ಬಿಗಿ ಪೊಲೀಸ್ ಬಂದೋಬಸ್ತ್ ನಲ್ಲಿ ನಾಳೆ ಮತ ಎಣಿಕೆ: ಜಿಲ್ಲಾಡಳಿತದಿಂದ ಸಕಲ ಸಿದ್ಧತೆ

ಕಲಬುರಗಿ; ಜಿಲ್ಲೆಯ 9 ವಿಧಾನಸಭಾ ಕ್ಷೇತ್ರಗಳ ಚುನಾವಣೆಯ ಮತಎಣಿಕೆ ಮೇ 13 ರಂದು ಶನಿವಾರ ಬೆಳಿಗ್ಗೆ 8ರಿಂದ ಗುಲ್ಬರ್ಗಾ ವಿಶ್ವವಿದ್ಯಾಲಯ ಆವರಣದಲ್ಲಿ ಸ್ಥಾಪಿಸಿರುವ ಮತ ಎಣಿಕಾ ಕೇಂದ್ರಗಳಲ್ಲಿ ನಡೆಯಲಿದ್ದು, ಇದಕ್ಕಾಗಿ ಸಕಲ ತಯಾರಿ ಮಾಡಿಕೊಳ್ಳಲಾಗಿದೆ ಎಂದು ಜಿಲ್ಲಾಧಿಕಾರಿ ಯಶವಂತ್ ವಿ. ಗುರುಕರ್ ಅವರು ತಿಳಿಸಿದರು.

ವಿಶ್ವವಿದ್ಯಾಲಯದಲ್ಲಿ ಮತ ಎಣಿಕೆ ಕೇಂದ್ರಗಳ ಸಿದ್ಧತೆಗಳನ್ನು ಪರಿಶೀಲಿಸಿದ ಬಳಿಕ ಸುದ್ದಿಗಾರರಿಗೆ ಮಾತನಾಡಿದ ಅವರು, ಗಣಿತಶಾಸ್ತ್ರ ವಿಭಾಗದಲ್ಲಿ 34-ಅಫಜಲಪುರ, ಪರೀಕ್ಷಾ ಕೇಂದ್ರದಲ್ಲಿ 35-ಜೇವರ್ಗಿ, 40-ಚಿತ್ತಾಪುರ, 43-ಗುಲ್ಬರ್ಗಾ ಗ್ರಾಮೀಣ, ಕನ್ನಡ ವಿಭಾಗದಲ್ಲಿ 41-ಸೇಡಂ ಮತ್ತು 42-ಚಿಂಚೋಳಿ, ಒಳಾಂಗಣ ಕ್ರೀಡಾಂಗಣದಲ್ಲಿ 45-ಗುಲ್ಬರ್ಗಾ ಉತ್ತರ, 46-ಆಳಂದ ಹಾಗೂ  ಸಸ್ಯಶಾಸ್ತ್ರ ವಿಭಾಗದಲ್ಲಿ 44- ಗುಲ್ಬರ್ಗಾ ದಕ್ಷಿಣ  ಕೇತ್ರಗಳ ಮತಎಣಿಕೆ ಕಾರ್ಯ ನಡೆಯಲಿದೆ ಎಂದರು.

ತಲಾ ಒಂದು ಕೇಂದ್ರಕ್ಕೆ 16 ಟೇಬಲ್ ಇರಲಿದ್ದು, ಈ ಪೈಕಿ ಎರಡು ಟೇಬಲ್ ಅಂಚೆ ಮತಗಳ ಎಣಿಕೆಗೆ ಬಳಸಿಕೊಳ್ಳಲಾಗುವುದು. ಸರಾಸರಿ 16 ಸುತ್ತುಗಳ ಮತ ಎಣಿಕೆ ನಡೆಯಲಿದ್ದು, 43-ಗುಲ್ಬರ್ಗಾ ಗ್ರಾಮೀಣ ಕ್ಷೇತ್ರದ ಸುತ್ತಗಳ ಸಂಖ್ಯೆ ಜಾಸ್ತಿ ಇರಲಿದೆ ಎಂದು ಅವರು ತಿಳಿಸಿದರು.

ಒಂದು ಟೇಬಲ್‍ಗೆ ಆಯಾ ಅಭ್ಯರ್ಥಿ/ಪಕ್ಷಗಳಿಂದ ಒಬ್ಬ ಏಜೆಂಟ್ ಮಾತ್ರ ಇರಲಿದ್ದು, ಓರ್ವ ವೀಕ್ಷಕ, ಓರ್ವ ಕ್ಷೇತ್ರ ಚುನಾವಣಾಧಿಕಾರಿ, ಒಬ್ಬರು ಸಹಾಯಕ ಚುನಾವಣಾಧಿಕಾರಿ, ಒಬ್ಬರು ಮೈಕ್ರೋ ಅಬ್ಸರ್ವರ್ ಕಾರ್ಯನಿರ್ವಹಿಸಲಿದ್ದಾರೆ ಎಂದು ವಿವರ  ನೀಡಿದರು.

ಶುಕ್ರವಾರ ಬೆಳಗ್ಗೆ 6ರಿಂದ ಶನಿವಾರ ಸಂಜೆ 6 ರವರೆಗೆ ವಿವಿ ಆವರಣದಲ್ಲಿ ಸೆಕ್ಷನ್ 144 ಅಡಿ ನಿμÉೀಧಾಜ್ಞೆ ವಿಧಿಸಲಾಗಿದ್ದು, ವಿವಿ ಆವರಣ ಪ್ರವೇಶಕ್ಕಾಗಿ ಕೇವಲ ಗೇಟ್ ಕ್ರಮಾಂಕ-1 ಬಳಸಲು ಮಾತ್ರ ಅವಕಾಶ ನೀಡಲಾಗುವುದು ಎಂದು ತಿಳಿಸಿದರು.

ಮತ ಎಣಿಕೆ ಕೇಂದ್ರದ ಏಜೆಂಟ್ ಸೇರಿದಂತೆ ಯಾರ ವಾಹನವೂ ಗೇಟ್ ಒಳಗೆ ಪ್ರವೇಶಿಸಲು ಅನುಮತಿ ಇರುವುದಿಲ್ಲ. ಇನ್ನು, ಮತ ಎಣಿಕೆ ಸಿಬ್ಬಂದಿ ಸೇರಿದಂತೆ ತುರ್ತು ಸಿಬ್ಬಂದಿಯ ವಾಹನಗಳನ್ನು ಮುಖ್ಯ ಗೇಟ್ -1ರ ಬಳಿ ಪಾರ್ಕ್ ಮಾಡಲು ಸ್ಥಳಾವಕಾಶ ಕಲ್ಪಿಸಲಾಗುತ್ತಿದೆ ಎಂದು ಜಿಲ್ಲಾಧಿಕಾರಿ ಸ್ಪಷ್ಟಪಡಿಸಿದರು.

ಮೊಬೈಲ್ ಹಾಗೂ ಯಾವುದೇ ರೀತಿಯ ಎಲೆಕ್ಟ್ರಾನಿಕ್ ಉಪಕರಣಗಳನ್ನು ವಿವಿ ಆವರಣದಲ್ಲಿ ಕೊಂಡೊಯ್ಯಲು ಅವಕಾಶ ಇರುವುದಿಲ್ಲ ಎಂದು ಸಹ ಹೇಳಿದರು.

1,500ಕ್ಕೂ ಹೆಚ್ಚು ಪೆÇಲೀಸರ ನಿಯೋಜನೆ: ಈ ಸಂದರ್ಭದಲ್ಲಿ ಮಾತನಾಡಿದ ಕಲಬುರಗಿ ನಗರ ಪೆÇಲೀಸ್ ಆಯಕ್ತ ಚೇತನ್.ಆರ್ ಅವರು, ಮತ ಎಣಿಕೆ ನಡೆಯಲಿರುವ ಗುಲ್ಬರ್ಗಾ ವಿವಿ ಆವರಣದಲ್ಲಿ ಒಟ್ಟು 1,500ಕ್ಕೂ ಹೆಚ್ಚು ಪೆÇಲೀಸ್ ಸಿಬ್ಬಂದಿ ಬಳಸಿಕೊಳ್ಳಲಾಗುತ್ತಿದೆ ಎಂದು  ತಿಳಿಸಿದರು.

ಸಿ.ಆರ್.ಪಿ.ಎಫ್, ಕ್ಷಿಪ್ರ ಕಾರ್ಯಾಚರಣೆ ಪಡೆ ಹಾಗೂ ಸಿವಿಲ್ ಪೆÇಲೀಸ್ ಸಿಬ್ಬಂದಿಯನ್ನು ಭದ್ರತಾ ಕಾರ್ಯಕ್ಕೆ ಬಳಸಿಕೊಳ್ಳಲಾಗುತ್ತಿದೆ ಎಂದರು.

ವಿಜಯೋತ್ಸವಕ್ಕೆ ಅವಕಾಶ ನಿಷಿದ್ಧ: ಮತ ಎಣಿಕೆ ನಡೆಯಲಿರುವ ವಿವಿ ಆವರಣ ಸೇರಿದಂತೆ ಇಡೀ ಕಲಬುರಗಿ ನಗರದ ಯಾವುದೇ ಭಾಗದಲ್ಲಿ ವಿಜಯೋತ್ಸವಕ್ಕೆ ಅವಕಾಶ ಇರುವುದಿಲ್ಲ ಎಂದು ಕಲಬುರಗಿ ನಗರ ಪೆÇಲೀಸ್  ಆಯುಕ್ತ  ಚೇತನ್ ಆರ್. ಅವರು ಇದೇ ವೇಳೆ ಸ್ಪಷ್ಟಪಡಿಸಿದರು.