ದೀಪಾಲಂಕಾರ: ಬಹುಮಾನ ವಿತರಣೆ

ಕಲಬುರಗಿ: ನಗರದ ಎಸ್.ಆರ್. ಫೌಂಡೇಶನ್ ಮತ್ತು ಪಾಟೀಲ ಗ್ರೂಪ್ ಆಫ್ ಕಂಪನೀಸ್ ವತಿಯಿಂದ ದೀಪಾವಳಿ ಅಂಗವಾಗಿ ಸಂಗಮ ಮತ್ತು ತ್ರಿವೇಣಿ ಚಿತ್ರ ಮಂದಿರದ ಗ್ಯಾಲರಿಯಲ್ಲಿ ಹಮ್ಮಿಕೊಂಡಿದ್ದ ರಂಗೋಲಿ ದೀಪಾಲಂಕಾರ ಸ್ಪರ್ಧೆಯಲ್ಲಿ ಶಿವರಾಜ ರಾಜಶೇಖರ ಪಾಟೀಲ (ಪ್ರಥಮ), ಸಾಕ್ಷಿ ಶಿವರಂಜನ ಸತ್ಯಂಪೇಟೆ (ದ್ವಿತೀಯ), ಕವನ ಯಲಶೆಟ್ಟಿ (ತೃತೀಯ ಬಹುಮಾನ ಪಡೆದಿದ್ದಾರೆ.

ದೀಪಾಲಂಕಾರಕ್ಕೆ ವಿದ್ಯುತ್ ದೀಪ ಬಳಸದೆ ಪಣತಿಗಳ, ಎಣ್ಣೆ ಹಾಗೂ ಬತ್ತಿಗಳ ದೀಪಾಲಂಕಾರಕ್ಕೆ ಮಾತ್ರ ಅವಕಾಶವಿತ್ತು. ದೀಪಾಲಂಕಾರಕ್ಕೆ ರಂಗೋಲಿ, ಹೂ, ಹಣ್ಣು ಮಾತ್ರ ಬಳಸಬೇಕು ಎಂಬ ನಿಯಮವಿತ್ತು. 5000 (ಪ್ರಥಮ ಬಹುಮಾನ, 3000 (ದ್ವಿತೀಯ ಬಹುಮಾನ), 2000 (ತೃತೀಯ ಬಹುಮಾನ) ನಗದು ಹಣ ನೀಡಲಾಯಿತು.

ಸ್ಪರ್ಧೆಯಲ್ಲಿ ಭಾಗವಹಿಸಿದ ಎಲ್ಲರಿಗೂ ಗ್ರೂಪ್‍ನ ಮಾಲೀಕರಾದ ಸಿದ್ಧಲಿಂಗ ಪಾಟೀಲ, ಸ್ಪರ್ಧೆಯ ಸಂಚಾಲಕ ಡಾ. ಸಂದೀಪ ಅವರು ಪ್ರಮಾಣ ಪತ್ರ ನೀಡಲಾಯಿತು.