ಸೇವಾಲಾಲರ ನಾಮಫಲಕವನ್ನು ಅಭಿವೃದ್ಧಿಗೊಳಿಸಲು ಮನವಿ

ಶಹಾಬಾದ: ನಗರದ ಬಸ್ ನಿಲ್ದಾಣದ ಹತ್ತಿರವಿರುವ ಸಂತ ಶ್ರೀ ಸೇವಾಲಾಲ ಅವರ (ಸ್ಟ್ಯಾಂಡ್) ಮಾರ್ಗಫಲಕವನ್ನು ಅಭಿವೃದ್ಧಿಗೊಳಿಸಬೇಕೆಂದು ಆಗ್ರಹಿಸಿ ಜೈಸೇವಾಲಾ ಬಂಜಾರ ಯುವ ಸಂಘದ ವತಿಯಿಂದ ನಗರಸಭೆಯ ಅಧ್ಯಕ್ಷೆ ಅಂಜಲಿ ಗಿರೀಶ ಕಂಬಾನೂರ ಅವರಿಗೆ ಮನವಿ ಪತ್ರ ಸಲ್ಲಿಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಜೈಸೇವಾಲಾ ಬಂಜಾರ ಯುವ ಸಂಘದ ಅಧ್ಯಕ್ಷ ಕಿರಣಕುಮಾರ.ಜಿ.ಚವ್ಹಾಣ, ಬಸ್ ನಿಲ್ದಾಣದ ಹತ್ತಿರವಿರುವ ಸಂತ ಶ್ರೀ ಸೇವಾಲಾಲ ಅವರ (ಸ್ಟ್ಯಾಂಡ್) ಮಾರ್ಗಫಲವಿದ್ದು, ಸದೃಢವಾದ ಕಟ್ಟೆ ಹಾಗೂ ಅದಕ್ಕೆ ಗ್ರಿಲ್ ಬಳಸಿ ಅಭಿವೃದ್ಧಿಗೊಳಿಸಬೇಕು.ಅಲ್ಲದೇ ಅಲ್ಲದೇ ಅದರ ಸುತ್ತಲೂ ಸ್ವಚ್ಛತೆ ಕಾಪಾಡುವ ನಿಟ್ಟಿನಲ್ಲಿ ಕ್ರಮಕೈಗೊಳ್ಳಬೇಕೆಂದು ಮನವಿ ಮಾಡಿದರು.

ನಗರಸಭೆಯ ಉಪಾಧ್ಯಕ್ಷೆ ಸಲೀಮಾಬೇಗಂ, ಸ್ಥಾಯಿ ಸಮಿತಿ ಅಧ್ಯಕ್ಷ ತಿಪ್ಪಣ್ಣ ನಾಟೇಕಾರ, ಮಾಜಿ ನಗರಸಭೆಯ ಅಧ್ಯಕ್ಷ ಗಿರೀಶ ಕಂಬಾನೂರ, ಪ್ರಧಾನ ಕಾರ್ಯದರ್ಶಿ ವಿಕ್ರಮ ರಾಠೋಡ, ಸುನೀಲ ಚವ್ಹಾಣ, ಧರ್ಮು ಚವ್ಹಾಣ,ವಿಕ್ಕಿ ನಾಯಕ ಇತರರು ಇದ್ದರು.