ಆಟೋ ಕಾರು ಮಧ್ಯೆ ಅಪಘಾತ ಆಟೋ ಚಾಲಕ ಸಾವು

ಸುರಪುರ: ಆಟೋ ಮತ್ತು ಕಾರು ಮಧ್ಯೆ ಅಪಘಾತ ಸಂಭವಿಸಿ ಆಟೋ ಚಾಲಕ ಸ್ಥಳದಲ್ಲಿ ಸಾವನ್ನಪ್ಪಿರುವ ಘಟನೆ ಮಂಗಳವಾರ ಸಂಜೆ ನಡೆದಿದೆ.

ತಾಲೂಕಿನ ಬಿಜಾಸಪುರ ಬಳಿ ಬೀದರ ಬೆಂಗಳೂರು ರಾಜ್ಯ ಹೆದ್ದಾರಿ ಮೇಲೆ ಸುರಪುರ ಕಡೆಯಿಂದ ಶಹಾಪುರ ಕಡೆಗೆ ಹೋಗುತ್ತಿದ್ದ ಆಟೋ ಹಾಗೂ ಹತ್ತಿಗುಡೂರ ಕಡೆಯಿಂದ ಸುರಪುರ ಕಡೆಗೆ ಬರುತ್ತಿದ್ದ ಕಾರು ಮಧ್ಯೆ ಅಪಘಾತ ಸಂಭವಿಸಿದ್ದು,ಆಟೋ ಚಾಲಕ ಶಹಾಪುರ ನಗರದ ಗೋಗಿಪೇಠ ನಿವಾಸಿ 40 ವರ್ಷದ ಮಹ್ಮದ್ ಅಲೀಂ ಚೋರಗಸ್ತಿ ಎನ್ನುವವರು ಸ್ಥಳದಲ್ಲಿಯೇ ಸಾವನ್ನಪ್ಪಿದ್ದಾನೆ.

ಅಪಘಾತ ಹೇಗೆ ಸಂಭವಿಸಿದೆ ಎನ್ನುವುದು ನಿಖರವಾಗಿ ತಿಳಿದು ಬಂದಿಲ್ಲ,ಈ ಕುರಿತು ಸುರಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.