ಕಾಯಕ ಶರಣರೆಂದರೆ ಶಿವಶರಣ ಮಾದಾರ ಚೆನ್ನಯ್ಯ: ಲಿಂಗರಾಜ

ಶಹಾಬಾದ: ೧೨ನೇ ಶತಮಾನದಲ್ಲಿ ತಮ್ಮ ಕಾಯಕ ನಿ?ಯ ಮೂಲಕ ಶರಣ ಸಂಸ್ಕೃತಿಯಲ್ಲಿ ತಮ್ಮದೇ ಆದ ಅನುಭವ ಹೊಂದಿ ಬಸವಣ್ಣನವರ ಮೆಚ್ಚುಗೆಗೆ ಪಾತ್ರರಾದವರು ಶಿವಶರಣ ಮಾದಾರ ಚೆನ್ನಯ್ಯನವರು ಎಂದು ದಲಿತ ಮಾದಿಗ ಸಮನ್ವಯ ಸಮಿತಿ ರಾಜ್ಯಾಧ್ಯಕ್ಷ ಲಿಂಗರಾಜ ತಾರಫೈಲ್ ಹೇಳಿದರು.

ಅವರು ರವಿವಾರ ನಗರದ ಮಾದಾರ ಚೆನ್ನಯ್ಯ ನಗರದಲ್ಲಿ ದಲಿತ ಮಾದಿಗ ಸಮನ್ವಯ ಸಮಿತಿ ವತಿಯಿಂದ ಆಯೋಜಿಸಲಾದ ಶಿವಶರಣ ಮಾದಾರ ಚೆನ್ನಯ್ಯ ಜಯಂತ್ಯುತ್ಸವದಲ್ಲಿ ಮಾತನಾಡಿದರು.

ಅವರು, ಕಾಯಾ,ವಾಚಾ, ಮನಸಾ, ಶುದ್ಧಹಸ್ತರಾದ ಚೆನ್ನಯ್ಯನವರ ದಾರಿಯಲ್ಲಿ ನಾವೆಲ್ಲ ನಡೆಯಬೇಕಾಗಿದೆ ಎಂದರು. ಮಾಜಿ ನಗರಸಭೆಯ ಅಧ್ಯಕ್ಷ ಗಿರೀಶ ಕಂಬಾನೂರ ಮಾತನಾಡಿ, ಶರಣರು ಕೇವಲ ಒಂದು ವರ್ಗಕ್ಕೆ ಸೀಮಿತರಾದವರಲ್ಲ. ಸರ್ವ ಜನಾಂಗಕ್ಕೆ ಬೇಕಾದವರು. ಇಂಥವರು ಹಾಕಿಕೊಟ್ಟ ಒಳ್ಳೆಯ ಮಾರ್ಗದಲ್ಲಿ ನಾವೆಲ್ಲ ನಡೆಯಬೇಕಾಗಿದೆ ಎಂದರು.

ದಲಿತ ಮಾದಿಗ ಸಮನ್ವಯ ಸಮಿತಿ ಅಧ್ಯಕ್ಷ ಶಿವರಾಜ ಕೋರೆ ಮಾತನಾಡಿ, ಹಸಿದವನಿಗೆ ಅನ್ನ ನೀಡುವುದೇ ನಿಜವಾದ ಧರ್ಮ. ಅಂತೆಯೇ ಕಾಯಕ ಫಲದ ಸ್ವಲ್ಪ ಭಾಗ ದೀನ-ದಲಿತರಿಗೆ ನೀಡುವ ಪರಂಪರೆ ಯನ್ನು ಪಾಲಿಸಿದವರು ಮಾದಾರ ಚೆನ್ನಯ್ಯನವರು ಎಂದರು.

ಬಹುಮುಖಿ ಸಾಹಿತಿ ನಾಗಪ್ಪ ಬೆಳಮಗಿ ಮಾದಾರ ಚೆನ್ನಯ್ಯನವರ ಕುರಿತು ಗಾಯನ ಹಾಡಿದರು. ಹಾಜಪ್ಪ ಬಳಿಚಕ್ರ, ನಗರಸಭೆಯ ಸದಸ್ಯೆ ಪೀರಮ್ಮ.ಇ.ಪಗಲಾಪೂರ,ಚಂದ್ರಕಾಂತ ಉದಯಕರ್,ರಾಜೇಶ ಯನಗುಂಟಿಕರ್,ಭೀಮರಾಯ ಕನಗನಹಳ್ಳಿ, ಹಂಪಣ್ಣ ಉಳ್ಳಾಗಡ್ಡಿ ವೇದಿಕೆಯ ಮೇಲಿದ್ದರು. ರವಿ ಬೆಳಮಗಿ ನಿರೂಪಿಸಿ, ಸ್ವಾಗತಿಸಿದರು. ಯಲ್ಲಾಲಿಂಗ ಹೈಯ್ಯಾಳಕರ್ ವಂದಿಸಿದರು.

ಸರಕಾರ ಅನ್ಯ ಶರಣರ ಜಯಂತಿಗಳನ್ನು ಆಚರಣೆ ಮಾಡುವುದರ ಮೂಲಕ ಆಯಾ ಕುಲಬಾಂಧವರ ಏಳ್ಗೆಗಾಗಿ ಶ್ರಮಿಸುವ ಹಾಗೆ ಶರಣರಲ್ಲಿಯೇ ಶ್ರೇ? ಶರಣರಾಗಿರುವ ಮಾದಾರ ಚೆನ್ನಯ್ಯನವರ ಜಯಂತಿಯನ್ನು ಸರಕಾರವೇ ಆಚರಿಸುವುದರ ಮೂಲಕ ನಮ್ಮ ಸಮಾಜಕ್ಕೆ ನ್ಯಾಯ ಒದಗಿಸಬೇಕು-ಶರಣಬಸಪ್ಪ ಪಗಲಾಪೂರ ನಗರಸಭೆಯ ಮಾಜಿ ಸ್ಥಾಯಿ ಸಮಿತಿ ಅಧ್ಯಕ್ಷ