಾರ್ಯ ನಿರ್ವಹಿಸಿದರು.

ನೂತನ ಜಿಲ್ಲಾ ಅಧ್ಯಕ್ಷರಾಗಿ ಬಂಧೇ ನವಾಝ್, ಉಪಾಧ್ಯಕ್ಷರಾಗಿ ಮುನೀರ್ ಭಾಗ್ಬಾನ್, ಇಕ್ಬಾಲ್ ಜಾನಿ ಪ್ರಧಾನ ಕಾರ್ಯದರ್ಶಿ, ಹಾಶಿಂ ಪಟೇಲ್ ಕಾರ್ಯದರ್ಶಿ, ಅಬ್ರಾರ್ ಸಗರ್ ಖಜಾಂಚಿ, ಸದಸ್ಯರುಗಳಾಗಿ ಖಲೀಲ್ ಶಹಾಪುರ, ಸೈಯದ್ ಇಸಾಕ್ ಹುಸೈನ್ ಖಾಲಿದ್, ರಾಶಿದ್ ಶಹಾಪುರ, ಇಜಾಝ್ ಚಮ್ನಾಲ್ ಆಯ್ಕೆಯಾದರು.